رحلتي الممتعة في الأراضي السعودية 2017 - الصفحة 14

هاوية الاسفار · 29-04-2018, 01:09 AM

دخلت و الا الناس داخل هجوم طالعين و داشين و انا امشي داخل ادو مكان اصلي فيه

الكل قاعد و اللي حاجزة مكان و حاطة شنطة و اللي حاطة كيس و اللي تكرمون حاطين نعول

مشيت لين مدخل الروضه اسمع عنه بس ما اعرف شو داخل قالولي مسكرين يفتحون بعد

صلاة العشاء رجعت و قلت بصلي و الا اشوف وحده من الجاليات وقفت بصلي و الا تحط اكياسها

و ما ادري شو تقول و تتحرطم و أنا واقفه و هي تدز اغراضها تبغيني امشي و أنا اقوللها صلاة و أأشر

بايدي ما تفهم آخر شيء تذكرت قلتلها نماز سنت نماز الحمدلله افتهمت و خلتني اصلي

و الا و الله نشفت ريجي عادي كنت افر اغراضها يا الله كيف الناس حاجزين الاماكن تقولون كنه

بيتهم و الا دافعين فلوس على المكان استغفلر الله

اختي كانت ساكنه في دار التقوى و ما شاء الله مقابل مدخل النساء

طلعنا ندور مطاعم و صوبنا ما لقينا شيء

سأل زوجي العساكر اللي واقفين واحد قاله شلك بالمطاعم عندك الفنادق

فيهم بوفيهات رخيصة و نظيفة احسن من المطاعم و قلنا يالله نشوف الفندق

و دخلنا فندقنا كانت الساعة 7 و توهم فاتحين البوفيه ما فيه حد غيرنا

و الشخص اعتقد 45 بلاش و الاطفال حسبلهم يمكن 25 و ولدي الكبير قال أنا ما بتعشى

نشوف وياكم اصناف البوفيه السلطات

الشوربة

الكسكس يمي يمي

مرق خضار

و الحين نشوف الحلويات

و بس البوفيه صغير و ما فيه تنوع كثير
طبعا كلنا خذنا كسس

طلبنا عصاير ما كانت من ضمن البوفيه و المشروبات كلها ما تدخل مع البوفيه

و آخر شيء وصل حلو أم علي

للأسف ما كان فيه طعم خبز و حليب بس و بدون سكر

أذن العشاء و احنا بعدنا ناكل زوجي سار الحرم و احنا قلنا بنرجع الغرفة

و هذا كافيه في الفندق يقدم وجبات خفيفة و شفت سيخ الشوارما بعد

هاذي شاشة في الاستقبال فيها موعد الباص متى يتحرك لبوابة النساء

للأسف المفروض الاستقبال وقت الدخول يخبرونا انه عندهم باص يوصل لمدخل النساء

لكن محد خبرنا بهالشيء و ما سكت رحت و كلمتهم
نتابع الاستقبال

المصاعد ما شاء الله 5

رجع زوجي و قلت ابغي اسير عند اختي طبعا الكل تعبان زوجي و ولدي الصغير ناموا

خذت الكبير و قلت باخذ تكسي بس كن متخوفة وايد من سنيييييييين ما ركبت تكسي بروحي

و لدي بعده اعتبره صغير و اتفقنا وياه يوصلنا ب 15 مع ان المكان وايد قريب بس ما اقدر امشي

هذي ساحة الحرم من غرفة اختي في فندق دار التقوى

و هذي غرفتهم

بصراحة الفندق قديم و مستهلك جدا ما حبيته و قلت الحمدلله اني ما حجزت فيه

لانه حتى زوجي ما كان بيعجبه قديم جدا جدا مقارنة بفندقنا

قعدنا نسولف و كانوا طالبين عشاء من الفندق عيالها متعودين لازم ياكلون في الغرفة

و أم زوجها كانت وياهم بس ما كانت موجوده و يوم بغيت امشي اشوفها رجعت

و كانت هلكانه مسكينه لانها دخلت الروضة و تقول كنت بموت و انقطع عني النفس

من التزاحم و الاندفاع خفت بصراحة قلت كيف بدخل مع اني كنت ناوية الفجر اسير

المهم رجعنا الفندق و هالمره التكسي بيغي 20 قلتله 10 ما رضى و اللي قبله

بعد نفس الشيء و بعدها وصلنا ب 15 و كنت ابغي اتمشى شوي بس خفت و كنت تعبانه

و رجعت و رتبت شنطة فيها الاحرامات و الملابس اللي ما نبغيها عشان اطرشها ويا

اختي في الطيارة لانه اغراضهم شوية و أنا وايد ماخذه ملابس شتوية و الشتاء تأخر علينا

