X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين888الاعجاب
إضافة رد
 
LinkBack أدوات الموضوع انواع عرض الموضوع
قديم 07-11-2016, 06:42 PM   #1

مسافر متألق

الصورة الرمزية fahad_q8
 
تاريخ التسجيل :  Oct 2016
رقم العضوية : 12602
الدولة : الكويت
الجنس : ذكر
المشاركات : 677



افتراضي باكورة رحلاتي .. رحلتي الى ماليزيا ( لنكاوي بينانج كوالا ) شهر نوفمبر


بسم الله الرحمن الرحيم

بالبداية احب اشكر هذا المنتدى اللي شفت فيه قوقل معلومات تبارك الرحمن من الجميع وطوفولي اي شي من ناحية التصوير او صياغة الكلام الا اني بحاول قد ما اقدر استعرض الرحلة

من زمان وانا ناوي السفر لكن حكم تغيير دوامي صار لازم يعدي 9 اشهر واكثر عشان تاخذ اجازة

وصارت الفرصة ان شهر 11 ميلادي ( نوفمبر ) هو شهر اجازتي السنوية

وكان الاختيار على ( ماليزيا )

وطبعا احب اقولكم اني ما احب دول شرق اسيا لأن الجو حار .. عاشق اسطنبول من الاخر

واحب اروحلها شتويه بس يعني انسوا اتاقلم مع الرطوبة ( الرطوبة بالخليج مو مقصرة فينا )

لكن اللي معاي ولد عمتي ( مصعب ) قال انا رحت تركيا وانت رحت خلنا نغير ونبعد نروح ماليزيا

وتم الاختيار والتخطيط قبل السفرة بأسبوع فقط يعني سفرة سريعة وبتكون اقتصادية بإذن الله وتم التخطيط على التوجه الى ( لنكاوي 4 ايام 3 ليالي .. بينانغ 5 ايام 4 ليالي ،. كوالالمبور الايام الباقي بحيث تكون الرجعة للكويت لتاريخ 11/18 والوصول بالضبط تاريخ 19 الفجر )

هاذي بداية الرحلة / اوافيكم بالصور حالا .. مع التفاصيل ليوم سميته ( يوم المطارات )



أرسلت بواسطة iPhone بإستخدام Tapatalk

 

توقيع : fahad_q8

KuWaIt

ميلاني اسطنبولي .. سابقاً

fahad_q8 غير متواجد حالياً   رد مع اقتباس
قديم 07-11-2016, 07:38 PM   #2

مسافر متألق

الصورة الرمزية fahad_q8
 
تاريخ التسجيل :  Oct 2016
رقم العضوية : 12602
الدولة : الكويت
الجنس : ذكر
المشاركات : 677



افتراضي


بداية الرحلة كانت على طيران الامارات fly emirates
سعر التذكرة 167 دينار للشخص ( سياحية ) لمدة 12 يوم واليوم ال13 نكون بالكويت
تاريخ 6 نوفمبر توجهنا لمطار الكويت الساعة 11 ونص الظهر






وطبعا حطينا الجناط بالأول عن الزحمة
ولازم نتحرش بسناب على اهل السامسونغ ( بحكم اني موظف شركة اتصالات فضايفيني موظفين معاي بالدوام عشاق للسامسونغ ولازم اتحرش فيهم



فعلاً شي مو هين انك تمنع تلفون جديد من الطيارة خوفاً ع الطيارة

وهم طبعا لازم اي احد يزور مطار الكويت يمر مطعم الباستا الشهير هناك



بعد التچييك صلينا وتمشينا بالسوق الحرة

وعقبها رحنا للطيارة

موعد الرحلة 2:15 الظهر توقيت الكويت متجهين الى دبي دار الحي





ولازم صديق الرحلة ( فلم للتقزيرة = للتسلية )



وصلنا الامارات بحمد الله وكانت الساعه 5 بتوقيت الامارات يعني 4 توقيت الكويت
وتمينا منتظرين مع جولات بسوق الحرة ومطارهم ( اللي حرام تسميه مطار ومطار الكويت هم تسميه مطار )

كانت الرحلة الساعة 9 و 40 دقيقة بالليل



وكانت مدة الرحلة 7 ساعات ونص

حاولت انام ماقدرت لان الكراسي ما تساعد ع النوم ابدا





هم لازم تسلية بعد 7 ساعات ونص

طارق العلي كان صديق الرحلة



وصلنا كوالالمبور الساعة 9 الا ربع بتوقيتهم يعني 4 الا ربع الفجر بتوقيت اهلنا بالكويت

