يفز قلبي كل ما حل طاريها * الكويت 2016 * - الصفحة 3

هاوية الاسفار · 21-01-2017, 05:58 PM

اقتباس : المشاركة الأصلية كتبت بواسطة توبليرون

عوافي الريوق وحتى لو من غير دوه
المهم عجبكم ريوقهم والا لأ

الالعاب حلوه لليهال ويخلون الأهل ياخذون راحتهم

محلات المباركيه حلوه وخاصه موسم الشتاء تطلع شغلات حلوة والناس كلهم على هالهبات

محل حصران البر حلو اول مره اشوفه
ما قط شفته
اما فريج صويلح عجييب شكله انظف من فرع السالميه
اشرايج فيه اوسع والا نفس طريقتهم

الطاولات حلوه مدخلين فيها الحصير عجبتني

الشقه ماعليها كلام تهبل نظيفه مرتبه

كباب الحجة حلاته تاكلينه حار بحار
وهم مشهورين بكباب اللحم
متابعين معاكم الرحله الجميله

الله يعافيج
الريوق ما عيبني بصراحه كلت جبن و مربى
و فريج صويلح هادي ما عليه زحمه
و بصراحه ما شفت الطوابق الثانيه
على طول طلعنا للكباين
بس في الليل ما تحصلين مكان
الكباب حار لانه المطعم جريب من الفندق
شكرا عل المتابعه

توبليرون, الايمان و نانا ابو عابد معجبون بهذا.

هاوية الاسفار · 21-01-2017, 06:00 PM

اقتباس : المشاركة الأصلية كتبت بواسطة q8ya metnaqla

فرع المباركيه توه فاتح من شهرين تقريبا

Sent from my iPhone using Tapatalk

ادري عشان جي لزمت اتغدى في هالفرع عشان تشوفونه ويانا
بس يا ريت اللي يجربه يصور اكثر و يعطينا تفاصيل اكثر عنه

توبليرون, الايمان و نانا ابو عابد معجبون بهذا.

هاوية الاسفار · 21-01-2017, 10:58 PM

صباح و مساء الخير على الجميع

اليوم الثالث

الثلاثاء 20 / 12

صحينا الصبح و شفنا الجو مغيم قلنا ان شاء الله اليوم يكون ممطر

و حطينا الاحداثيات باتجاه مطعم ريوق ديسكفري مول

وصلنا المول الساعه 10 و كان فاضي

المطعم اول ما تدخلون المول يكون على يمينكم

من السنه اللي طافت كان خاطري اجربه بس ما شفته الا آخر يوم

ديكورات المطعم وايد حلوه

خلفية الجلسه

المنيو

طلبنا ريوق شرقي

فرينش توست عشقي

طلبنا عصير برتقال و كرك لكن الكرك للأسف مغشوش لانه جاهز اكياس الليبتون
اللي مكتوب عليها كرك و هذا ما احبه لأنه بودره و يخلطونه بالماي

الحمدلله الريوق كان لذيذ جدا مع خبز تنور حار و هذي باقي الديكورات

طلعنا نتمشى في المول

هذا المحل وايد احبه مثل تويز آر اص عندهم العاب و ملابس

و سوالف للاطفال كل مستلزمات الاطفال و تشرينا شوي

انتقلنا للطابق الثاني لان العيال حافظين الالعاب فوق

الالعاب الكهربائيه الكبيره السور اللي عليها وايد خطر

لأن الفتحات واسعه جدا ولدي الصغير كان يدخل منهم بس الحمدلله

الالعاب مب شغاله و المول مثل ما قلت فاضي

أذن الظهر في المول و قلنا بنصلي لانه ورانا غسيل السياره اليوم

طلعنا باتجاه منطقة الري و تحديدا ورا الافنيوز

توبليرون, q8ya metnaqla, الايمان و 6 آخرون معجبون بهذا.

