شكرا لك اخوي قولدن اي لذكر تجربتك وسوف اذكر تجربتي تعقبا علي رد صاحب الشركه بالدفاع دائما عن الشركه بالكمال والحلول مع انه في ارض الواقع يتم التعامل مع المشكله بشكل مختلف .

قبل سنه تقريبا حجزت مع الشركه رحله لي بورصه وعوده في نفس اليوم بسياره خاصه ل ٦ اشخاص كان المفروض من الساعه ٨ ولاكن السواق اتاخر ل٩ المهم قلنا طيب ومشينا وركبنا العباره وكله وكان اتفاقنا انه ٦٠ دولار او ٥٠ دولار للشخص الواحد مش فاكره بالزبط كم تشمل نقل بالعباره ووجبه غداء ورسوم التلفريك والجوله في بورصه
وصلنا بورصه وودونا محل ملابس ومحل حلقم وعسل ومنتجاتهم المهم بعدين طلعنا الجبل ونكتشف في الطريق انه حيودينا التلفريك المفتوح قلناله دا مو اتفاقنا قال كدا الشركه قالتلنا واحنا بنمشي مع الباص الاخر وكدا والسايق كان ولد صغير ومتهور فجاه بعد تقريبا ساعه من طلوع الجبل جاه اتصال انه في شرطه قام لف الباص ولف السايق ونزلنا من الجبل سالناه ليش قال عشان انا ما عندي رخصه انه اخد سواح وامشيهم عمره اقل من ١٨ وكان يتحدث العربيه

ونزلنا ساعه ثاني وبعدين بعد عناء وصلنا لي التلفريك الثاني اللي فيه محطتين قلنا يلا ادفعو التذاكر واطلعو قلناله نعم احنا متفقين انه شامل التذاكر قال لا الشركه قالت ما يشمل رفضنا ندفع شي واتواصلت مع الشخص اللي حجزت معاه وهو اتواصل وطبعا اتلطعنا ربع ساعه علي بال ما جا الرد
وفقط طلعنا محطه واحده والثانيه قالوا لا انتوا حجزكم فقط محطه وفوق مافي شي
والله معد سار فينا نتكلم ولا نعاتب علي سوء تنظيم ولا قله خبره ولا سائق بدون رخصه
عديناها وطبعا االغداء سار عشاء على الساعه ٧:٣٠ تقريبا مع انه النفترض يكون ٣
المهم الوجبه عباره عن صحن صغير سلطه وعصير وطبق فيه وصله لحم ووصله دجاج وبطاطس ما اقدر اقول انها مشبعه ابداا لانها كانت عينه فقط

المهم واحنا راجعين لي العباره اتصل الباص وقال انه اتعطل ولازم ناخد احد معنا من الباص عشان باص ثاني ياخد جزء ورغم رفض الوالد الا السايق اجبره بقله ادب منه وبالاجبار الوالد قله يا ابن الحلال انا عندي ٤ بنات وحرمه كيف تركب معايا رجال ولاكن ماسمع وركب معانا رجل وزوجته وراء وواحد حشر الوالد والسايق قدام ورجعنا الفندق الساعه ١ ليلا
باسوء رحله

فارجوك يا صاحب الشركه لا تتدعي الكمال ابداا لا تقول سياراتنا ٢٠١٥ ومدري ايش هذا ما حصل معي
ارواح الناس في امانتكم وانتم محاسبون علي كل ليره

من اللي سار اتعلمت اعتمد على نفسي في كل رحله فحجز التذاكر والفنادق وغيرها لا يتطلب شي فقط قراه وضغطه زر ولا البهدله دي كلها .

يعطيك العافيه اخوي الفراهيدي

ممكن ان اختي قولدن اي كانت غير لا تعلم عن موقع الفنادق او نوع الفندق ولو كانت تعلم لطلبت تغيير الفنادق قبل الذهاب

ان شاء الله توضح المشكلة اكثر من خلال الرد الذي كتب من قبل الشركة

شكرا اختي النور على ذكر تجربتك

ننتظر رد الشركة للتوضيح اكثر

كل الشكر للشركة اللي تقدم خدماتها للزبائن
وشكرا ايضا للردود والمشاركات اللي اكيد راح يستفاد منها جميع المسافرين لتلافيها بالمستقبل.

يستاهل اخونا الفراهيدي الشكر وانتو تستاهلون الشكر على جهودكم
وان شاءالله تنكتب لنا سفره معاكم