تسلمون جميعا على الطبخات الجميلة ما لي في اللحم و لا الاسماك
لكن حبيت طرق طبخهم و عجبتني طريقة ابرار ان شاء الله اطبقها حق العيال

سؤالي عن عمار وين فتح الموضوع و اختفى عسى خير

اليوم بحط لكم الدجاج مع الخضار بالفرن تقريبا نفس طريقة اخونا عمار

اقطع الدجاجة لقطع حسب الرغبة 4 او 6 قطع

اخلط البهارات على حسب رغبتكم
انا احط ملح و كمون و كزبرة و كركم و بابريكا
بزار مخلوط و صلصة طماطم




و عندي بهارات عبارة ثوم و فلفل اسود و ليمون و خلطات زوجي يابهم من امريكا



احط من كل واحد شوي و حلوين لصدور الدجاج

مرات احط خل البلسميك و مرات دبس الرمان و مرات اللي يطري على بالي احطه

و بعدها اضيف علبة روب ( زبادي )




الحين احط الدجاج و اخليه طول الليل في الثلاجة




ثاني يوم اقطع حلقات بصل و اصفهم في صينية الفرن




و فوقهم حلقات طماط و حلقات بطاط بس هالمرة البطاط ما شاء الله كبير وايد فقطعته من النص





آخر شيء احط الجزر و ممكن اضافة اي نوع تحبونه من الخضار و نرش عليهم ملح





الحين نشوف الدجاج و بتلاحظون انه طلع ماي




نصف الدجاج فوق الخضار و نغطيه بالالمنيوم و ندخله في فرن حار تقريبا ساعة و نص




نخليه تقريبا ساعة و ربع و بعدها نفتح غطاء الالمنيوم و نشغل الفرن من الاعلى على نار خفيفه




و نقدمه مع عيش ابيض ( رز ) او خبز بس انا بصراحه احب آكلة من غير اي اضافات

و هذا صحني بعد الغرف مع عصرة ليمون



و بالعافيه