هاوية الاسفار · 21-01-2017, 11:32 PM

مركز جابر الاحمد الثقافي كنت استانس كل ما مرينا و انا اشوف العمال فوق يشتغلون

و اقعد اصورهم حلو الشكل من بعيد تشوفون حجمهم وايد صغير

الجو جميييييييييييل بارد و هوا شديد

و اخيرا انتهينا صارلها 5 ايام ما تسبحت

توجهنا لمحل ميركاتو الري

وايد حبيت هالطاولات بس ما يناسبون أثاثي

و هذا عدال ميركاتو

و الحين متجهين للمارينا مول لمكان حلو و لذييذ

شوكليت بار

كان خاطري ايلس برع بس قالوا عندكم ياهل حرام ما بيتحمل الجو بارد عليه

و نشوف المنيو

عندهم حلويات يديده و لذيذه
ديكور المطعم

وصلت الطلبات

هذا مب موجود عندنا في دبي

و لا هذا

و لا هذا

لانه قبل ما نسافر باسبوعين سرت ويا خواتي اللي في البوليفارد و ما لقينا عندهم هالحلويات

و الفاتوره 16.500

و هاي صور للمارينا و اليخوت

توبليرون, q8ya metnaqla, الايمان و 7 آخرون معجبون بهذا.

هاوية الاسفار · 22-01-2017, 12:11 AM

و طلعنا من المارينا و الحين بنتوجه لمكان جميل و رائع و مبدع و و و و و

و هاي سيارات قديمة للجيش الكويتي

و هذيل اذكر العام اللي طاف كانوا مزينين سوق المباركيه فيهم

الدخول دينار للشخص دفعنا 4 دنانير

تذكارات للبيع

بسم الله نبدأ الجوله

الخطوط الجويه الكويتيه

و هذا تاير الطياره توقعته اكبر بوايد

الصندوق الاسود

اول زي لمظيفات الخطوط الكويتيه

محرك الطائره

اجزاء من الطائره

اصدارات قديمه للدينار الكويتي

شيكات بنكيه قديمه

q8ya metnaqla, الايمان, توبليرون و 7 آخرون معجبون بهذا.

q8ya metnaqla · 22-01-2017, 09:17 AM

عليكم بالعافيه مطعم ريوق
ديسكفري العصر تصير حركه فيه اكثر

اتصدقين هالسوق امر عليه يوميا بس ماهقيته من داخل في هالأعراض ان شاءالله أزوره على يوم

ياعيني على شوكلت بااااار حبيبي هالكافيه [emoji174][emoji174]بالعافيه ام علي
بس على فكره اللي عندكم مو اهو نفس اللي عندكم انتوا اللي عندكم نفس اللي بهاردوز وهذيل شركه ثانيه كويتيه ماعندهم أفرع برا الكويت

متحف بيت العثمان فعلا من أحلى المتاحف بالكويت وانصح الكل يزوره يستاهل الزياره [emoji1360][emoji1360]

قواج الله ام علي ومتابعين معاج[emoji253][emoji253]

Sent from my iPhone using Tapatalk

الايمان, أبو مهاب, هاوية الاسفار و 2 آخرون معجبون بهذا.

آخر مواضيع q8ya metnaqla

- مركاز العرب المسافرون 11
- إندونيسيا استفسارات
- شبه الجـــزيـــرة الايبيـــريـــة ( اسبـــــانيــــا ) 2023
- هنــــا شبــــه الجــــزيــرة الايبيــــريـــة ( البــــرتغـــــال ) 2023
- ريوقنا في the orangery

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

الايمان · 22-01-2017, 10:22 AM

امس كنت بالمباركية تغديت في فريج صويلح وماشاءالله 3 ادوار مليانه ولازم نسجل اسمنا وننطر دور
الاجواء كانت روعه والجو غيم
كانت فيه فرقه شعبية وزحمة وايد
وبدوا يحطون المجسمات والزينة للعيد الوطني

شاي الفحم منعوه لانه تسبب بحرايق وايد تدرين المكان كله يهال وزحمة
شكوليت بار من الذ الكافيهات خصوصا فرع المارينا وايد احبه
ومثل ماقالت ابرار هذه شركة كويتيه واللي عندكم يمكن ماخذين الاسم فقط

أبو مهاب, توبليرون و نانا ابو عابد معجبون بهذا.

