يفز قلبي كل ما حل طاريها * الكويت 2016 *

هاوية الاسفار · 19-01-2017, 06:57 PM

السلام عليكم و رحمة الله و بركاته

عاشت لنا الكويت الكويت و عاشوا اهلها
و اللي يحب الكويت الكويت يضحي لأجلها

و انا فعلا ضحيت و تنازلت عن السفر لأماكن ثانيه عشان الكويت

طبعا اول ما افكر في السفر اتجه لحجوزات الفنادق و انا تقريبا من الصيف اشوف الحجوزات و كلها مرتفعه

قلت بصبر و اشوف يمكن الاسعار تنزل و في شهر اكتوبر قررت اني احجز و ما قصروا ام حسين و ابرار اللي

تعنت و اتجهت لفندق آدامز عشان تشوف الاسعار و يمكن يسوون لنا خصم بما انه كنا ساكنين عندهم

السنه اللي طافت بس بعد السعر كان مرتفع

حجزت في فندق المارينا رويال سويت و التقييم كان 7.6

حجزت من تاريخ 17 ديسمبر لين 27

و قبل السفر تقريبا بأربع ايام غيرت الحجز من 17 الى 18

و السبب اجازة زوجي

هذا التقرير راح يكون تابع للتقرير اللي قبله لدولة قطر

https://www.arabtrvl.com/vb/t25502.html

انطلقنا من قطر الساعه 12 الظهر و ما وقفنا وايد غير مرتين او 3 للبترول و الصلاه

حتى الغدى ما تغدينا كنا ناكل من النقنقات و مرينا كوفي خذنا سندويشات فلافل

و برجر للعيال

و هاي الصور قبل ما نوصل الحدود

و الساعه 7 الا ربع وصلنا الحدود

و الحمدلله خلصنا بسرعه ما شيء زحمه

وصلنا الفندق و أول ما دخل زوجي شفت العبوس في وجهه
رجع و يقول من اللوبي شكل الفندق اي كلام
قلت خلنا نشوف الغرف
و خيرونا بين شقتين و اخترنا وحده و هاي الصور

و هذا مطبخنا

حمامنا

و هاي الشقه الثانيه لليهال بيننا و بينهم باب

توبليرون, q8ya metnaqla, آخـــرفـــرصـــة و 5 آخرون معجبون بهذا.

هاوية الاسفار · 19-01-2017, 07:29 PM

سلمنا الهويات للريسيبشن و حطينا الاغراض و قلنا بنطلع نتعشى

اكيد اغلبكم يعرف وين بيكون عشانا

و هاي صور من الطريق

الابراج مزينه بعلم دولة قطر تضامنا مع اليوم الوطني لهم

وصلنا لمكاننا المفضل

طبعا يواعه و على طول طلبنا
هذا قسم المشاوي

و هذا قسم الخبز

عرايس لحم

كباب لحم

تكة دياي

رقاق زعتر و رقاق قيمر و عسل

و طبعا لازم الغوري و هالمره طلبنا شاي حليب

كان خاطري ايلس برع على البحر لكن زوجي قال واايد برد ما ينفع

و هاي جلسات خارجيه

تعشينا الحمدلله و قلنا بنمر فندق آدمز نشوف يمكن نحصل سعر زين

و الحمدلله كلمنا مدير التسويق ممدوح و شفنا شقه عائليه و عطانا سعر وايد حلو

تقريبا نزللنا 3000 درهم

و نفس الوقت كلمت فندق المارينا و قلت لهم بنلغي باقي الحجوزات و وافقوا على طول

و هذيل آخر صورتين لليوم

و الحمدلله عدت الليله الاولى على خير و انتهى يومنا الاول

و اشوفكم في اليوم الثاني و الفرحه الاولى

دمتم بود

توبليرون, q8ya metnaqla, آخـــرفـــرصـــة و 7 آخرون معجبون بهذا.

توبليرون · 19-01-2017, 07:47 PM

نورت البوابه الكويتيه بتقريرج يام علي
والكويت تحب من يحبها وايد وايد
ربي لايغير هالمحبة بين شعوبنا

المارينا اذكر يوم قلتي خاب ضنج فيه
والحمدلله حصلتوا بآدمز وحلو التخفيض خلاص خل يعتمدكم

ابراج الكويت وايد صارت حلوة بالإضاءات المعبره
والاحتفال بكل الدول

اما الشمميري بالعافيه عليكم الأكل
شوقتيني هالحزة بالرقاق
متابعين وبنشوف الشقه الجديدة بآدمز
متابعين للآخر

آخـــرفـــرصـــة, هاوية الاسفار, أبن السلطنة و 1 آخرون معجبون بهذا.

q8ya metnaqla · 19-01-2017, 08:23 PM

وعاش من قال يارب [emoji1374]
منورينا يا ام علي [emoji173][emoji173]
توقعت الشميمري حبيبكم عليكم بالعافيه
اي والله انا شوقتيني بعد بالرقاق وشاي حليب

اشوه إنكم كنسلتوا المارينا [emoji1374] وأسفه على ذكره لكم [emoji17]
ماشاءالله زين خصم حلو [emoji1360]
متابعه معاج[emoji173]

Sent from my iPhone using Tapatalk

آخـــرفـــرصـــة, هاوية الاسفار, توبليرون و 1 آخرون معجبون بهذا.

