الأحد 20 أغسطس 2017
بلاكبول



بعد حضور التاكسي لنا حملنا الجناط وركبنا والى بلاكبول
لانها تبعد تقريبا ساعة عن وندر مير
وسبب عدم استخدامنا القطار لان لازم نوصل لمحطة القطار بالتاكسي ويبعد 20 دقيقة ومنها بعد انتظار بالمحطة وتبديل محطة اعتقد

قلنا ما يسوى التعب نروح بفليساتنا واحنا مكرمين وبوقت اسرع
واتفقنا مع التاكسي ب140 باوند



وهذه صور من الطريق















كان يمشي بسرعه والشوارع فيها لفات ونزول وطلوع
طلب منه ابوحسين ان يهدي السرعه
قال هذا شارع سريع لازم نمشي بسرعه قال له بوحسين ميخالف هدي السرعه ما ورانا شي مستعيلين عليه

فقام يهدي اشوة





















لما تشوفون هالخضار شتفكرون فيه










وبينت مشارف بلاكبول
وعلامتها المشهورة لمدينة الألعاب بليتشر بيتش




والخضار للحين ماشاءالله لنا الجنة ان شاءالله











وبين البرج




والقوس في بداية المدينة




لازم افكت السناب وهذا بس الشي الوحيد اللي احبه ببرنامج السناب







وبدت الزحمة لأنه اليوم عطلة مثل مو شايفيين














Beeton villas holiday apartments



انا اللي اخترت هالشقة بسبب القرب من البرج والشارع الرئيسي
ولأني كنت مجربة السكن بالفنادق الصغيرة هذه في بلاكبول من زمان
والسبب الأهم مافي فنادق متوفرة وكلها فل الا الفنادق البعيدة

نشوف فندقنا
الحجز يا بلاش



تفاجا فينا صاحب الشقة وقال خل اغير لكم الغرف اوزعكم غرفة تحت لي يقول والبنات يعطيهم غرفة فوق لان درج يقول
لان شافني سالت عن الاصنصير

قلنا له لا نبي مع بعض وحجزنا الموجود

قال اوكي وانه بيساعدنا في حمل الجناط

وهذه اول غرفة




وهذه المغسلة داخل الغرفة




الغرفة الثانية







كبتهم




الفرش نظيف وباين توه مفتوح من الكيس واحنا بعد معانا فرش

وهذه الصاله










وهذا المطبخ وباين النظافة





طبعا حمام واحد ما صورته نسيت

عجبتكم الشقة صح
خلوو الصغر للغرف مو مشكلة
المشكلة ان الشقة مفتوحة على كل البيت
يعني مافي باب للشقة
ومع ان لها الدرج الأخير يصعد لها مباشر بس مافي باب مفروض يكون في باب
يفصلها عن البيت

وهذا اخر درج نصعده للدور الثالث وهو دورنا اللي فيه شقتنا



يعني أي واحد يدخل للمبنى ممكن يوصل لنا بدون باب عادي
الغرف اللي تحت عادي كل غرفة مسكر عليهم بابهم الا شقتنا وبعد مثل ما تشوفون انهم غرف بالعلية مثل ما يسمونهم

الغرف عليهم مفاتيح
انا والبنات توزعنا بالغرفتين
وابوحسين نام بالصاله وخلا الباب مفتوح الصاله فيها القنفة تقلب صوفا

المهم ابوحسين قال قفلوا بيبانكم ونامو والحمدلله الجو كان حلوو بارد
بس أي وحدة بتروح الحمام يفتح ليت الممر وابوحسين يصيح مين هناك ههههههه

كان خايف علينا او ان احد ايي لنا
بس الحمدلله ما شفنا احد صعد او تعدى درجه وحدة من درجنا وحتى لما نطلع نقفل الغرف وناخذ مفاتيحنا معانا
ولا شفنا احد وصل فوق
صاحب الشقة خووش ريال محترم وقال لنا أي شي اتصلوا فينا وهذا الرقم موجود في المدخل
وما خلانا الا لما صعد كل الجناط مع ابوحسين

المهم للي حاب يطلع على الفندق ويشوف موقعه هذا رابط الفندق من بوكينغ

https://www.booking.com/hotel/gb/bee...ailability_msg


ونريح شوي والجوع كافر مو متريقين وقلنا يلا نطلع

وهذا الشارع من شقتنا الى البرج






ترى هني كلها فنادق صغيرة ومثل فندقنا




تقريبا اقل من نص كيلو الى الشارع الرئيسي وهذا الشارع



كلها فنادق




والمول بالطريج وهو خلف البرج مباشرة



هذا اسم المول



ودخلنا ماك المزحوم وفيه قعدات فوق بس مافيني شدة دريات

لقينا مكان بسرعه وقعدت على ما يطلبون البنات



غرام بوحسين واكيد تغدى فيش اند شيبس







ووصلت الطلبات وسموو وأكلوو







طلعنا من ماك وقلنا يلا نتمشى وكانت هذه الساحة امامنا هالمبنى وشايفين أبو باوند وهي العمارة اللي وراها البرج او نقول ملاصق لها






طبعا نوصل للبحر اذا رحنا للامام نخلي علامة الباوند على يمينا واحنا بالشارع

وخلفنا باب المول وفي محلات أسعارها رخيصة وكافيهات بجانبي الساحة



وندخل المول






افتريت شوي مع البنات وبعدين
قعدت اريح بستاربكس واللي مفتوح على ممر براد بعز الظهر







