| | |||||||
مـواضـيـع مـمـيــزة
285الاعجاب |
| | LinkBack  | أدوات الموضوع | انواع عرض الموضوع |
01-02-2023, 05:28 AM
| #21 |
| مسافر متميز   تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 303 | 
شكراً شكراً شكراً جزيلاً  فعلاً لما أقرأ ردودكم ، و أشوف حماسكم ، أتحمس فعلاً  و أصمل أكمل ، لأني أحس إنّي مكثرة في الصور و الكلام  !حياكم الله
|
|  |
|
01-02-2023, 05:37 AM
| #22 |
| مسافر متميز تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 303 |
حيّ الله أم معتز  يازيييييييينك والله ، فعلاً جبتيها صح ، أحس أجواء كوريا فعلاً عائلية .gif "(114)") ..ربي يسعد قلبك أكثر و أكثر على هالكلام اللطيف  ..إن شاء الله تزورينها قرييييييييب بإذن الله  و يا حبذا تآخذيني معك ، ما أقول لا !
|
|
| |
|
01-02-2023, 06:01 AM
| #23 |
| مسافر متميز تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 303 |
شكراً جزيلاً  بإذن الله .. ربي ييسر لك .. برامج الخرائط مثل KAKAO MAP وَ NAVER MAP هم يستعملونها في سياراتهم ، و KAKAO MAP بالنسبة لي أفضل لأن NAVER MAP أغلب المحلات تكون باللغة الكورية .. بس بالنسبة لي إذا راح أطلع أمشي أحب NAVER MAP لأنه أوضح و طريقته حلوة .. أما برامج القيادة الأخرى مثل Sygic و Garmin فهي إليـن تاريخ رجعتنا ما تشتغل هناك أبداً .. أخوي بالعادة لما نسافر أي مكان ، يحب يستأجر سيارة و نسوق و الوضع يصير مريح ، و لكن هالمرة كان عنده كورس لأدوية معينة ممنوع إنه يسوق في حال أكلها ، و ما تحمس هالمرة يأجر لأنه بـ 2018 في سيئول تم الرفض من كم مكتب للتأجير ، بس اللحين عادي .. و في جيجو طلب من السواق إنه يجرب يودينا للفندق و كنا قريبين له و ودانا و جاز له الوضع ( معاه رخصة دولية ) .. بس السائق قال له إنه أغلب المكاتب في جيجو ترفض تأجر للسائح الأجنبي للحين ، مدري ليه ! حلوة الرحلة بالسيارة في كوريا ، و لكن تحتاج تخطيط .. مثلاً إذا تبغى بوسان أفضل تآخذ قطار من سيئول و تستأجر هناك ( 3 ساعات بالقطار = 200 ريال ) ، لأن البنزين غالي جداً فبالتالي أوفر القطار ، و تجربة حلوة .. و المقاطاعات الأخرى عندك Gyeonggi فيها جزيرة نامي و القرية الفرنسية .... إلخ ، و تحصل فيها فنادق ، فيها أودية و حدائق و آكتيفيتيز رياضية كثير ، و متعودين على السياح .. و كذلك عندك Gangwon ، أذكر كانت تبعد بالسيارة 3 ساعات أو 4 ، و الظاهر فيها فنادق .. و جيجو كذلك تروح لها بالطائرة ، و ما أعرف إذا يمديك عن طريق البحر أو لا ! أهم شيء تتأكد إن المقاطعة أو المنطقة اللي بتروح لها فيها أماكن تجلس فيها ، لأن أغلب سكانها كبار سن ، و لسى كبار السن و هم بسيئول يستغربون السائح بشكل عام ، فما بالك بالقرى ! و بالنسبة للإشتراطات فعلاً فقط حالياً تصريح السفر الإلكتروني K-ETA . حيّاك الله
|
|
| |
|
01-02-2023, 03:18 PM
| #24 |
| مشرف العرب المسافرون  تاريخ التسجيل : Jul 2016 رقم العضوية : 10646 الدولة : الإمارات العربية المتحدة الجنس : ذكر المشاركات : 1,194 |
