شكرا عالتكملة السريعة ... عم اقرأ وحاسيتك بتركضي .. بس فعلا انا مع ابو حسن / أم حسن، واضح ان بالك مشغول وبتحسي انه كل شي مسؤوليتك (وضعي في أي سفرة) .. مع هيك شخصيتي متلك تماماً ما بينفع اترك الأمور لحدا غيري ..

فكرة ممتازة انك تودي الشنط مع السائق ,,, تلات ارباع تعب المطارات بيروح لما تكوني بدون شنط ..

التشيز كيك الياباني ما جربته لليوم .. شكرا لمعلومة أكله سخن أو بارد .. بتخيل في حلويات لو كانت ساخنة بصير طعمها زنخ

اما البيتزا فكل اللي فكرت فيه انها بردت هههه كل هالمشوار وبالاخير أخدتي جراب .. عن جد ما شاء الله على طولة بالك الله يحميك.. أنا لو بمشي ولا استنى كل هالوقت ..

بتعرفي أيام دراستي الجامعية كنت امشي من الجامعة للبيت وبالعكس (مو مسافة طويلة حوالي 30 دقيقة) ومستحيل انتظر الباص لو شفت بس واحد او اتنين واقفين عم يستنوا رغم كترة الباصات ..


بانتظار التكملة، مسافرة بعد 6 أيام ان شاء الله وحتكون كوالالمبور الحب هي المحطة الثانية ..

واجابة على سؤالك - انا بعشق كوالالمبور وبحس انها مناسبة لكل الأعمار وفيها نشاطات كتيرة جدا .. بستغرب من الي بيعتبروها محطة مرور وراحة .. بس الناس أذواق وانا هوايا كوالالمبوري