بلادكم حلووة .. حلووة ... بس الوطن ماله مثيل - الصفحة 12

توبليرون · 15-03-2015, 03:51 PM

اقتباس : المشاركة الأصلية كتبت بواسطة هاوية الاسفار

الحمدلله اخيرا خلصت التقرير اسبوع و انا احاول اقرا كل الصفحات بس المشكله مب راضي يفتح من الايباد

مشكوره على الصور و الاجواء الحلوة

الحمدلله لان صارت الصور وايد ما يفتح بسرعه من الايباد ياخذ وقت

عاد ولدي الصغير يحن يبغي يسافر لندن و هو لا شاف و لا يعرف لندن من الاساس بس الظاهر يوم كان يشوف التقارير ويايه تولع بها

اي يستاهل علي واخوانه وديهم بلاكبول روعه
الشارع كله محلات العاب ويشوق
للكبار والصغار

و ناندوز من احلى المطاعم عندي اول تجربة لي كانت في ماليزيا في 2006 و بعدين فتحوه عندنا بس طبعا اللي في ماليزيا طعمه كان احلى

و الحين عندهم برجر دجاج بالباذنجان و الحمص هذا حق مديرنا فيصل طعمه يجنن

يا سلام على ناندوز كان مفتوح عندنا بس سكرووه
ان شاءالله يرجعون يفتحونه عندنا
ونجرب برجر الدياي بالبيديان قبل فيصل

و العين حسبي الله عليهم كل الاجانب يستغربون اذا شافوا عندنا عيال وايد

باتظار التكمله

اي والله ربي يكافينا شرهم
شكراا لمرورج الرائع يا احلى ام علي

البارحة تذكرتكم بالعرس لما شفت ام علي ببوفيه الحلويات

طوق الياسمين · 15-03-2015, 12:48 AM

خذي راحتك حبيبتي

ربي يسعدك

توبليرون · 15-03-2015, 03:53 PM

اقتباس : المشاركة الأصلية كتبت بواسطة طوق الياسمين

خذي راحتك حبيبتي

ربي يسعدك

ويسعدك ويهنيك
شاكرة متابعتج يا الغالية
استعدي للجزء القادم

توبليرون · 15-03-2015, 03:57 PM

الجزء الخامس عشر

اليوم الثاني بلندن

في هاليوم شرينا بطاقات الاويستر الخاصة بالباص من البقالة القريبة منا

لمدة اسبوع نسيت السعر بس شي وعشرين لنا كل واحد بطاقة

ما ادري تصير للمترو والا لأ لاننا ما نحب نركب مترو لندن ........نحب الباص علشان نشوف بره

في هذا اليوم قررنا نروح مصبغة ذاتية علشان نغسل ملابس اليومين الاخيرين هني طلعتنا بس انا والبنات

وهذه المصبغة ندل مكانها في شارع الكوينز واي مقابل المدخل الرئيسي للوايت ليز المول المعروف هناك

وفي هذا اليوم قعدنا شوي متأخر

واذكركم مرة ثانية الوقت في الصور توقيت الكويت نقصوا منه ساعتين تحصلون الوقت بلندن

هذه العمارات على يسار فندقنا.....شوفوا اشلوون الجووو مشمس ولطييف

محطة الباص هذه تكون بالشارع عند الهايد بارك لان هذا راح يصير اتجاهه للكوينز واي

نزلنا عند موقف بوابة الهايد بارك المقابله لفندق الهيلتون في الكوينز واي

اعلام الاولمبياد منتشرة بالشوارع

القريب عند صالة التزلج.......ودخلنا من الشارع

باتجاه الوايت ليز ......

وصلنا المصبغة وبعد ما حطينا الملابس رحنا نتريق

بكافيه قريب منه وشوفوا ووقت ريوقنا........الصور السابقة حطيتهم بالانستغرام طبعااا

على طول الردود توصل لنا ......شغال الايفون

ديكورات الكافية

السقف

اسم الكافية

صمونتي جبن حلووم لذيذة
انا ودانه فيها لان مو مشتهين نكثر ورانا غدااا

وهني رجعنا قالوا البنات نبي نروح

الوايت ليز بياكلون من الكوستا كوفي.....وانا ودندون قعدنا عند الملابس

وشوفو الغسلات في احجام كبير ووسط هذه وسط .....واللي خلفي كبيره

قسمنا الملابس احنا قبل وتطلع ناشفه تقريبااا لسبعين بالمية او ثمانين

السعر تاخذين صابون بباوند والغسالة باوندين تشتغل

يعني للغسالتين 6 باوند

وهذا مكان تدخيل الباوندات

الغسالات

بعد ما خلصنا الغسيل حطيناهم بالنشافه وهني حطيتهم بنشافه ووحدة

النشافه بباوند كررتها مرتين يعني وقفت فتحتها لقيتهم بعد يبيلهم شويه رديت حطيت باوند وشغلتها