ما شاء الله ، باين عندكم معلومات وتفاصيل دقيقة سبق أن بحثت وقرأت مقارنات بين برامج القيادة في كوريا ولكن أنا أعتمد على الإحداثيات التي جمعتها عن كوريا برامج kakao map و naver map لست متأكد من إمكانية إستخدام الإحداثيات بها ، وليست كل المواقع مسجلة باللغة الإنجليزية أيضا يمكن إستخدام رقم الهاتف للوصول للموقع المطلوب ولكن هذا غير مضمون لكل المواقع قضيت فترة طويلة أبحث وأعمل دليل سياحي لكوريا ووجدت مواقع سياحية كثيرة وخيالية منتشرة في ربوع كوريا ومجهولة للعرب وكذلك بحثت عن المطاعم المناسبة ، أغلبها يقع في أحياء تسكنها جالية مسلمة ، كما وجدت بعض المحلات التي تبيع المواد الغذائية الحلال أعتقد أني أحتاج أحدث هذا الدليل وأضيف أرقام الهواتف الرحلة الأولى ستكون مغامرة واستكشافية وستكون بعدها رحلة عائلية إذا وجدتها تناسب العائلة جربت مرة واحدة إستخدام وسائل المواصلات من قطارات ومترو في تايوان بعد تجربة القيادة ، صراحةً أفضل أتحمل تكلفة الوقود وبوابات الرسوم المنتشرة في كوريا وأستمتع بالقيادة والوصول المباشر لكل المواقع بالرغم من الموقف السلبي لسواق الأوبر إلا أن هذا الموقف يعطي إنطباع إيجابي عن البلد والنظام والشرطة والشركة بخلاف دول أخرى
|
|
| |
|
01-02-2023, 05:20 PM
| #25 |
| مسافر متميز تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 303 |
جلست أبحث قبل شوي لقيتهم يستعملون كذلك برنامج إسمه T Map ، تبع SK Telecom .. و سألت أهلي إذا شافوا السيارات اللي نركبها وش يستعملون قالت أختي إنه فيه واحد استعمل naver map ، لأنه كان يبي يسألها عن شيء و طلع من الماب و دخل المترجم و شافته لما رجع فتح الماب .. قبل السفر كان فيه لستة مقاهي و محامص قهوة نبيهم ، حملت kakao map و حددت فندقنا و حددت الأماكن اللي نبيها و حفظتها ، و اشتغل هناك من أبدع ما يكون ، و لكن مشي !كذلك عندي صديقة كورية بسألها اليوم إن شاء الله بموضوع السيارة و نتأكد لك  حتى بإذن الله كان تيسر و استأجرت نكرر التجربة حنّا إن شاء الله صدقاً ما قد جربنا نستأجر سيارة نهائياً في شرق آسيا ، و أتوقع السبب إنه سفراتنا لهم تكون سريعة و ما نقرر زيارة إلا مدينة أو ثنتين ! و كذلك المواصلات فيها سريعة و كثيرة و سهلة و لكن من باب التجربة جرّب قطار بوسان ، حتى في حال سافرت مع العائلة الكريمة تقرر تكون سيارة أو قطار و المترو والباص في كوريا جداً أمان و نظيف و مرتب و ماقد شفت أي محاولة للسرقة أو التعرض لأحد بأي شكل كان ، يعيبه الزحمة في أوقات الذروة ! واجهنا موقف مشابه في هونج كونج بالنسبة للتاكسي ، بس ردة فعل الشرطة كان نوعاً ما خرابيط  صح فيه مكان كنت حابة نجربه مرة ، اسمه Bukhansan National Park ، منطقة تسلق جبال و تخييم ، صورها حلوة حلوة حلوة ، تأجر فيه زي الخيمة أو الغرفة الصغيرة و تجلس كم يوم ، مخيم كشخة على معسكر  ! و لكن أخوي كان مُحدد له عملية للركبة فخفت إنه يجاملنا و نروح و يتعب أكثر ! حتى ماركزت هي بكوريا الشمالية أو الجنوبية !
