السبت 26 أغسطس 2017
اليوم الثاني بلندن


صبحنا الصبح وتجهزنا وطلعنا الى
المصبغة .....الملابس تكودت اخر مرة غسلنا بغلاسكو
...بحثنا بغوغل وشفنا اقرب شي لنا بدل ما نروح للي بالكوينز واي
اللي متعودين عليها قبل

وهذه مصبغتنا




وزعناهم على 3غسالات







خليناهم ورحنا نتريق وردينا لهم وقعدنا ننطرهم ينشفون ب3 نشافات بعد




السعر كان 70 باوند
وكسبنا معلومة قالها لنا العامل ان مفروض ما نقعد مقابل النشافات لانها تطلع اشعاعات نفس الميكرويف
وان لازم الملابس اللي تدخل النشافة مافيها أي قطرة ماي لانها بتخرب النشافة يعني تتنشف بالغسالة التوماتيك وبعدين تنحط بالنشافة

تناجر مع شخص كان يايب ملابس فيها ماي وقال له ابي انشفها بس
قال له لازم تحطها بالغسالة
والثاني قاله لا مابي
وراح

المهم لازم تعرفون السبب بعدين تناجروا
اذا ما عجبكم وما اقنعكم العامل

طبعا رحنا نتريق على ما تنتهي مهمة الغسيل
وهذا مطعمنا اومخبزنا بالأحرى



GAIL,S





ما يبعد عن المصبغة وايد وبعد هو من شارع متفرع من الاجور رود وتقريبا هو خلف مجمع اوديون اللي كان لان الحين ماكو اوديون الحين مكانه يشتغلون بفندق جديد
نرجع لمطعمنا والمخبوزات الريحة وااااو وهي حارة










والخنفروش ...كيك المباركية شموديك






نظامهم تشتري اوتنقي اللي تبي من المخبوزات او تطلب سندويشات وقهوة
واذا بتشتري وتاخذ معاك كل شي عندهم







































عنوانهم من الأفكت



طلباتنا



















عندهم قعدات داخلية وخارجية



وكان عطلة البنوك بهاليوم شوفو الأفكت












بعد ما تريقنا وقبل ما ناخذ الملابس رحنا نشتري كروت الباصات ما نستغني عنهم وهذا بأول محل يبيع جرايد في الاجوررود بالتقرير السابق كاتبه عنه




والسعر



مثل مو شايفين صورة الكرت بالغرفة
لأننا رجعنا نوي الملابس واريح شوي
ووبعد بروحي منبطة جبدي من الغرفة مالي خلق اطلع
عقب طلعت مع دانة تتريق متأخر

شريت لي فاكهة









ما أحب الرمان





وركبنا الباص والى اول جولة طبعاااا سوق ... لتوب شوب اللي بالاكسفورد سيركس







هالفرع وايد حلو وكبير وفيه تنوع كبير للملابس



وعندهم البرييد تحاسبون عليه مع الملابس بخمسة باوند



وطلعنا بعد التسوق





ولا تنسوون تاكسي GETT
















طبعا التمشي للبيكادللي سيركس وحوالينه

ومقصدنا للغدا الساعة الحين 3 الا ربع



Koshari Street











خووش كشري













عندهم طلبات خارجية



من قلب مصر







الأسعار باللوحة









موقعهم بكوفنت غاردن بشارع فرعي

خلصنا الغدا وطلعنا الى الكوفنت غاردن




وهالمحل هالسنة وايد شفته منتشر يبيع الحلويات الإنجليزية ...السنة اللي طافت ما كان موجود









محل القبعات الأنجليزية







ودخلنا هالمحل اللي شغلاته نعومة للبنات والحريم
























حلووين













































وطلعنا ما بغينا من البنات ههههه







عجبوني كراسي المدرسات قبل
























وهني ياعت دانة وقالت بتتغدى لأنها ما تغدت معانا كشري لتأخرها بالريوق



مطعم BOHO



https://www.arabtrvl.com/up/uploads/...2854143141.jpg

الساعة الحين اربع تقريبا
قعدت معاها اريح واتسلى معاها هههه ....والبنات راحو يتمشون










موقعه بالنص







الافكت روعة




والبيتزا وصلت







لذيييذة الصراحة ما تقدرون تقاومونها




والفاتورة طلبنا ماي للبنات لما ارجعوا لنا




وبعدها قمنا نتمشى






تكرمون ..خوش جواتي









وبعد ما شريت منهم
















الناس متيمعين للعروض




يتجهزون لعرضهم













القعدة باي مكان عادي






































البزل لقيتهم كلهم عند الوالدة لأن كل من يسافر اييب لها
ما شريت منهم








هني انتهى البنزين عندي خلاص تعبت وقعدت










وشفت السيارات تمر من هني وركبت ثاني تاكسي يمر من هني انا ودانة
والبنات قالو ماخلصنا بنقعد خليناهم ورجعنا