يعني باوندين.......كله طلع علينا 8 باوند يا بلاش

اللي ما يعرف في شخص يكون موجود للمساعدة في تشغيل الغسالات والا تقدرون تسألون اي واحد موجود مع انها سهلة ما يبي لها شي

طلعنا من المصبغة وانا خابرة في محطة باص قريبة من جهة يمين المصبغة

رحنا لها وقطنا عند ماربل ارتش ومنها باص ثاني للفندق بس علشان نودي الملابس

الى محطة الباص

وجنطة الملابس النظيفة الحين هههههههه

اول مرة اصوره او بالاحرى اشوف مكانه صح خخخخخخخخ

كم سنة ولا ادري عنه الا من تقارير الاخوان والخوات بالمنتدى

باتجاه الفندق.....بعد النزول من الباص

العودة للاكسفورد...........طبعااا في بينا اتصالات مع الشباب

مرينا سيلفرج شوية وطلعنا ما طولنا

الوعد بعدين

شوفوا الزحمة

وشووووفوا المطررررررر

ترى الصورة فوق مو مكررة اوجودو الاختلافات السبعه هههههههههه

شوفوا اعلام الدول الاسلامية وعلم حبيبتنا دولة الامارات.......الف سلام وتحية لاهل الامارات

بمناسبة الاولمبيااااد

يا حلوو المطر ....ويا زين المطر......ويا جمال المطر

اخليكم عيشوووا هالاحساس وانتم تحت الشمسية ((المظلة))

وصلنا ام اند امز

اول ما دخلنا زحمة رهيييبة وما تقدر تمشي

وكان في واحد موظف من المحل يغلف المظلات بكيس نايلون علشان لا تقطر الماء بالمحل

حلوة الفكرة.........وما صورته لاني شفته واحنا طالعين

اول شي شفناه مغناطيسات واميداليات الاحرف .....وواحد كويتي سوى اسم الكويت

واحنا واقفين .........حركااااات يا زين هالاسم بس

العلم من حبات الام اند امز

اوضح

بعض من الزحمة

بعيد عن الزحمة وركن هادي

من يلعب معاي........تصدقون سعرها خيالي

اي شي بقفص زجاجي غالي

وهني عجبوني الصور بس ما لقيت صور لهم بروحهم الا غنومه رازه ويهاااا

من الزحمة زين تصور صورة وحدة

من الزحمة ضاق خلقي ووقفت هني

عند الدرج ........مافي مكان للجلوس ......وبعد اللي ضيق خلقي ان مانقدر نشتري الكاكاو

لان في واحد افريقي من اللي يعملون بالمحل قال لنا واحنا نشوف الكاكاو قال

انصحكم لا تاخذونه لانه من مكوناته شحم او دهن الخنزير.......فبعد ما يبيلها تركناه

بس شرووا تي شيرتات و التحف اللي فيها ماي ومخدة ما جت معانا الكويت خخخخخخخخ

نستها غنومه على الكراسي في المطار....وحصلت عليها زفة من اختها

وانا زفيت الكبيرة ليش تعتمدون على الصغار .....وفي الطيارة تذكرناها بالاخير قبل لا يتسكر الباب بشوي

وبلغنا المضيفه بس ما جابوها .........قلنا مو لازم

خذ النصيحة من الازرق ......لحظة تأديب ههههههههههههههههههه

شايفين الادب من الرجل والازرق اشلون يقدم النصيحة بدون طق ......تعلمووا يا ناس خخخخ

شايفين علم اي دولة ثانية حبيبة علينااااا

وهنا اوضح وضرب سلام لدولة قطر

لا تقولون ما شفناه كاهووووو واضح

ونظل حباااااااايب وجيراااااان للابد

الكويت والسعودية

فديتهم والله

سلاااااااااام

ام اند امز حباته الوان علم الكويت

وهني بالسرداب الثاني.........اللي للاسف ما رحته من التعب

لان من المطر كنا نمشي بسرعه تعبت لو على راحتي كان ما تعبت وغي مشي الكوينز واي

يعني مشيي برمضان ما جاب نتيجة

تااااااااابع

توبليرون · 15-03-2015, 04:13 PM

نتابع معاكم

من السرداب تصوير البنات

وطلعنا وشوووفوواا الزحمة بصور الشارع وراا ما خلاني بو راس

حلووووووووة هالساعه مع التماثيل المتحركة

محل صرافة وبريت ودانه والمطر......وكلمة كويت يا زينها من كلمة

ومفاجأة الموسم ......محدثتكم بدون حواجز خخخخخخخخخخخخخ

كاميرتي اختربت من المطر.....احس دش الماي في العدسة

رحنا فرايديز علشان نتغدى الساعه اربع العصر

زحمة كمان وتعرفون ان اليوم سبت كان وهو اجازة عندهم

عطونا جهاز وسجلوو اسمنا وقالوا بالكثير 20 دقيقة والله قعدنا يووواعه وما فينا شدة نمشي بعد بالمطر
كنا بدووون وقوووود