|
|
| |
|
01-02-2023, 08:47 PM
| #26 | ||
| مجلس الإدارة  تاريخ التسجيل : Dec 2014 رقم العضوية : 26 الدولة : حبي الكويت الجنس : انثى المشاركات : 25,962
|
| ||
|
| |
|
02-02-2023, 01:30 PM
| #27 |
| مسافر فعّال تاريخ التسجيل : Jan 2015 رقم العضوية : 1577 الدولة : الكويت الجنس : انثى المشاركات : 822 |
|
|
| |
|
02-02-2023, 03:32 PM
| #28 |
| مشرف العرب المسافرون تاريخ التسجيل : Jul 2016 رقم العضوية : 10646 الدولة : الإمارات العربية المتحدة الجنس : ذكر المشاركات : 1,194 |
أعتقد زيارة كوريا تحتاج موبايل خاص أركب فيه شريحة كورية وأنزل برامج خاصة بكوريا وأخزن فيه الصور لأن موبايلي ما بيتحمل
|
|
| |
|
04-02-2023, 09:47 PM
| #30 |
| مسافر متميز تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 303 | 
وَ بسم الله .. نكمّل الرحلة الحلوة  بس أبغى أسأل قبل ، هل الصور تطلع لكم كلها طبيعي !؟ لأنها فعلياً كثيرة  لأني لمّا أفتح على الموضوع من الكمبيوتر ما تطلع لي كاملة ، يطلع بدالها فراغ كبير  ، بس في الجوال تطلع كاملة .. نعتذر على الأسئلة بس جديدين في الصَنعَة !26 يوليو : Han River قرروا أخواني يتغدون بمطعم هندي حلال و بعدها يروحون لنهر الهان و يركبون القارب ، لأن أختي بـ 2018 كانت دايخة و خافت تركب  ، هالمرة قالت بجربه غصب  .. و في الويكند المنتزه اللي عند النهر يصير مليان حياة  ، و فيه فود ترك و فيه آكتيفيتيز و حركات .. و بعدها قالوا بيروحون يجربون مقاهي جديدة و يشوفون إذا ناقصهم شيء !    و أنا و أمي قررنا نضف العفش ( طبعاً الوالدة ضيفة شرف في هالمهمة  .. تتفرج و تقيّم و تتطمن إن أغراضها مافغصتها لها و عفطتها و تعزز لي و أنا أرتب  .. و تقهويني جزاها الله خير عشان أروّق ) .gif "(3)") .. و نشوف إذا أصلاً الشنط تكفي أو لا ! و إذا ما تكفي نروح نجيب شنط .. عشان ما يصير فيه مفاجأة مال أمها داعي في آخر يوم !أختي الصغيرة حليلة مسوية شنطتها لأنها تخاف على أغراضها .. و الباقيين يحوسون الشنط أكثر من إنهم يرتبونها و يضيعون وقت و يضيعون مكان في الشنطة ، فقررنا نسويها من البداية عشان ما يجون في اللحظة الأخيرة يطلبون مساعدة !  أمي سوّت لي قهوة رَشـوة  أخذنا بريك غداء أنا و أمي و رحنا مطعم جبار اكتشفناه في اللحظة الأخيرة .. مطعم ياباني يبيع رز و كاري بالشريمب " كاتسو بالشريمب " ، ما أعرف اسم المطعم مع الأسف و لكنه قريب جداً للفندق ، تغدينا و كان من ألذ الأكلات اللي أكلتها في كوريا ، مسبّـــك .. تمشينا شوي و اشتهيت فجأة كب كيك حق الـ k-pop ، أخذته و أخذت قبل ما أشوفه قهوة من الماركت و رجعنا نكمل ضف الشنط  .. صلينا العشاء و خلصنا ! و طلعنا نحتاج 3 شنط زيادة  !     