االسلام عليكم...
ادري الموضوع مر عليه كم شهر بس بضيف تجربتي..
انا ولله الحمد قرأت وخططت وسويت كل شي وولان مازلت اخطط ورحلتي باقيلها شهر..
لكن اللي وقفت عنده استئجار سياره للذهاب لبورصه وسبانجا..
كلمت كذا شركه والاسعار متفاوته.. لكن السعر اللي استغربته حقيقه .. دلني اخي على احد المشاهير تابعته عشان اعيش جو تركيا قبل اوصلها وقتها نزل بالستوري انو اللي يبغى سياره او فنادق يتواصل عالخاص..قلت فرصه خليني اشوف راسلته اخذ رقم الجوال قال برد عليك دقايق وكلمني مندوب شركه وقلي انا من طرف فلان ... المهم السياره مع السائق والديزل ب350 دولار قلت لييش قال مارسيدس حديثه قلت ما ابغاها قال مافي غيرها ؟؟؟؟
طبعا اعتذرت منه وحذفت الرقم..
يعني350 دولار يعني1300ريال تقريبا.. للسياره فقط فقط


طبعا بالاخير اتفقنا نروح هناك ونشوف عروض الشركات بانفسنا وناخذ المناسب لنا..

وايضا احب انوه على حجز التذاكر واستخراج الفيزا من المكاتب والمبالغ اللي ياخذوها على هذا الشي .. الشغله مايبغالها الا كمبيوتر او جوال وابحث عما يناسبك..والفيزا سهله جدا ومشروحه بالمنتديات.. اذكر مكتب كان بياخذ300 ريال عشان فيزا بريطانيا طبعا رفضنا وعملناها بانفسنا من تعبية الابلكيشن لحجز الموعد وووو..

كما قال الاخوه القراءه والتخطيط تنجيك من استغلال الغير..
وحقيقه التخطيط والقرأه مايقل حماس عن السفر نفسه..

اتمنى ان لا ينحرف الحوار عن مساره
بانتقاد اشخاص معينين او مدح وثناء اشخاص معينين


الان انتم في عصر العولمة والتكنلوجيا


واصبح كل شيء ع المكشوف



باختصار
لقيت عرض وشفت سعره مبالغ فيه
ولقيت ارخص

اسحب على مندوبهم ولا يهزك ريح



اما تاخذ العرض ولما ترجع
وتكتشف ان فيه افضل وارخص
لا تجي تتحلطم ههههههه





الدعوة ابسط من اول بكثير






ايام قبل يمكن التسعينيات وبداية الالفيه



تقول لي اسبوع في تركيا 5 الاف ريال
اقول يا بلاش البلاشين




بس هالحين بعد التجارب والاطلاع والمعرفة



اكتشفت ان هالمبلغ ممكن يسوي لك سفرتين او تكون السفرة قرابة 20 يوم لو تبي
ههههههه






تحياتي


أرسلت بواسطة أوكسير بإستخدام Tapatalk
سبحانك اللهم وبحمدك أستغفرك وأتوب إليك

ما كل ما يلمع ذهبا..

التأني والقراءة ومتابعة النت والاسعار والعروض والحجز المباشر اوفر طريقة للسفر..
نصيحة قيمة .. مشكور ..

البلا بالمتابعين اللي يصدقون مشاهير السناب
وايد يرفعون بالسلعه او المكان ويطلع زي وجهم بس ديكور ومكياج ولما تتطلع على الحقيقه تلاقيها مطب

احنا عندنا عروض بالكويت بس ما جربتهم ان يعطونك السعر والفندق
جربتهم بس للعمره وكذا مرة
السعر اوكي بس الفندق معروف وقوي
بس تعال للغرفه يعطونك اردى الغرف لان صاحب المكتب السياحي يحجز الغرف باقل سعر فتكون الغرف الصغيره او اللي فيها خرابات وطبعا مستحيل تطل على الحرم

والقروبات لتركيا او غيرها اكيد بيكون جذيه
بس ما نقول الا احجز بنفسك وقبل مده واستمتع بارخص الاسعار