و خلص اول يوم في المدينة و نشوفكم اليوم الثاني

دمتم بود

آخـــرفـــرصـــة, فهد المنيع, مخاوي البر و 8 آخرون معجبون بهذا.

مخاوي البر · 29-04-2018, 10:11 AM

اجزاء رائعة كسابقتها
***
ابد ماحصل قصور منك التقرير ممتاز والصور حلوة
وسردك العفوي الي من القلب... الله يعطيك الصحة والعافية
***

عاد انا اموت في ام علي ي ام علي يالله اتحداك تقوليها 5 مرات بسرعة ههههههه
بس حسافة تقولين مو حلوة... اعتقد الي سواها مايعرفها اصلا
***
من ناحية الزحمة والي نزلت اغراضها قدامك وانت بتصلين
هذي عادي متعودين عليها سوا في مكة والا في المدينة
وحجز الاماكن برضه ندري غلط بس الواحد جاي يبي يعيش
اجواء روحانية ويؤدي مناسكه مايبي يتجادل مع هذا او ذاك
لان كل وقته بيضيع في الشي هذا... باستمرار الحالات
ومن جنسيات كثيرة ومختلفة كبار واصغار متعلمين وغير متعلمين
وخصوصا الاجانب واعتقاداتهم وامور كثيرة
بس الواحد الي يبي اماكن متميزة يروح بدري لا يقل عن ساعتين او اكثر
مو يجي متاخر ويتضايق ان الامكان زحمة
انا اقصد على العموم ي ام علي
***
مازلنا متابعين معاك في طيبة الطيبة
بانتظارك

بن قوت, الايمان, توبليرون و 3 آخرون معجبون بهذا.

الايمان · 29-04-2018, 01:12 PM

يازين المدينة فعلا تشرح النفس
استغرب من هالناس اللي تحجز أماكن وتدز المصلين سبحان الله ماعندهم احترام ولا ادب
مع ان عددهم اكبر منا واحنا الخليجيين عددنا قليل
وين سويتوا كليتوا بالفندق السعر مناسب جدا
عليكم بالعافية

مخاوي البر, توبليرون, هاوية الاسفار و 3 آخرون معجبون بهذا.

q8ya metnaqla · 29-04-2018, 02:52 PM

الله يا حلووو المدينه و يا زينها زرتها مره وحده في حياتي و يوم واحد اتهبل .. وللاسف في هالزياره ما قدرت ازور الروضه [emoji174]
هذي اللي ضايقتج يمكن لو انا و اختي چان تهاوشنا معاها [emoji23][emoji23][emoji23] اطفارتي اللي جذي يسون صبري بصلي وامشي واااي يحرون
بس شنو قلتي لها ام علي ما فهمت هالكلمات عشان اقولهم لا زرت المدينه ان شاءالله [emoji1431]
و بحاول ادخل الروضه وادري راح اعصب بس بدخل
عليكم بالعافيه

Sent from my iPhone using Tapatalk

مخاوي البر, توبليرون, هاوية الاسفار و 3 آخرون معجبون بهذا.

آخر مواضيع q8ya metnaqla

- مركاز العرب المسافرون 11
- إندونيسيا استفسارات
- شبه الجـــزيـــرة الايبيـــريـــة ( اسبـــــانيــــا ) 2023
- هنــــا شبــــه الجــــزيــرة الايبيــــريـــة ( البــــرتغـــــال ) 2023
- ريوقنا في the orangery

