جميل جداً هذا التقرير وكيف لا يكون جميل وهو يتكلم عن الأندلس

الجامع الكبير وما أدراك ما الجامع الكبير ، أنا معاك فعلاً إنه الجزء الإسلامي من الجامع هو الأكثر قبولاً وزيارة من السياح خصوصاً المحراب واللي يالله بالعافية قدرت أقترب منه من كثر الزحمة حوله ،،

بعكس الجزء اللي فيه الكنيسة ، بس إحقاقاً للحق أخوي لازم أشيد ببلدية قرطبة لأنها مازالت تقدم إسم الجامع على الكنيسة في خرائطها والعلامات اللي على الطرق حتى البروشورات اللي يوزعونها عند المدخل ومطبوع نسخة منه بالعربي ،،
حتى إني سمعت إنهم إختلفوا مع الفاتيكان حول هالموضوع فترة من الزمن ، الفاتيكان كان مصمم إنهم يزيلون كلمة المسجد وبلدية قرطبة رفضت تماماً وما زالت تستخدم الكلمة بشكل رسمي .

أما باقي الأمور أشوفهم ما قصروا حافظوا على التراث الإسلامي ، أقاموا التماثيل للعلماء المسلمين ، وكثير مسميات مازالت محتفظه بإسمها العربي ، يمكن محاولة الطمس تجي من بعض المرشدين السياحين هم اللي يحاولوا يغيروا التاريخ عشان كذا أنا ما أحب أخش مع أي قروب سياحي ..

بس لاحظت إنه قرطبة خالية تماماً من السياح وقت زيارتك لها والجامع باين إنه فاضي ..

كيف قدرت تخش المتحف وتشوف وسائل التعذيب ؟ أذكر إني مريت قدامه ولا فكرت إني أدخله ..

مستمتعين معك يالغالي في رحلتك الجميلة ،، والله يسعدك ..