مطار كوالالمبور كان مو زحمة بس مع هذا اشوفه كذلك افضل من مطار الكويت وكبير ماشالله فيه مترو بين البوابات مثل مطار دبي


اخذنا خط قبل التچييك والدخول
خط ماكسيس ( 10 غيغا تقريبا ب50 رينجت .. ال10 رينجت تقريبا 710 فلس كويتي )
وتقدر تضيف 10 رينجت للمكالمات
وضفناها


للامانة وصلت لبوابة الدخول .. كان فيه كونترين فقط شغالين وزحمة غير طبيعية .. دبل اللي بالصور بس الاجراءات كانت سريعة واستلام الجنط ( الحقائب ) بدون تأخير يعني تقريبا 20 دقيقة مع استلام الجنط



وطلعنا نشم هوا شوي ونرجع لاكمال الحجز الى لنكاوي ( حاجزين الفنادق بلنكاوي وبينانغ من قبل الوصول فمانقدر نغير بالجدول وهذا الافضل ان نلتزم بالجدول


حجزنا الساعة 10 على طيران والعياذ بالله منه اسمه ماليندو
تذكرتين بعد ساعتين 12و 20 دقيقة
تذكرتين ب410 رينجت وكان هو الارخص بين الطيرانات
صج طيران مش حالك
بس يمشي الحال
وكان في تاخير بالرحلة واحنا مو ناقصين لان بنكمل 24 ساعه بدون نوم وعلى قولة صديق الرحلة .. طيرانهم وكيفهم بعد

مده الرحلة كانت ساعة بين كوالا ولنكاوي




وهذا مطار لنكاوي اللي اشوفه زووين كونه مطار داخلي بس صغير

وعجبني هالاعلان عندهم لكن غير صحيح التكاسي برا ارخص


وعجبني ان العربي مهم عندهم بالمطارات

واول مافتحت البوابة هلوا علينا جميع التكاسي
في واحد اخذناه قال 5 رينجت للفندق مسافة الفندق 7 دقايق او 8
عن المطار
يتكلم عربي بطلاقه وسيارته خاصه وجدا رائع اخذنا رقمه
لتكمله الرحلات غدا
هذا محمد


وصلنا فندقنا واحنا مانبي اي شي بس نبي الفراش طبقنا 24 ساعة بدون نوم
وهذا الفندق
مع اطلالة الغرفة





الفندق مقبول نوعا ما
4 ايام
3 ليالي
ب228 رينجت
وانا ما اهتم للفندق كثير لان شباب وبنكون برا الفندق غالب الوقت
لكن للامانه طاقم الستقبال متعاون جداً واي شي نطلبه يتوفر

نمنا للساعة 9 ونص ( قبل 3 ساعات يعني لان الحين 12 ونص بتوقيت لنكاوي )
ورحنا تعشينا بمطعم السلطان
طبعا اتصلنا على محمد وودانا مطعم عربي اسمه السلطان فيه عمال مصريين فيه


المطعم جنب التلفريك
ولا تسالوني عن الحساب لان الجوع كافر اللي معاي دفع
ورجعنا الفندق

والحين بننام عشان نكمل الصبح بنشاط اكثر لان تقريبا يومنا راح واحترق بالمطارات

ملاحظات ؛ مطار دبي لا يعلى عليه

* عجبني بمطار كوالا ان كان فيه زحمة قوية
ومع هذا كان فيه طفل مع عائلة سعودية تعبان ويصرخ ويبجي ( يبكي ) وخذوا العائلة ومشوها قبل الكل

* مطار لنكاوي دخول الطيارة للعوائل والاطفال اول والمضيفات الله لا يوريكم .. نفسية سيئة
* الجو رطب واللي بالكويت ينزلون سناب وتغريدات ان انت من رحت من الكويت ، المطر هل علينا .. واضح الموضوع ضدي [emoji174] واني كنت نحس ( اللهم صبا نافعا )
*
تصبحون على خير ليوم جديد / وسامحوني ع الاطالة واذا في اي سؤال حاضر



أرسلت بواسطة iPhone بإستخدام Tapatalk

 

توقيع : fahad_q8

KuWaIt

ميلاني اسطنبولي .. سابقاً

fahad_q8 غير متواجد حالياً   رد مع اقتباس
قديم 07-11-2016, 08:56 PM   #3

مجلس الإدارة

الصورة الرمزية آخـــرفـــرصـــة
 
تاريخ التسجيل :  Dec 2014
رقم العضوية : 16
الدولة : فضاء العرب المسافرون
الجنس : ذكر
المشاركات : 30,318