وهالعصير المنعش




وبعدين يوو البنات ودخلنا داخل



ترى اللي بالسقف دفاية مو مكيف

للحين عصيري مقاوم







ونرجع للسوق بعد




ودخلت محل الحلويات هذا عجبتني باقات الورود للجيلي




































اشتريت شوية حلاو وطلعت الى محل الكروت وشريت محموعة كروت تصير بعلبة وحدة بالغصب لقيت عندهم خالصين

وشريت كرت حق عيد ميلاد زيونة وهذه التعليقة الحديد



ورديت مع دانه هني تبي قهوة لانها ما شربت وعلى أساس انتيمع هني




وبعد 3 ساعات تسوق وكافيهات طلعنا ....شوفو الاجياس هذه بس دانة







شرينا كوكيز





ورايحين صوب البحر






ونتابع معاكم ....

نكمل,,,,,
وعلى يمينا بوابة البرج وهو ادوار مثل ماقلت لكم بتقريري السابق







وهذا مكتب الحجوزات لكل نشاط في البرج




وقصينا تذاكر السيرك وكنا داخلينه من زماااااااااان اوي وحبينا نعيد الذكريات



مثل مانتو شايفين سعر التذكرة العائلية 54 باوند وصارت 58.75 نادري ليش والتاكس صار ب11.75 وصارت كلها 70 باوند


طبعا ببريطانيا كلها تشتري تذكرة وعليها عروض للتذاكر للاماكن السياحية الثانية









وطريجنا فوق بدون مصعد هالمرة




ممرات مشينا فيها










كل صورة وتحتها أي سنة سووها















وبعدها تصوير مع خلفية صورنا وقالو الصورة فري تاخذونها داخل وعطونا كرت



ودخلنا السيرك وكانت هناك مغريات للأطفال وحركات تلوين وبيع ليتات وجذيه













نفس الصالة وعادت الذكريات





































قلت حق البنات ابي نفيش راحوو يابو لي هذيل النوعين محلى وانا ما احب الا النفيش المالح






والصورة ما اخذناها ولا شفناها مادري وين نلاقيها المفروض من داخل ناخذها قالو الريع مو لازم ما نبيها

وهني البرج




عايلة كويتية والخليجين وايد







اتجاهم كان يودي للبليتشر بيتش

بس احنا خلاص تعبنا وقلنا البيت احسن













تقريبا الساعه 6.15 كانت ردتنا للفندق




عجبنتي بساطة الحديقة في سرداب فندق نمر عليه




بعد ما صليت وتمددت شوي
قلت انا يايبة ماجلة ليش ما اسوي لهم عشوة حليوة

وقمت طبخت لهم مموش وعدس
شوفوو احلى طبق شتوي يدفي ويشبع







وهذا المموش وجهز




والعدس جهز




وجذيه ينوكل طبعا مع بطل دقوس بوديج



اهل الريجيم يقولون يمه اجرمتي فينا

ونطل على البرج بالليل







وان شاءالله القاكم بجزء بلاكبول الثاني الى لقاء

ماشاء الله الصور تتكلم عن الاجواء في جلاسكو
روعه ام حسين اخذتينا من جلاسكو الى ادنبره والان في بوندرميز جولة رائعه جدا
اعجبتني المباني الحجريه في بوندرميز شكل هالمباني قديمة جدا
معاناة في نقل الحقائب خاصة في محطات القطارات وانتي الله يهديك خذتي معاك حتى شنط الجيران ههههههههههههه المفروض حقيبة لكل شخص واخر محطه اذا تبون التسوق اشتري حقائب

استمتعت في متابعه كل الاجاء الى وصلت ص 27 ولي عودة لاكمل ماتبقى
الف شكر ام حسين

آخر مواضيع فارس من خيال

- من أجمل ما رأت عيني (جزيرة جيجو - كوريا ) - استطنـــــ(في خاطري شوق وحكايات واسرار)ـــبول - على اطلال (هونج كونج)2017 - هَِنأّ يِّفِّيِّض أّلَأحٌَّسأَّّس وِتّشٍبِعٌ أّلَحٌوِأَّّس(أوِروِبِــًـِـُـأّ) - بين الكلام والصمت جمال (نيوزيلــــ New_Zealandـــــدا)

توقيع : فارس من خيال

يوماً ما سَـأرحل دُون »وَداع« أَتمنى أن يَذْكرني أحدكم بدَعــوهْ Save

اصحاب التكاسي في وندرمير اخلاقهم ماش حتى المحليين يتضايقون منهم
جلفين في تعاملهم ومختلفين عن تكاسي لندن
شوي عالي بس معقول على عددكم

موقع الشقة رائع والسعر جدا حلو بس الباب فعلا ورطة
و زين ما احد جاكم بس مسبب قلق لابو حسين
الخليجيين دايم كثير في بلاكبول عشان الالعاب

التسوق مشكلته الشناط في الرجعة
هل اخذتوا معكم شنط زيادة ولا شريتوا من هناك

سعر ه زين التاكسي علي عددكم
الحين من مسوي ريجيم وهو يأكل فاست فود طباخك أحلا أكل

سنعه ما شاء الله عليك


ام حسين من النوع يكرر الزياره لأي مكان أعجبه زي السيرك


السكن رائع مقابل القيمه

شكرا لك