قعدت اصور انا الديكورااات اللي قبالي

نعم يا عم ؟؟

ووصل الاكل
المقبلات

طبق دجاج وربيان مع .......؟؟ نسيت

باستا

خبز الفاهيتا لي

الفاهيتاااااا

والحساب يوم الحساب

حصن البيكاديلي

شاشة البيكاديلي

وتمثال البيكاديلي

وشوارع البيكاديلي ....

من كل جهة اعلام الدول المشاركة ...

وه وه وه فديت الواااااااانه وفديت هالشموخ اللي فيه

عسااااااااه دووووم مرفووووووووع يا رب...زقولو آمين

طريق العودة والمطررررررررر

وبعد هالجولة رجعنا الفندق وما طلعنا بعدهااااا

الا اليوم الثاني

نشوفكم بعدين خليكم معنا

توبليرون · 15-03-2015, 04:18 PM

الجزء السادس عشر

الجزء السادس عشر

نابع اليوم الثاني بلندن واليوم الثالث

طبعا احنا تكلمنا عن اليوم الثاني بلندن وقلت لكم

احنا تسوقنا وتغدينا وعلى طول الفندق .............اي بس ما قلت لكم الشباب وين راحوااا

نشوف الحين.....راحوا الشباب مباراة لتشيلسي

مع ؟؟ شوفوا بالتذكرة

الملعب جننننه بتشيلسي

وهذا الكوفي عند الملعب يشرب شاي الولد

قبل او بعد المباراة مو باين ........بس البوليس بكل مكان

اهم شي بالتذكرة يقولون لاتوقفون.......اهم يعرفون يقعدون هههههه

اي طلعت المبارة بين تشيلسي × نيوكاسل يونايتد

وهذا سعرها = 23 باوند

حالة الجو والمطرررر

لقطات من المباراة

جمهووور كويتي كان حاضر بقوووة

يا زين هالشعب يا ربي يحفظهم

وانتهت المباراة بفوز تشيلسي
ما ادري جم

وخلص جذيه اليوم الثاني بلندن

لحظات ونشوف اليوم الثالث بلندن ....خليكم قريب

توبليرون · 15-03-2015, 04:20 PM

تابع الجزء السادس عشر

نتابع بيوم جديد.....اليوم الثالث..

هاليوم تأخرنا بالطلعة من الفندق ......نمنا شوي

اما يوسف وابوه رايحين الكوينز واي ومتريقين هناك بمطعم هذا ريوقه

واحنا على ما قعدنا ورتبنا عدة الكوي ......فطلعنا شوي متأخر

وهذا مشورانا قررنا ندخل الهايد بارك ونبي نروح للسبيك كورنر

الرسامين

كل شي له قصة نجاح يكتبون عنها بالمكان كتكريم

وانا من شفت

الحديقة الايطالية انبهرت من النافورة الروووعه

شفتوووو فوق .....وتقولون ليش عندهم لياقة ودايما يمشووون

الحمدلله على كل حال وربي يكتب لنا الجنه ان شاءالله

شوووفووا بس

لا تملوون ترى المكان عجيييييب كله حلووو

احرجتني دانه بتصويرها ........انا صوري ولا شي جدامها

الاخ عربي......وذكرى لهم

باتجاه السبيك كورنر.......مشيااا على الاقدااام جووو وتصوير وورد جميييل

تابعوووووني

هاوية الاسفار · 15-03-2015, 04:49 PM

متابعين الغاليه

PrinceOfPersia · 15-03-2015, 05:32 PM

متااااااااااااااااااااااابعين

الغردقاوي · 15-03-2015, 06:34 PM

ما شاء الله أجزاء غنيه جدا بالصور والمعلومات والأماكن
8 باوند للغسيل فقط يازين بس مغاسلنا ،
محلات أم آند أمز جميله وغنيه جدا بمحتوياتها وتقليعاتها المتنوعه ،
فاكهة التقرير معلم الهايد بارك الشهير فهي تحفه بكل محتوياتها وأقسامها
وحقا وجهة رئيسيه لكل زوار لندن

مستمر ومتابع معاكي يا أم حسين يعطيكي العافيه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
باسم الله أبدأ ترتيب رحلتي الثانية إلى تركيا ، نستفيد من خبراتكم.	ابن بطوطة	تركيا	19	27-07-2015 08:19 AM
10 صور لن تصدق أنها في الوطن العربي !!!	أبوعبدالله (الاسفار )	البوابة السياحية	13	31-03-2015 03:17 AM