افتراضي


ياهلا و مرحبا فهد

أعجبتني صورة البرج لقطة جميلة
مطار دبي و كوالالمبور مانختلف عليها تعامل راقي

الطيران الماليزي عموماً اختلف كثير في السنين الاخيرة
و فقد الكثير من العملاء

بداية قوية و جميلة
كثير يحتاج مثل هذي الرحلات الاقتصادية

متابعين

 

توقيع : آخـــرفـــرصـــة

نقره لعرض الصورة في صفحة مستقلة

لا أكتب الا في شبكة و منتديات العرب المسافرون

آخـــرفـــرصـــة غير متواجد حالياً   رد مع اقتباس
قديم 07-11-2016, 10:37 PM   #4

مجلس الإدارة

 
 
تاريخ التسجيل :  Dec 2014
رقم العضوية : 15
المشاركات : 15,812



افتراضي


حمدلله علي السلامه

الله يعيين علي الرحلات الترانزيت

كان ريحتم في لنكاوي أو أنت من قاعدة خل التعب مره وحده

 

توقيع : فيصل

الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

معرفاتنا بوسائل التواصل الإجتماعي


نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

فيصل غير متواجد حالياً   رد مع اقتباس
قديم 08-11-2016, 12:23 AM   #5

مجلس الإدارة

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 25,609



أوسـمـة: توبليرون

كل الاوسمة:3 (more»)
افتراضي


الحمدلله على سلامة الوصول
السامسونغ صح حتى فلاي ناس قالو نفس التحذير
حتى بوحسين قال لي تلفونج 7 قلت له بس انا ايفون وهم يبون سامسونغ

مطار دبي كبير وحلو واسواق بس اهتمام مافي للمسافرين وخاصه لما يغيرون البوابابات
واذا بغيت سيارة غولف عاد تعال خل السايق الهندي يركبك
ما يركب الا الهنود

علشان جذيه انا احب المطارات الصغيره
انزل من سيارتك واركب طيارتك ههههه

المهم الفندق باين عليه حلو بس ننطرك تعطينا الصور عقب ما تصحصح
بالعافيه العشا ومتابعين للآخر

 

fahad_q8, قصة حب, الايمان و 4 آخرون معجبون بهذا.

توقيع : توبليرون


باريس
https://www.arabtrvl.com/vb/t49390.html

بريطانيا
https://www.arabtrvl.com/vb/t51445.html

تركيا
https://www.arabtrvl.com/vb/t52107.html

مشاركاتكم تسعدني
لا أكتب الا في العرب المسافرون
اختكم : أم حسين
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

توبليرون غير متواجد حالياً   رد مع اقتباس
قديم 08-11-2016, 12:46 AM   #6

مسافر متألق

الصورة الرمزية fahad_q8
 
تاريخ التسجيل :  Oct 2016
رقم العضوية : 12602
الدولة : الكويت
الجنس : ذكر
المشاركات : 677



افتراضي



ياهلا و مرحبا فهد

أعجبتني صورة البرج لقطة جميلة
مطار دبي و كوالالمبور مانختلف عليها تعامل راقي

الطيران الماليزي عموماً اختلف كثير في السنين الاخيرة
و فقد الكثير من العملاء

بداية قوية و جميلة
كثير يحتاج مثل هذي الرحلات الاقتصادية

متابعين

هلا بك اخوي اخر فرصة .. صورة البرج عند مدخل المطار
الخضار اللي حوالينه شي رهيب .. بس بهاليوم لا تطلب مني صور حلوة لان فعلا صورت اي كلام من التعب اللي كنت فيه
وبتبشر بصور غيرها احلى كثير

صحيح اتفق معاك الناس بس تبي توصل للمنطقة الثانية فما تعلق

منورني استاذي وشكرا ع الدعم

 

توقيع : fahad_q8

KuWaIt

ميلاني اسطنبولي .. سابقاً

fahad_q8 غير متواجد حالياً   رد مع اقتباس
قديم 08-11-2016, 12:49 AM   #7

مسافر متألق

الصورة الرمزية fahad_q8
 
تاريخ التسجيل :  Oct 2016
رقم العضوية : 12602
الدولة : الكويت
الجنس : ذكر
المشاركات : 677



