27-08-2016, 09:22 AM
|
#29 |
عضو قدير
تاريخ التسجيل : Dec 2014 رقم العضوية : 732 الجنس : انثى المشاركات : 1,600 أوسـمـة: Deena |
كل الاوسمة:2 (more»)
| | لولا اختلاف الآراء والأذواق كنا شفنا كل الناس في مكان واحد / مطعم واحد ولابسين نفس اللبس .. الشخص نفسه بيتغير ذوقه من وقت لوقت أو بيملّ مع مرور الزمن ...
بالنسبة لي كل اللي ذكرتيه ما شفت منه شي يمكن (يمكن) لأنه برنامجي أبدا ما بتضمن المرور في شارع العرب (على فكرة تسميته مهينة للعرب ما بعرف ليش هيك عم نطلق عليه)... ولا أي مكان من هاللي ذكرتيهم ..
الغريب بالنسبة لي استيائك من وجود الإيرانيين والأوروبيين مثلاً.. تخيلي بلد تمنع الزوار من بلد معين ؟ بكل العالم ما صارت .. الجنسية الوحيدة اللي ممنوعين تماما من دخول ماليزيا هم الاسرائيليين وغير هيك عادي البلد مفتوحة للسياح حالها حال أي مكان تاني .. مش حكر على ناس او ديانة أو مجموعة معينة
بنفس الوقت مستحيل نحمّل بلد مسؤولية تصرفات السياح الفردية (وبأكد انها فردية لانه كل اللي ردوا على الموضوع استغربوا متلي)..
اقول لك ببلادنا ما في شباب بيعاكسو بنات؟ ما في حدا بيترقّص على الشط؟ ما في حدا بيعرض مخدرات وبنات ؟ الاسعار ما ارتفعت؟ الناس ما تغيرت نفسياتها؟ قيسيها على كل البلاد العربية والمسلمة من أكثرها التزاماً - كيف كانت السعودية قبل عشر سنين وكيف صارت؟ والاردن كيف كانت وكيف صارت .. تركيا مصر الامارات وكل الدول تغيرت لكن هاد مش معناه انه التغيير للأسوأ هو التغيير الوحيد اللي صار .. كل شي ببلادنا تطوّر وتحسن وفي نفس الوقت في مخرجات غير مرغوبة صاحبت هالتطور ..
غرضي مش الدفاع عن ماليزيا إنما حسب ما بشوف هالسلبيات مش عامة ابدا ولا يمكن تكون هي الوصف الأساسي للوضع السياحي في ماليزيا .. لو قارنتيها بعشر سنين مضت فهي تغيرت .. وتطورت جدا وتحسنت وزادت أسعارها وزاد انفتاحها .. والمخرجات الجانبية اللي صاحبت كل هالتغيير شي لا مفر منه في أي مكان ..
أخيراً بتمنى ما تاخدي ردي او ردود الآخرين على انها هجومية أو انتقاص من رأيك فهو بالنهاية مشاهداتك الفردية .. ولو سردت لك كل مواقفي الإيجابية جدا جدا في ماليزيا يمكن تقولي لي نفس الكلام وانها مواقف فردية مش عامة .. عشان هيك لازم نأكد على أهمية عدم تعميم المشاهدات حتى لو شافوها 10 و 100 في بلد بيزورها الملايين . توقيع : Deena | "فاطر السماوات والأرض أنت وليي في الدنيا والآخرة توفّني مسلماً وألحقني بالصالحين"
| |
| |