عذرا يالندن
هي شوية مشاعر اخطها الان وانا في القطار الاوروستار المتجه من باريس الى لندن eurostar de paris nord a londres st -pancras
عذرا يالندن فانا رغم قربي منك لسنوات طوال هي طول اقامتي في فرنسا لم احاول ولم افكر اني ازورك .سامحيني يالندن فالسبب مشترك بيني وبينك اما السبب الراجع لي فهو اني طول اقامتي بفرنسا كنت لا اسمع على بريطانيا الا السلبيات .الجميع يقول .ان الانجليز باردين وجافين وعنصريين ...وان بريطانيا مافيها ما يتشاف وما تتقارنش بباريس ...سامحيني يالندن على خاطر ماحاولتش نعرفك وحدي من غير ماياثر على حتى حد لا اعلام ولا تاريخ ولاحروب ولا اشخاص زاروك وماعجبتيهمش.كان لازم نعمل خطوة اولى وحدي ونحكم عليك وحدي .ومانستناش حتى تجيك الفه وتشكر استقبالك ليها ومن غير ما نستنى المسافرين العرب حتى يمدحوك ويشجعوني على زيارتك ..عارفه المفروض ان الواحد اولا لازم يزور جيرانه القراب قبل الجيران البعاد وانا زرت العديد من الجيران البعاد والقراب من اوروبا ومن تونس وانت بيني وبينك بحر او نهر المانش..فالمانش الذي يفصل بينك وبين فرنسا طوله خمسون كيلومترا فقط لكن عمقه بالالاف. ..لان الخلاف يبينكما قائم وقديم جدا وماشجعنيش باش نزورك .
نجي تو للسبب الي منك انت.انت غاليه على حسب علمي .مواصلاتك غاليه وفنادقك غاليه ومطاعمك غاليه. حتى النفق الي حفرتوه بينك وبين فرنسا مخوفني ..يقولوا ماتت فيه ناس وتحرق فيه قطار وزيد انا نخاف الانفاق وعندي منها فوبيا يعني انت ماشجعتينيش على زيارتك
المهم الان انا جاياتك وفاتحتلك ذراعاتي على خاطر كان لازم نعمل اول خطوة لصداقتنا والتعارف بيناتنا .ف..يا اما تستقبليني بترحاب وتضميني لصدرك وننسى االجفوه اللي بيناتنا وتوريني اجمل مافيك وتبتسميلي ابتسامة المضيف المرحب ووقتها انا نوعدك اني نستمتع بايامي القليله فيك وكيف نجى مروحه نقولك باي باي يالندن ولنا لقاء قريب وعوده .يااما تكشري في وجهي وماتفرحيش بي ووقتها نقولك باي باي ووداعا وربي يسمعنا على بعضنا علم الخير وستكون حينها اول واخر زيارة لك.
انا الان في القطار ورغم خوفي من نفق المانش تغلبت على الخوف وجيتك وكلى فرح وسعاده باش نشوف جارتي السابقه لاول مرة... دورك انت الان