رحلتي السياحية الى الولايات المتحدة الأمريكية يونيو 2023م - الصفحة 7

توبليرون · 26-09-2023, 12:37 AM

ياسلام على الحجز المتقن الحمدلله انك حجزت الجني علشان تستمتعون بكل الالعاب والانشطه بدل النطره

الملاهي الثانيه ليش زعلتو نور حبيبتي الله يحفظها
وحلو انكم راضيتوها تستاهل
الالعاب والمحلات في مدن الملاهي والترفيه مميزه بالديكورات وتنوع البضاعه اللي تخليك تشتري وانت مستمتع
والبرغر عجييب شكله
صح شوقتنا على ايهوب والحمدلله فتح عندنا بفرع جديد بعد ما تسكر رجعوه
بس ريوق ام لانا شغل عدل يعطيها العافيه
مستمتعين جداا معاكم
مستمتعين بجولاتكم

ابو لانامعجبون بهذا.

ابو لانا · 05-10-2023, 09:34 AM

اقتباس : المشاركة الأصلية كتبت بواسطة q8ya metnaqla

جميييل يا بولانا
ديزني سيبرنغ وايد حلو
الاسواق والمحلات اللي عندهم تخلي حتى اللي مايحب السوق يتسوق من طريقة العرض والاشياء الحلوه المعروضه
شكل البرغر 👌🏽👌🏽بالعافيه
لا بولانا هذا يوني كلو غير عن ميني سو ماركة يابانية ممتازة 👌🏽👌🏽
جزء ممتع وجميل

ماشاء الله عليكم تعرفون كل شي, احنا الرجال مساكين شوي واكمل باقي التقرير

اقتباس : المشاركة الأصلية كتبت بواسطة توبليرون

ياسلام على الحجز المتقن الحمدلله انك حجزت الجني علشان تستمتعون بكل الالعاب والانشطه بدل النطره

الملاهي الثانيه ليش زعلتو نور حبيبتي الله يحفظها
وحلو انكم راضيتوها تستاهل
الالعاب والمحلات في مدن الملاهي والترفيه مميزه بالديكورات وتنوع البضاعه اللي تخليك تشتري وانت مستمتع
والبرغر عجييب شكله
صح شوقتنا على ايهوب والحمدلله فتح عندنا بفرع جديد بعد ما تسكر رجعوه
بس ريوق ام لانا شغل عدل يعطيها العافيه
مستمتعين جداا معاكم
مستمتعين بجولاتكم

والله يا ام حسين وش اقولك بس نور مسكينة حرمت تعلب اي لعبة شوي واكمل باقي التقرير

توبليرونمعجبون بهذا.

ابو لانا · 05-10-2023, 10:22 AM

أورلاندو

اليوم السادس

الجدول:

- فطور منزلي
-Disney's Hollywood Studios

اسعد الله جميع أوقاتكم بكل خير والمعذرة على التأخير

اليوم السادس Disney's Hollywood Studios

هذا رابط خريطة ديزني التفاعلية
https://disneyworld.disney.go.com/attractions/#/

مناطق والعاب ومطاعم Disney's Hollywood Studios

Sunset Boulevard:
- Beauty & The Beast Live on Stage عرض مسرحي يستاهل تشوفوه
- The Twilight Zone Tower of Terror برج الرعب من افضل الالعاب ومايصلح للصغار
- Lightning McQueen's Racing Academy عرض شاشات خايس ادخله اذا فاضي
- Rock 'n' Roller Coaster Starring Aerosmith من اقوى وأروع الالعاب ومايصلح للصغار

Animation Courtyard:
- Voyage of the little mermaid عرض مسرحي يستاهل تشوفوه
- Mickey & Minnie's Runaway Railway عربة ثلاثية رهيبة ضروري تجربوها
- Disney Junior Play and Dance! عرض مسرحي للأطفال عادي جداً
- Meet Disney Junior Pals in Animation Courtyard تقابل شخصيات ديزني اذا فاضي
- Star Wars Launch Bay مكان مشي حلو وتقابل شخصيات ديزني
- Meet Pixar Pals at Disney's Hollywood Studios قابل شخصيات ديزني
- Meet Edna Mode at the Edna Mode Experience قابل شخصيات ديزني

Toy Story Land:
- Toy Story Mania! عربة اطفال مسدسات جربوها تستاهل
- Meet the Toys in Toy Story Land قابل شخصيات توي ستوري
- Slinky Dog Dash قطار رهيب ضروري تجربوه سرعته متوسطة يصلح للعائلة
- Alien Swirling Saucers لعبة اطفال خايسه

Star Wars Galaxy Edge:
- Millennium Falcon: Smugglers Run عربة ثلاثية الابعاد ضروري تجربوها تصلح للعائلة
- Star Wars: Rise of the Resistance عربة ثلاثية الابعاد ضروري تجربوها تصلح للعائلة