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

توبليرون · 29-04-2018, 04:31 PM

المدينة مدينة شرحة تشرح الصدر وانا رحت لها مره وحده ومن زمان بس قعدت يومين بليلة مانمت فيها بفندق قديم وتكرمون مستهلك وكان وقت المولد النبوي وبعض الاجانب عندهم مناسبه مهمة لزيارة المدينة وزحمممه ماحصلنا الا بهالفندق اللي فرشت على الفرش فوطتي علشان انام بس ما قدرت انام
بس حبيت المدينة واتمنى اني ارجع اروح لها
الفندق حلو ونظيف وزين كلمتيهم عن الباص مفروض يبلغون النزلاء بهالشي
العشا مناسب لج لانج ما تحبين اللحوم وعجبج اكيد
الكسكسي وام علي ما احبهم بس عليكم بالعافيه
وحلوه اللمه مع الخوات بالسفر
متابعين معاج يا احلى ام علي

مخاوي البر, هاوية الاسفار, الفراهيدي و 3 آخرون معجبون بهذا.

هاوية الاسفار · 30-04-2018, 10:42 PM

اقتباس : المشاركة الأصلية كتبت بواسطة نـــواف

اهلا بك اختي هاوية

أعتذر على الانقطاع في متابعة التقرير الجميل

بالنسبة لسائقي التاكسي فدوماً ما أقول أن البعض منهم يمثلوا الوجه القبيح لأي مجتمع ودولة وهذا لمسناه في أي دولة نتوجه لها ولعل تركيا أبرز مثال .. ونحمد الله على برامج اوبر وكريم وغيرها

رحلتكم الحقيقة ممتعة ولكن يبدو لي أنها مرهقة وخصوصاً على رب الأسرة بحكم توليه القيادة بين المدن

والعمرة كلنا نشعر بآلام إذا لم يكن في نفس اليوم ففي اليوم الثاني

المنطقة اللي فيها القرود بين جدة والمدينة معروفة ..سبحان الله منطقة محددة وتختفي قبلها وبعدها

متابعين تقريرك الروحاني .. وهو يحمل كثير من المعاني

بالفعل الرحلة مرهقة للكل
الآلام تكون خفيفة للكل لكن اللي صابنا فوق المعتاد
شكرا عل المتابعه

مخاوي البر, توبليرون, الفراهيدي و 2 آخرون معجبون بهذا.

هاوية الاسفار · 30-04-2018, 10:49 PM

اقتباس : المشاركة الأصلية كتبت بواسطة توبليرون

تقبل الله عمرتكم يام علي
وحلووو انج رحتي لصلاة الفجر بالعافيه
الريوق بفنادق الوقف كلها تكون متنوعه وتحسينها تصلح عشا بعد لتنوع الاطباق

سواق التاكسي لله يهداه مفروض ما يطمع بعد عطاك اكثر من اللي متفقين عليه احمد ربك

اما الشواذي هههه يحليلهم يواعه
الطريج حلووو وننطر الوصول للمدينه وجم ساعه اخذ الدرب
متابعين وعلى راحتج

اقتباس : المشاركة الأصلية كتبت بواسطة توبليرون

المدينة مدينة شرحة تشرح الصدر وانا رحت لها مره وحده ومن زمان بس قعدت يومين بليلة مانمت فيها بفندق قديم وتكرمون مستهلك وكان وقت المولد النبوي وبعض الاجانب عندهم مناسبه مهمة لزيارة المدينة وزحمممه ماحصلنا الا بهالفندق اللي فرشت على الفرش فوطتي علشان انام بس ما قدرت انام
بس حبيت المدينة واتمنى اني ارجع اروح لها
الفندق حلو ونظيف وزين كلمتيهم عن الباص مفروض يبلغون النزلاء بهالشي
العشا مناسب لج لانج ما تحبين اللحوم وعجبج اكيد
الكسكسي وام علي ما احبهم بس عليكم بالعافيه
وحلوه اللمه مع الخوات بالسفر
متابعين معاج يا احلى ام علي

الله يعافيج
خذنا تقريبا من مكة للمدينه 4 ساعات و وقفنا تقريبا 3 مرات
المدينه نصيحتي انج تزورينها في محرم و صفر ما يكون في زحمه
شكرا على متابعتج يالغاليه

مخاوي البر, توبليرون, الفراهيدي و 2 آخرون معجبون بهذا.

هاوية الاسفار · 30-04-2018, 11:00 PM

اقتباس : المشاركة الأصلية كتبت بواسطة مخاوي البر

اجزاء رائعة كسابقتها
***
ابد ماحصل قصور منك التقرير ممتاز والصور حلوة
وسردك العفوي الي من القلب... الله يعطيك الصحة والعافية
***

عاد انا اموت في ام علي ي ام علي يالله اتحداك تقوليها 5 مرات بسرعة ههههههه
بس حسافة تقولين مو حلوة... اعتقد الي سواها مايعرفها اصلا
***
من ناحية الزحمة والي نزلت اغراضها قدامك وانت بتصلين
هذي عادي متعودين عليها سوا في مكة والا في المدينة
وحجز الاماكن برضه ندري غلط بس الواحد جاي يبي يعيش
اجواء روحانية ويؤدي مناسكه مايبي يتجادل مع هذا او ذاك
لان كل وقته بيضيع في الشي هذا... باستمرار الحالات
ومن جنسيات كثيرة ومختلفة كبار واصغار متعلمين وغير متعلمين
وخصوصا الاجانب واعتقاداتهم وامور كثيرة
بس الواحد الي يبي اماكن متميزة يروح بدري لا يقل عن ساعتين او اكثر
مو يجي متاخر ويتضايق ان الامكان زحمة
انا اقصد على العموم ي ام علي
***
مازلنا متابعين معاك في طيبة الطيبة
بانتظارك

عاد أنا أول مرة ادخل الحرم النبوي ما اعرف كيف النظام داخل
و دخولي كان بعد الصلاة توقعت الناس بيطلعون لكن هم يرقدون و ياخذون قيلولة في مكانهم
و بعدها يقومون يصلون
شكرا عل المتابعه

مخاوي البر, توبليرون, آخـــرفـــرصـــة و 1 آخرون معجبون بهذا.

هاوية الاسفار · 30-04-2018, 11:02 PM

اقتباس : المشاركة الأصلية كتبت بواسطة الايمان

يازين المدينة فعلا تشرح النفس
استغرب من هالناس اللي تحجز أماكن وتدز المصلين سبحان الله ماعندهم احترام ولا ادب
مع ان عددهم اكبر منا واحنا الخليجيين عددنا قليل
وين سويتوا كليتوا بالفندق السعر مناسب جدا
عليكم بالعافية

الله يعافيج
تسلمين

مخاوي البر, توبليرون, الفراهيدي و 3 آخرون معجبون بهذا.

هاوية الاسفار · 30-04-2018, 11:08 PM

اقتباس : المشاركة الأصلية كتبت بواسطة q8ya metnaqla

الله يا حلووو المدينه و يا زينها زرتها مره وحده في حياتي و يوم واحد اتهبل .. وللاسف في هالزياره ما قدرت ازور الروضه [emoji174]
هذي اللي ضايقتج يمكن لو انا و اختي چان تهاوشنا معاها [emoji23][emoji23][emoji23] اطفارتي اللي جذي يسون صبري بصلي وامشي واااي يحرون
بس شنو قلتي لها ام علي ما فهمت هالكلمات عشان اقولهم لا زرت المدينه ان شاءالله [emoji1431]
و بحاول ادخل الروضه وادري راح اعصب بس بدخل
عليكم بالعافيه

Sent from my iPhone using Tapatalk

الله يعافيج
هههه اقوللها نماز يعني صلاة الباكستانيين و الهنود كانوا جيرانا قبل
و مطيحين عندهم عاد حافظين بعض الكلمات زين اني تذكرت على آخر لحظة
تسلمين

مخاوي البر, توبليرون, آخـــرفـــرصـــة و 2 آخرون معجبون بهذا.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الاقتصادية إلى الأراضي الماليزية	أبو سعد	بوابة ماليزيا	287	20-11-2019 11:15 PM
رحلتي إلى اندونيسيا 2017	مسافر وبس	بوابة اندونيسيا	19	12-02-2018 06:00 PM
الرخصة السعودية اصبحت معترف فيها بالنمسا اعتبار 12 مايو 2017	alradadi	بوابة النمسا	13	27-05-2016 08:20 PM
متاهة Infinity الممتعة (قولد كوست)	زهرة نيسان	بوابة استراليا ونيوزلندا	27	15-04-2015 07:40 AM
استفسار مهم بخصوص الأمتعة على متن طيران آسيا ..	Toota2	ماليزيا	10	31-01-2015 05:20 AM