الاصبع يام زياد







مزهبة الفلوس يعني ....طلعت السيارة تابعة لشركة جت










مرينا على قصر الملكة















افكت هايد بارك بالعربي



التاكسي وصلنا ب19 باوند

مريت بريت واخذت لي عصير فيتامين يعني






بعد ما ريحت وصليت وغفوة صغيرونة
اتصلت على دانة وقلت لها اذا بتنزلين نطريني ببريت

وانا نزلت وسيدااا الى الاستقبال قبلها رحت للكونسيرج قلت له في هني من يتكلم عربي
قال لا مافي ...وبسرعه كانه تذكر قال اي في
المنيجر محمد موجود
قال روحي الريسبشن وطلبيه قلت اوكي

رحت الريسبشن وقفت صار دوري بسرعه
قلت للموظفة لو سمحتي نادي لي محمد المنيجر
ابتسمت ابتسامه يعني أمم اكيد في شكوى
قالت ليش
قلت لها بس بكلمه علشان الحجز

ونادته وشوي وايي شاب باين انه من البحرين الشقيقة
وكلمته
اول شي بينت له حجزي الأول والثاني اللي بيصير بكرة

قلت له عن الموظفة وتلكعها بالبحث عن الغرف
وبالاخير عطتنا غرفة باخر الممر وغرفة صغيرة واحنا اثنينا كبار بالسن وما نقدر على السرير يعني واحد منا لازم ينط على السرير

وقلت له بعد عن غرفة البنات وانها اخذت منا فلوس زيادة والبنات ما يبون يغيرون غرفتهم بس احنا
طبعا طلبي للحجز الجديد اللي بيبدا بكرة
وقلت له انا صبرت يومين بس ماراح اكمل الحجز الجديد اذا جذيه

قال
غرفتج ان شاءالله راح تتغير بالجهة الثانية من غرفة بناتكم بس اكبر من غرفتكم الأولى
وغرفة البنات راح اخليها ما اغيرها لهم
قلت له والفلوس قال ماراح تدفعين غير اللي بالحجز

قال باجر الصبح اذا سويتي التشيك ان الجديد بلغيهم بهالكلام
قلت له لا ابيك انت تكون موجود
قال انا باجر مو مداوم بس سجلت لج الغرف والسعر كله هني
بس باجر لما تسوين التشيك ان بلغيهم

قلت له الله يبيض وجهك وربي يحفظك ويخليك لوالدينك واحبابك

واخيراااا

بعدها رحت لدانة وقالت يمه ليش تاخرتي قلت لها كلمت الرسيبشن قالت يمه عيب.....وكانت كل ما أقول لها بروح اكلمهم تقول لا يمه

قلت لها ماكو عيب اذا كان حقج لا تضيعينه


بعدها تيمعنا ورحنا نتعشى بالاجور رود والوعد لقاء اختي وبنتها





بالغصب وصل دورنا بمروش

















طلباتنا عرايس وحمص وورق عنب وشارومات وبيبسي وسفن




وسيلفي بنت اختي ....اهم وصلوا لندن قبلنا باسبوعين تقريبا



العشا طلع علينا ب 42 باوند
بعد العشوة والسوالف والوناسة رجعنا الفندق والراحة النفسية عال العال لي طبعا ههههه


فيديوات هاليوم

https://youtu.be/OjoWoK7Zy2c


https://youtu.be/rXuKIDGgPrU


https://youtu.be/7KSWQ42tnOk

وترقبوااا الغرفة الجديدة وهل النفسية تعدلت والا ساءت اكثر
تابعووو باليوم الجديد
الى اللقاء

صباح الخير ام حسين
ريحه المخابز عندهم تجيب رأسك علي طول
كيكه المباركيه ناقصها عصريه مع سانكيست وبفك

العروض تأخذ وقتك وتستمتع فيها


مو عيب تقولهم عن القصور بالخدمه

والله تعاملها جدا سيء زين صبرتي يومين

لو مكانك ما أخليهم

ام حسين ربي يخليك للبنات ولا يحرمهم من حنانك
الفندق جميل ومبين انه مليان خليجيين وعرب..فهل يا ترى كثفو اجراءات السلامه بعد حادثة الامراتيات والا لا
شكرا لانك ذكرتيني باحلى ايام في لندن والساحه وخصوصا الاصبع ههههههه
وشكرا على صور الكوفنت قاردن احلى مكان حبيبتو في لندن...ياسلاااام

جميل اللقاء مع الاهل في السفروناسه ويزيد في جمال الرحله
ام حسين انتم تاكلو العرايس

انا بصراحه زيك مااسيبش حقي ولازم اتكلم عليه وعندك الف حق وجميل انك لقيتي عربي
ان شاء الله يارب النفسيه تتعدل للاحسن