27 يوليو : رحنا أنا و أمي و أخوي Myeong Dong Market و جبنا الشنط و تمشينا فيه لآخر لحظة من غير شر  .. و بطريق الرجعة لقينا فرايديز و قررت أتغدى منه و أخذت باستا بدون أي شيء  ، و أمي و أخوي راحوا لدومينوز بيتزا . خواتي طبعاً مقررات يروحون مشوار مقرف ! كانت أمي رافضته بـأول زيارة لنا لكوريا ، و لكن هالسنة ما قدرت ترفض رحمتهم  و الصدق إنهم نشبوا لها لمّا وافقت و قالت لهم خلوه آخر يوم ، كانت على أمل إنهم يبطلون و ربّكم واحد صاملين ريّا و سكينة على هالمشوار  .. يبون مقهى الكلاب عزّكم الله  !يبعد عن الفندق نصف ساعة .. طلبوا آوبر و راحوا ، لما وصلوا كان مسكر ! راحوا مطعم بيتزا و تغدوا و لما خلصوا رجعوا للمقهى ، و كان مفتوح   خافوا أول ما دخلوا لأن الكلاب لما يدخل شخص جديد ينبحون قوة ! بس لزّموا عليهم حقين المحل يكملون  ، دفعوا حق الدخول و شامل كوب قهوة و كان بـ 14000 وون كوري ( 45 ريال ) ، بس ما قدروا يشربون القهوة .. تقرفوا .gif "(35)") ! انبسطوا و طولوا في المكان .. قالوا انبسطنا مرة بس ما نعيدها ! رجعوا و هم قرفانين مرررررررة و حايمة أكبادهم ، بس انبسطوا بالتجربة مرة .gif "(34)") !   بعد ما خلصنا و رتبنا العفش و ارتحنا ، راح أخوي يجيب لنا من نفس المطعم الياباني اللي يبيع الكاري .. تعشينا و نمنا عشان نصحى بدري و نروح للمطار  28 يوليو : الرحلة كانت الساعة 17:50 دقيقة .. قمنا و شحنّا جوالاتنا ، و صرفنا باقي الوون لدولار ، و أفطرنا ، و نزّلنا الشنط .. و وحدة من الشنط قررت تسوّي مفاجئة و انفجرت مع إنها مو مليانة ، جبنا لزق و لزقناها هي و أختها اللي من نفس الماركة ، و صار شكلهم سيء بس كيفهم .gif "(57)") ! أهم شيء ما يفاجئوننا بعدين  !وقت التشيك آوت طلعنا من الفندق بس خلينا الشنط عندهم  كلمتني مديحة ( الموظفة في الشركة اللي أخذناها لجيجو ) قبل ليلة و قالت ودّي أجي أودعكم يوم رجعتكم .. رحبنا فيها جداً و انبسطنا .. و قالت بنتظركم الساعة 12:30 في اللوبي ، و فعلاً لقيناها  .. تجنن تجنن تجنن ! جلسنا نسولف و نتناقش في بعض الأمور لمّا اتصل السواق .. أعطتنا هدية تذكارية .gif "(60)") ودّعنا مديحة المليحة على قولتها و نزلنا للتاكسي ! وصلنا المطار و كنّا أول الطابور و ما فيه زحمة في المطار أبداً .. بعد ما خلصنا و دخلنا الشنط راح أخوي لأجهزة التاكس فري ، و أخذ ورقة عليها المبلغ المسترجع بس نرجعه بعد ما نختم على الجوازات و ندخل الصالات .. و قبل ندخل جتنا موظفة عشان التقييم ، تقييم السياحة كاملة لكوريا ( موفرين كل اللغات ، حتى عربي ) ، كان طويييييل مرة و حنّا كنا فاضين ، و قلنا نقيّم صدق لأنهم مآخذين الموضوع على محمل الجد فعلاً  .. لمّا خلصنا و تشكرنا منهم و تشكرت مننا ، أعطتنا كذلك هدايا تذكارية ! خلصت الإجراءات بسرعة الحمدالله و كان باقي وقت .. أخواني راحوا لــ Matina Lounge ، و أنا و أمي تمشينا في المطار بما إنه فاضي جداً وَ أخذنا قهوة و رحنا جلسنا عند البوابة و جلسنا نتفرج على صورنا بهالسفرة .   و دخلنا الطيارة و نمنا نومة تحبّها قلوبكم ، مرهقين مرة ! لأننا قايمين من الصباح  . وصلنا أبو ظبي و كان أكثر فوضى من المرة الأولى ! والله زَملَة لسفرتنا القادمة إن شاء الله لأنها على نفس الطيران  طيران الإتحاد مرة حلووو بس المطار متعب جداً ! و التنظيم سيء بس الحمدلله عدّى الموضوع !جاء وقت صعود الطيارة و كان فيه تأخير بعد ، و الحمدلله عدّى كل شي على خير ، و كملنا نومتنا لمّا وصلنا للرياض الحبيبة  .. وصلنا الساعة 5 الفجر تقريباً ، أخذنا الشنط .. و استقبلونا أخواني و السواق لأن الشنط كثيرة رجعنا للبيت و مرينا محل كبدة و أطلق لحم حلال فيكي يا منطئـة  .سفرتنا هاذي كانت الأولى بعد كورونا لخارج المملكة ،، فكانت استجمام و روقان و تمشي على الهون ، بدون ركض  ، و تم تكرار الأماكن اللي فعلاً تتجدد كل فترة ، و الأماكن اللي انبسطنا فيها جداً أول مرة ، زرناها كذلك .. و كنّا حابين نتمشى رجلية كثير عشان نتفرج على أدعس الدواعيس و نجرب و نشوف كل شيء ، لأن هالفقرة ممتعة و الشوارع تجنن ، كأنها صورة ، يعني تمشّي بدون هدف في الوقت الضايع  !طيب .. فيه أماكن و مدن مهمة ما ذكرتها هالسفرة ، لأننا رحنا لها بـ 2018 ، و حسينا ما ودّنا نكررها ! بس راح أذكرها لكم ، و مهم جداً جداً جداً تزورونها لمرة واحدة على الأقل .. 1- Gyeongbokgung قصر غيونغبوك هو القصر الملكي الأساسي في عهد سلالة جوسون في كوريا .. فيه عروض غنائية و رقصات قديمة ،، يآخذ وقت .. رحنا قبلها لخيّاطة تسوّي الهانبوك بشكل جميل و اخترنا اللي نبيهم عندها و ضبطتهم على مقاساتنا و استلمناهم اليوم الثاني ،، ودتنا لها صديقتي الكورية ، موجودة في Bukchon Hanok Village ( حارات كورية قديمة، التصوير فيها مع اللبس يجنن ، و محلات كثيرة يبيعون و يأجرون الهانبوك ) ، كان غالي بس جميييييييييل و معاه أكسسوارات للشعر و للبس ، فيه أرخص بسوق نامدايمون بس القماش أقل جودة .. و لبسته أختي الصغيرة في القصر .. و ترى فيه أماكن تراثية كثير في سيئول ، كلّن يشوف اللي يعجبه .. و تذكرة الدخول للكبار 3000 وون كوري ( 10 ريال ) ، و 18 و تحت بـ 1500 وون كوري ( 5 ريال ) . 2 - عرض الـCookin' Nanta عرض مسرحي باللغة الكورية و لكن القصة تكون مفهومة ما يحتاج ترجمة .. هالعرض منتشر جداً عندهم ، ممكن أكثر من 5 عروض في اليوم بأماكن مختلفة و توصل لأكثر من عشرين عرض في سيئول بس ، حتى في جيجو موجود .. و الأسعار حسب المقاعد .. VIP بـ 66000 وون كوري ( 203 ريال ) ، وَ الـ S بـ 55000 وون كوري ( 169 ريال ) ، وَ الـ A بـ 44000 وون كوري ( 135 ريال ) .. حنّا أخذنا الـ VIP و أخذناه بمنطقة ميونق دونق ، و ترى ممنوع التصوير .. 3 - South Korea Demilitarized منطقة كورية منزوعة السلاح من كوريا الجنوبية ، يعلموننا فيها عن الحرب بين الكوريتين ، فيها تلفريك عشان تشوف المنطقة ، و فيها آكتيفيتيز ، مثل الطلق بالسلاح ، و تعليم أنواع السلاح ، و شرح أشياء عسكرية كثير ، سعر التذكرة كان 70000 وون كوريا ( 210 ريال ) . 4 - Gapyeong Bridge Zipline أطول zipline في كوريا ، فيه 8 مسارات و طوله 2418 متر ، يقع في جبل ( كال بونغ ) في مقاطعة ( Gyeonggi ) و يبعد ساعتين عن سيئول ، هو بمكان كأنه غابة ، فيه نهر و سفن و قطار و حركات في نفس منطقة جزيرة نامي و حديقة الصباح الهادئ و القرية الفرنسية ..التذكرة للشخص الواحد 55000 وون كوري ( 166 ريال ) .5 - Dongdaemun Design Plaza رحنا له على أساس مول ، طلع شوي مول و الباقي معرض ! حتى أحس المحلات مفتوحة بالغلط ! كأنه معرض للرسومات أكثر من إنه مول .. فيه حديقة مضيئة ، حلو في الليل بس كان ماله داعي ! و حولها ممشى و حديقة . 6 - Pocheon Art Valley وادي جمييييل ، فيه نهر ، كثير صوروا فيه دراما كورية ، مصدر لأحجار الجرانيت اللي يستخدمونها في بناء القصر الملكي والبيت الأزرق والمباني الوطنية .. عشان نوصل للنادي نركب قطار معلق ظريف ، و كذلك في حديقة ، وَ سعر التذكرة للكبار كان 5000 وون ( 15 ريال ) ، و الشباب 3000 وون كوري ( 3 ريال ) ، و الصغار 1500 وون كوري ( 5 ريال ) .. و كان قريب منه Herb Island ( حديقة بوتشون للأضواء ) بس ما تحمسنا نروح له أبداً .. كلهم يبعدون ساعة و نصف - ساعتين عن سيئول ، و كذلك قريبين من جزيرة نامي . 7 - The Han River منتزه على نهر الهان ، فيه رحلات بحرية مُدتها حول الساعة .. و فيه ممشى و حديقة ، و فيه تأجير دراجات .. الوقت الحلو لزيارته في الويكند و قبل الغروب عشان تلحقون على غروب الشمس .. سعر القارب للشخص تقريباً 8000 وون كوري ( 25 ريال ) . نجــي للشوارع المهمة جداً جداً جداً جداً جداً ، هالشوارع نزورها بشكل يومي رجليّة ، أو أحيناً لا رجعنا من مكان بعيد و ارتحنا في الفندق نرجع نطلع لها .. كلها فيها محلات و مطاعم و مقاهي ، و بعضهم عندهم أسواق بعد ..فعلياً إذا ما شفتوها ما شفتوا سيئول أبداً 1 - منطقة Itaewon فيها مطاعم عربية كثيرة كثيرة كثيرة كثيرة ، و العرب مليانين هناك ، أذكر جربنا مطعم مشاوي مصري بـ 2018 ، هالمنطقة أقل شيء مريناها . 2 - منطقة Insadong هالشارع ثاني أقل شارع نمره ، منطقة مطاعم شعبية ، و مطاعم حلال ، و فود ترك ، و محلات كثيييرة ، السيّاح مليانين فيه . 3 - منطقة Gangnam وَ شارع تشونغ دام ( كثير نكون فيه ، بس صعبة نروح له مشي من الفندق ، بعيد عن منطقة ميونق دونق ، سكنّا بـ 2018 فيه هالمنطقة بس الحياة فيها مُقيّدة نوعاً ما ! ) منطقة راقية جداً ، و غالية جداً ، و المحلات اللي فيها ماركات عالمية ثقيلة جداً جداً .. فيها مقاهي ، و مطاعم تحتاج حجز مسبق .. إذا بغينا نتعشى في أحد المطاعم هناك نبلغ الفندق يتواصل مع المطعم اللي اخترناه و يحجز لنا فيه .. و قريبة لسوق coex mall . 4 - منطقة Hongdae هالمنطقة عاد عز الطلب للي يحبون الـ k-pop وَ الأنمي ، من العصر يجتمعون العالم هناك ، و يأدون رقصات و يغنون و يتنافسون ، و يلبسون نفس المغنيين و الأنمي ! خواتي ساكنين هناك بما إنهم يتابعون الـ k-pop .. و كأي شارع كوري مليئ بالمقاهي و المطاعم و المحلات ، و محلات أنمي كذلك ، فيه محل رسمي لأنمي ون بيس . 5 - منطقة Myeong-dong هالمنطقة تعتبر رقم واحد هي و ganganam ، مختلفتين تماماً عن بعض .. و بالنسبة لنا أهم أهم أهم شارع ، وسيع صدر ، و متفرع ، و يربط المناطق في بعض ، كله محلات و مقاهي و مطاعم و عروض و حياة ، و حرام فعلاً الشخص يسكن في منطقة غيرها ، لازم السكن كم يوم في ganganam و لكن مدة بسيطة ، لأن كل الحياة هناك . مدن مهم جداً زيارتها : 1 - بوسان ( تستحق 3 - 4 أيام ) .. الذهاب لها بالسيارة أو القطار أو الطائرة .. تبعد عن سيئول بالقطار 3 ساعات ، و التذكرة تقريباً تكلفتها 200 ريال . 2 - غانغ-وون ( تستحق من 2 - 3 أيام ) .. الذهاب لها بالسيارة تقريباً 3 ساعات .. 3 - جيجو ( تستحق أسبوع ) عشان الروقان فعلاً .. و التذكرة تقريباً بـ 400 ريال ، و يوجد أقل . مهم جداً : 1 - أول ما ندخل أي فندق قبل أي شيء نآخذ للجميع بطاقة لإسم الفندق مع العنوان و أرقام الهواتف ، لنا كلنا .2 - أي مكان نطلع له ، نمر على الريسبشن في الفندق و نخليهم يكتبون لنا المنطقة أو المكان اللي نبي نروح له باللغة بالكورية .. المرة الوحيدة اللي ما سويناها درنا سيئول كلها ! 3 - التأكد من توفر سيارات آوبر تغطي المنطقة اللي تروحون لها ، لأن بعض التكاسي ما يوقفون للسياح ( أغلب التكاسي كبار سن ، و لسّى يخافون من صعوبة التواصل مع السياح ، ما يبغون يبلشون فيهم ! ) .4 - الأسهل كتابة جميع الممنوعات في الأكل و الشرب باللغة الكورية ، أسهل للتواصل مع أصحاب المطاعم و المقاهي . 5 - خوذوا لكم مؤونة بسيطة لأول كم يوم حتى تحصلون أكل مناسب . وَ حالياً فقط مطلوب لدخول كوريا الجنوبية تصريح السفر الإلكتروني K-ETA .. و لله الحمد و المنّة خلصت سفرتنا بسلام وَ انبساطة وَ وساعة صدر .. ربي يتممها على الجميع  أي سؤال أو استفسار الآن أو مستقبلاً حنّا بالخدمة ..
|
|
| |
|
« كوريا الجنوبية كما رأيتها
|
- »
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ام حسين في باريس 2022 | توبليرون | بوابة فرنسا | 234 | 17-09-2022 01:02 AM |
| إسطنبول Jul 2022 | احمد ال مقبل | بوابة تركيا | 72 | 23-07-2022 04:08 PM |
| عدد من الأسئلة السريعة -USA May 2022 | Fahad2021 | بوابة امريكا | 16 | 12-04-2022 01:05 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO
Search Engine Friendly URLs by vBSEO