آخر مواضيع q8ya metnaqla

- مركاز العرب المسافرون 11
- إندونيسيا استفسارات
- شبه الجـــزيـــرة الايبيـــريـــة ( اسبـــــانيــــا ) 2023
- هنــــا شبــــه الجــــزيــرة الايبيــــريـــة ( البــــرتغـــــال ) 2023
- ريوقنا في the orangery

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

آخـــرفـــرصـــة · 19-01-2017, 08:55 PM

ما شاء الله الابراج شكلها حلو مع الاضاءة

و زين أنهم وافقوا يلغوا الحجز

منتظرين نشوف السكن الجديد

والشميمري باين الطبخ حلو و الموقع مميز
الجلسات برا احلى

متابعين معاك

هاوية الاسفار, توبليرون, أبو مهاب و 2 آخرون معجبون بهذا.

الشايب · 19-01-2017, 09:08 PM

الحمد لله على السلامه
ماشاء الله تبارك الله
بداية قوية ومشوقة ومعلومات قيمة
الف شكر أختي في الله
وانا من المتابعين

هاوية الاسفار, آخـــرفـــرصـــة, توبليرون و 2 آخرون معجبون بهذا.

هاوية الاسفار · 19-01-2017, 11:02 PM

اقتباس : المشاركة الأصلية كتبت بواسطة توبليرون

نورت البوابه الكويتيه بتقريرج يام علي
والكويت تحب من يحبها وايد وايد
ربي لايغير هالمحبة بين شعوبنا

المارينا اذكر يوم قلتي خاب ضنج فيه
والحمدلله حصلتوا بآدمز وحلو التخفيض خلاص خل يعتمدكم

ابراج الكويت وايد صارت حلوة بالإضاءات المعبره
والاحتفال بكل الدول

اما الشمميري بالعافيه عليكم الأكل
شوقتيني هالحزة بالرقاق
متابعين وبنشوف الشقه الجديدة بآدمز
متابعين للآخر

عاد أمس اختي تسألني بعدكم معزمين تسيرون الكويت شهر 3 تميت ساكته
قلت و الله ما يندرى اذا كلكم معزمين بنتشجع
الله يعافيج رقاقهم وايد حلو بصراحه حتى عندنا ما يسوونه بهاللذه
و مشكوره عَل المتابعة

آخـــرفـــرصـــة, توبليرون, أبو مهاب و 2 آخرون معجبون بهذا.

هاوية الاسفار · 19-01-2017, 11:06 PM

اقتباس : المشاركة الأصلية كتبت بواسطة q8ya metnaqla

وعاش من قال يارب [emoji1374]
منورينا يا ام علي [emoji173][emoji173]
توقعت الشميمري حبيبكم عليكم بالعافيه
اي والله انا شوقتيني بعد بالرقاق وشاي حليب

اشوه إنكم كنسلتوا المارينا [emoji1374] وأسفه على ذكره لكم [emoji17]
ماشاءالله زين خصم حلو [emoji1360]
متابعه معاج[emoji173]

Sent from my iPhone using Tapatalk

النور نوركم
توقعج في محله الله يعافيج
يالله كلكم تعشوا رقاق حلاته في هالجو
معذورة و مب ذنبج بس زين يوم جربناه و ان شاء الله الكل يستفيد من التجربة
رصينا عليه و قلتله خلاص ان شاء الله كل زياره بتكون عندكم
شكرًا عَل المتابعة

آخـــرفـــرصـــة, توبليرون, أبن السلطنة و 1 آخرون معجبون بهذا.

هاوية الاسفار · 19-01-2017, 11:38 PM

اقتباس : المشاركة الأصلية كتبت بواسطة آخـــرفـــرصـــة

ما شاء الله الابراج شكلها حلو مع الاضاءة

و زين أنهم وافقوا يلغوا الحجز

منتظرين نشوف السكن الجديد

والشميمري باين الطبخ حلو و الموقع مميز
الجلسات برا احلى

متابعين معاك

بصراحه احلى اضاءة شفتها لدولة قطر
لأَنِّي شفت كل الإضاءات لدول الخليج بس اضاءة قطر احلاهم
و جلسات الشميمري فعلا برع احلى لكن البرد لا يحتمل
شكرًا عَل المتابعة

آخـــرفـــرصـــة, توبليرون, أبو مهاب و 2 آخرون معجبون بهذا.

هاوية الاسفار · 19-01-2017, 11:39 PM

اقتباس : المشاركة الأصلية كتبت بواسطة الشايب

الحمد لله على السلامه
ماشاء الله تبارك الله
بداية قوية ومشوقة ومعلومات قيمة
الف شكر أختي في الله
وانا من المتابعين

الله يسلمك
و حياك بيننا
شكرًا عَل المتابعة

آخـــرفـــرصـــة, توبليرون, أبن السلطنة و 1 آخرون معجبون بهذا.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سحرني حلاها و قلبي هواها و ابتلى ( الكويت 2015 )	هاوية الاسفار	بوابة الكويت	117	27-10-2017 05:13 PM
~.. قلبي اختـآر وتوفق كورآآل الخبر ..~	تقـآسيم الصباح	بوابة السعودية	46	29-09-2015 02:34 AM
ما هقيت قلبى بحبك ملتاع .. و احترق جوفى كثر حنينه ... حكايتى البوسنية 2013م	أبوعبدالله (الاسفار )	بوابة البوسنة	20	15-06-2015 10:57 PM
استفسار يااهل الكويت الكريم وكل من سافر الكويت	جميله	بوابة الكويت	11	31-03-2015 12:54 AM