رحلتي الى استراليا اغسطس 2016 ملبورن سيدني قولد كوست

ali pontiac · 13-09-2016, 11:51 PM

SYDNEY

اليوم الخامس و الأخير

في هذي اليوم صحينه متأخرين لأنه يوم فاضي و بدون برنامج كنه نفكر من اليوم الي قبل ان نحجز برنامج صعود جسر الهاربور واهوه من اشهر البرامج في سيدني ولكن ما حجزناه

....

نزلنه و كان وقت الغداء، توجهنه الى مطعم اسمه Butter مسجله من المطاعم الي عندي في اللسته

مرورا على Sydney Town Hall

و مرينه على هذي الشارع اسمه Liverpool St وفيه كثير مطاعم متنوعه، الشارع صاير نهاية حديقة الهايد بارك

وصلنه المطعم و شكله من الخارج كأنه محل يبيع احذيه رياضيه

المكان صغير وما احسه ملائم للعوائل، الموسيقى صاخبه جدا في النهار، في الليل ماعرف شلون بكون الوضع !!، والمطعم يبيع الدجاج المقلي، سندويشات و قطع، القطع تختار 4 درجات من الحروره وانا اخترت الثالثه

بصراحه كان جدا لذيذ الي مسافر بروحه او بيشرد عن عايلته يجربه و مابيندم ..السعر 51.5 دولار

بعد القصاء على وجبة الغداء كملنا المشي

...

محل معجنات ياباني

و شفنا روحنه في China town

و شفنا هذي المجمع وباين عليه قديم

و دخلناه على السريع، المحلات اسعارها رخيصه فيه

شكله من الخارج

تمشينه للدارلنق هاربور

هذي السور داخله الحديقه الصينيه الي دخلناها في ثاني يوم

دخلنا الدرالنق و جلسنا على الكراسي نشوف الرايح و الجاي

ماعرف هذي يصنف يخت او فيري لكن شكله VVIP

فكرنه شنسوي و اتفقنه ندخل الأكواريوم سعر التذكرتين 80 دولار

هذي سمكة Dory

نيمو

سبحان الله هذي السمكه ذكرتني في علم البوسنه

وطلعنا من الأكواريوم ودخلنا متحف Australian National Maritime Museum وكانت الساعه قريب الـ5:00 وفيه قسمين في المتحف فيه قسمين، قسم مجاني وفيه قسم برسوم اعتقد فيه فيديو لعرض سينمائي لسفينة استراليه حربيه (اذا ماكنت غلطان)

قالو لنه بنسكر قريب عندكم 10 دقايق، ودخلنا

هذي المروحيه اسمها westlans wessex Mark B31 مضاده للغواصات و استخدمت لعمليات الإنقاذ، دخلت الخدمه في سنة 1963 الى 1989

رجعنه الفندق و جهزنا الشنط لصباح اليوم التالي لمغادرة سيدني و الذهاب الى اوكلاند (نيوزلاند)

صورة برج سيدني من الغرفه

خرجنا في الليل نودع سيدني ونتعشه وتوجهنا الى شارع Liverpool St الي مرينه عليه الضهر، و نشوف المطاعم الي هناك

سينما

وصلنا الشارع وشفنه فيه ممر لاحظناه الضهر وفيه مطاعم دخلناه، اتضح ان المكان مجمع تجاري صغيير اسمه World Square

وصار الأختيار على هذي المطعم المكيسي وله افرع في استراليا

الكولا المكسيكي عجيب

اخترت التاكو، و زوجتي طلبت بوريتو، البوريتو مالهم خبزه طري يختلف عن باقي البوريتو الي جربتهم من قبل، السعر 37 دولار

ورجعنا عن طريق Market street والشارع هادئ

محل مايكروسوفت

وهذي كانت نهاية آخر يوم في سيدني، سيدني عجبتني والحمدلله انهي احلى بكثير مما تصورت فيها تنوع متعدد و جوها جميل ولاتقل امانا عن ملبورن

...

نلقاكم في القسم النيوزلندي وبعده ارجع اكمل التقرير الأسترالي في Gold Coast

يتبع،،،،

فارس من خيال, Deena, درجه سياحيه و 3 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تقرير PDF سياحي شامل لمدن سيدني وجولد كوست وملبورن	عبدالله الحمودي	بوابة استراليا ونيوزلندا	15	28-01-2020 11:07 AM
متاهة Infinity الممتعة (قولد كوست)	زهرة نيسان	بوابة استراليا ونيوزلندا	27	15-04-2015 07:40 AM
استئجار سيارة في قولد كوست وبرزبن	قوسي	بوابة استراليا ونيوزلندا	2	10-04-2015 08:15 AM
شهر سيحاحة في قولد كوست؟ رايكم	ابو عبدالله1	بوابة استراليا ونيوزلندا	7	20-02-2015 01:39 PM