هاوية الاسفار · 22-01-2017, 03:00 PM

اقتباس : المشاركة الأصلية كتبت بواسطة q8ya metnaqla

عليكم بالعافيه مطعم ريوق
ديسكفري العصر تصير حركه فيه اكثر

اتصدقين هالسوق امر عليه يوميا بس ماهقيته من داخل في هالأعراض ان شاءالله أزوره على يوم

ياعيني على شوكلت بااااار حبيبي هالكافيه [emoji174][emoji174]بالعافيه ام علي
بس على فكره اللي عندكم مو اهو نفس اللي عندكم انتوا اللي عندكم نفس اللي بهاردوز وهذيل شركه ثانيه كويتيه ماعندهم أفرع برا الكويت

متحف بيت العثمان فعلا من أحلى المتاحف بالكويت وانصح الكل يزوره يستاهل الزياره [emoji1360][emoji1360]

قواج الله ام علي ومتابعين معاج[emoji253][emoji253]

Sent from my iPhone using Tapatalk

الله يعافيج
هو حلو و فيه محلات للملابس وايد و أكثرها لليهال
اها توني اعرف و انا أقول ليش اللي عندكم احلى من اللي عندنا
و انا بعد انصح الكل يزور المتحف
تسلمين عَل المتابعة

توبليرون و نانا ابو عابد معجبون بهذا.

هاوية الاسفار · 22-01-2017, 03:08 PM

اقتباس : المشاركة الأصلية كتبت بواسطة الايمان

امس كنت بالمباركية تغديت في فريج صويلح وماشاءالله 3 ادوار مليانه ولازم نسجل اسمنا وننطر دور
الاجواء كانت روعه والجو غيم
كانت فيه فرقه شعبية وزحمة وايد
وبدوا يحطون المجسمات والزينة للعيد الوطني

شاي الفحم منعوه لانه تسبب بحرايق وايد تدرين المكان كله يهال وزحمة
شكوليت بار من الذ الكافيهات خصوصا فرع المارينا وايد احبه
ومثل ماقالت ابرار هذه شركة كويتيه واللي عندكم يمكن ماخذين الاسم فقط

بالعافيه عليج الغدا
اهم شيء صورتي و الا لأ
استعدادات هلا فبراير أكيد
ما ادري منو اللي ماخذ الاسم احنا و الا إنتوا بنتطقس و نعرف

توبليرون, الايمان و نانا ابو عابد معجبون بهذا.

توبليرون · 22-01-2017, 04:25 PM

بالعافية ام علي على قلوبكم
المارينا والمرسى من اجمل الأماكن عندي احب اليخوت وهي راسية بالمرسى
سواء عندنا او أي مكان بالعالم
ديسكفري للأطفال ومحلاتهم حلوة

ابرار قصدها عن ميركاتو اول مرة تعرف شنو فيه
انا رحت له مره وحدة وودي ما اطلع خاصة قسم الطاولات

انا وصلت لبيت العثمان بتقريرج قلت اكيد في تكملة لان اقسامه وايد
قلت تكملين وارد
بس اشوفج ما كملتي للحين
قلت خل ارد
بيت العثمان وايد حلوووو ويبيله وقت صج

ان شاءالله مره ثانية سكني فيه ليلة
متابعين معاج للأخر

هاوية الاسفار, الايمان و نانا ابو عابد معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سحرني حلاها و قلبي هواها و ابتلى ( الكويت 2015 )	هاوية الاسفار	بوابة الكويت	117	27-10-2017 05:13 PM
~.. قلبي اختـآر وتوفق كورآآل الخبر ..~	تقـآسيم الصباح	بوابة السعودية	46	29-09-2015 02:34 AM
ما هقيت قلبى بحبك ملتاع .. و احترق جوفى كثر حنينه ... حكايتى البوسنية 2013م	أبوعبدالله (الاسفار )	بوابة البوسنة	20	15-06-2015 10:57 PM
استفسار يااهل الكويت الكريم وكل من سافر الكويت	جميله	بوابة الكويت	11	31-03-2015 12:54 AM