افتراضي



حمدلله علي السلامه

الله يعيين علي الرحلات الترانزيت

كان ريحتم في لنكاوي أو أنت من قاعدة خل التعب مره وحده
الله يسلمك يالشيخ
قصدك ريحنا بكوالا

لان وصلنا مطار كوالا وبعدها على طول حجزنا رحلة للنكاوي

صح كلامك بس حلات العاصمة تكون اخر شي لانك مردك لها ولمطارها

فمرة وحدة على قولتك خل التعب بالمرة
ومنورني

 

توقيع : fahad_q8

KuWaIt

ميلاني اسطنبولي .. سابقاً

fahad_q8 غير متواجد حالياً   رد مع اقتباس
قديم 08-11-2016, 12:54 AM   #8

مسافر متألق

الصورة الرمزية fahad_q8
 
تاريخ التسجيل :  Oct 2016
رقم العضوية : 12602
الدولة : الكويت
الجنس : ذكر
المشاركات : 677



افتراضي



الحمدلله على سلامة الوصول
السامسونغ صح حتى فلاي ناس قالو نفس التحذير
حتى بوحسين قال لي تلفونج 7 قلت له بس انا ايفون وهم يبون سامسونغ

مطار دبي كبير وحلو واسواق بس اهتمام مافي للمسافرين وخاصه لما يغيرون البوابابات
واذا بغيت سيارة غولف عاد تعال خل السايق الهندي يركبك
ما يركب الا الهنود

علشان جذيه انا احب المطارات الصغيره
انزل من سيارتك واركب طيارتك ههههه

المهم الفندق باين عليه حلو بس ننطرك تعطينا الصور عقب ما تصحصح
بالعافيه العشا ومتابعين للآخر
منورة اختي ام حسين .. فعلا ضربة قوية للسامسونغ

بالعكس بمطار دبي بالمترو كان في هندي وصلنا للمكان اللي نبي وركب معانا الموتر

صادف معانا ان امس او قبله العيد الوطني الاماراتي فكان المطار مو زحمة مستغرب عكسنا

بإذن الله اكيد بترس الصور بفوني بس لان وصلت العصر الفندق فما كان لي مزاج الا للنوم وقعدنا ع الليل

شكرا لتواجدج

 

توقيع : fahad_q8

KuWaIt

ميلاني اسطنبولي .. سابقاً

fahad_q8 غير متواجد حالياً   رد مع اقتباس
قديم 08-11-2016, 01:50 AM   #9

مجلس الإدارة

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 25,609



أوسـمـة: توبليرون

كل الاوسمة:3 (more»)
افتراضي


لا انا كانت تجربتي لووعه بمطار دبي

المهم مبروك على تغيير الأسم

من ميلاني الى فهد

 

توقيع : توبليرون


باريس
https://www.arabtrvl.com/vb/t49390.html

بريطانيا
https://www.arabtrvl.com/vb/t51445.html

تركيا
https://www.arabtrvl.com/vb/t52107.html

مشاركاتكم تسعدني
لا أكتب الا في العرب المسافرون
اختكم : أم حسين
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

توبليرون غير متواجد حالياً   رد مع اقتباس
قديم 08-11-2016, 06:29 AM   #10

عضو قدير

الصورة الرمزية أبن السلطنة
 
تاريخ التسجيل :  Dec 2015
رقم العضوية : 7215
الدولة : سلطنة عمان
الجنس : ذكر
المشاركات : 1,950



افتراضي


حمدلله علي السلامه

الرحلات الترانزيت متعبه

منتظرين منك الابداع

 

توقيع : أبن السلطنة

سبحان الله وبحمده عدد خلقه و رضا نفسه وزنة عرشه و مداد كلماته

نقره لعرض الصورة في صفحة مستقلة

تفائل دوماً وأنهض من جديد ! وابتسم لتبتسم لك حياتك


الدنياء قوسان القوس الاول الولادة والقوس الثاني الموت فصنع بينهم شي نافع

أبن السلطنة غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
[ اسيا ] رحلتي المميزة إلى دولة ماليزيا ( كوالالمبور - لنكاوي - بياننيج - كوالا لمبور alsubaei55 بوابة ماليزيا 189 02-06-2019 08:01 AM
استفسار شهر عسل اقتصادي كوالا لامبور و بينانج Khaled_gti ماليزيا 12 06-08-2016 12:12 AM
التنقل من سيلانجور إلى بينانج ومن بينانج إلى كوالا sami1983 ماليزيا 5 02-02-2016 04:49 PM

الساعة الآن 01:37 AM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO