بوكينغ الموقع الوحيد الوسيط اللي احجز منه الفنادق
ولا حتى افكر اطل بمواقع ثانية مهما شفت لها اعلانات
ممكن اروح اتاكد من سعر الحجز على الموقع الرسمي للفندق فقط
ونادراً القى عروض معينة و تخليني احجز منها

و لكن ما انسى موقف مرينا فيه مع بوكينغ يثبت قوة هالموقع
كنا في ميونخ و البرد لا يطاق في ديسمبر و عندهم عاصفة ثلجية
قررنا انا و زوجي نروح اي منطقة قريبة يكون جوها اهون
بحثنا و كانت باريس هي الخيار الاوفر من ناحية الطيران و الفنادق و الجو المعقول
حجزنا بسرعة و لما وصلنا كان الفندق بعيد حبتين لان ما راجعنا الخريطة صح
ف و احنا هناك الغينا بقية الليالي و حجزنا اخر غرفة متوفرة في فندق في وسط الشانز
و شلنا شنطنا و رحنا له
و في الفندق الثاني اشوف موظفين الاستقبال متوترين و واحد طالع و الثاني داخل
و شوي الا يرن تلفون زوجي و بوكينغ يعتذرون ان الغرفة وقت ما احنا حجزناها في ضيف ثاني حجزها من الفندق نفسه و دخل الغرفة خلاص
و انه بيرتب مع الفندق حجز ثاني لنا
و جانا موظف الاستقبال و سحب شناطنا بنفسه ل فندق قريب منه بنفس المواصفات و خلص كل الاجراءات مع اعتذار شديد

بويكنغ الاول في الحجوزات و هذا سبب من الاسباب