Grand Avenue:
- Muppet*Vision 3D عربة ثلاثية الابعاد ضروري تجربوها تصلح للعائلة
- Star Tours – The Adventures Continue عربة ثلاثية الابعاد ضروري تجربوها تصلح للعائلة

Commissary Lane:
- Vacation Fun with Mickey & Minnie مشي وعرض مسرحي قصير اذا فاضي روح
- Indiana Jones™ Epic Stunt Spectacular! عرض اكشن ضروري تحضروه

Ecoho Lake:
- For the First Time in Forever: A Frozen Sing-Along Celebration عرض فروزن ضروري تحضروه
- Meet Olaf at Celebrity Spotlight تقابل شخصية اولاف
- Meet Disney Stars at Red Carpet Dreams قابل شخصيات ديزني

Fantasmic العرض اللليلي الأخير

(Restaurants)
Sunset Boulevard:
- Sunset Ranch Market برجر و نقانق ونجتس وايسكريم 12 دولار
- KRNR نقانق و شبس و تشيلي فرايز
- Joffrey's Cafe كوفي شوب

Toy Story Land:
- Woody's Lunch Box سندوتشات توست بالجبن متنوعة و كوكيز13 دولار

Star Wars Galaxy Edge:
- Kat Saka's Kettle فشار ملون ومشروبات غريبة

Grand Avenue:
- PizzeRizzo بيتزا و حلويات

Commissary Lane:
- ABC Commissary برجرات و دجاج وحلويات

Ecoho Lake:
- Epic Eats حلويات من الآخر
- Backlot Express برجرات نجتس و حلويات

اليوم السادس هو آخر يوم في ديزني وكنا مستعدين وحاجزين Genie+ من الليل.

صحينا الصباح وأم لانا جهزت لنا الفطور

بعدها توكلنا على الله الى Disney's Hollywood Studios

شوفو كيف الطريق في اورلاندو يفتح النفس

وصلنا ووقفنا السيارة ودخلنا والجو كان نار حر مو طبيعي وزين جبنا معانا ماء ثلج ونظارات شمسية وكابات

المكان مزحوم

صورة مع الشيخة لانا ونور قبل ماتحرم تلعب

بسم الله بدينا نتوجه للالعاب

اول عرض دخلنا تبع فروزن For the First Time in Forever: A Frozen Sing-Along Celebration عرض مسرحي تفاعلي يرجعك لأيام حلوه يستاهل تجربوه

بعدها رحنا لعبة Rock 'n' Roller Coaster Starring Aerosmith وتعتبر من اقوى الالعاب وحجزت لـ 4 اشخاص لكن للأسف أم لانا ونور قالت ماني مجربتها والبنات قالو نفس الشي فقلت اوك بروح لحالي رحت ودخلت من المسار السريع وسألت الموظفة اني حاجز عدد 4 وهم خايفين فهل اقدر ادخل ناس من برى بدل ماسصفون طابور؟ قالت yes no problem ولقيت اثنين شباب صافين قلت لهم تعالو المسار السريع مجاناً وبالفعل دخلنا وكانت لعبة فوق الخيال شي سريع سرعة مو طبيعية والحمد لله ان ام لانا والبنات ماطلعوها معي قوية قوية وهذي صورة لي من داخل اللعبة والشباب الاثنين شكروني كثير على الفرصة اللي عطيتهم

هذي صورة لي من داخل اللعبة واللي عنده Genie+ يقدر يطلبها وتوصله بالتطبيق, ومثل ماانتو شايفين قوة وسرعة اللعبة زين البنات مالعبو معي

بعدها حجزت 4 مقاعد في لعبة The Twilight Zone Tower of Terror برج الرعب من افضل الالعاب اللي لازم تجربها هنا, دخلنا ونور كانت خايفة وبالفعل اللعبة اشتغلت وعينكم ماتشوف الا النور نور ماتحملت وكانت خايفة وماسكة امها بكل قوتها والحمد لله عدت على خير ونور ماعاد صارت تصدقنا ابداً ابداً

رحنا بعدها عرض الأكشن المسرحي اللي مايتفوت Indiana Jones™ Epic Stunt Spectacular! يستاهل ممتع جداً

بعدها حجزنا لعبة Star Wars: Rise of the Resistance لعبة من الآخر ابداع وتصلح للعائلة مؤثراتها شي من الخيال

جنبها كانت لعبة Millennium Falcon: Smugglers Run رباعية الأبعاد نفس الشي لعبة من الآخر وشي رهيب

اللي بعدها لعبة Star Tours – The Adventures Continue ونفس خواتها شي فاخر من الآخر

بعدها رحنا عرض Muppet*Vision 3D عرض مسرحي تفاعلي ثلاثي الأبعاد حلو ويستاهل بيعجبكم

بعدها العرض النهائي الخطير اذا فيكم حيل للإنتظار لليل وهو عرض اسمه Fantasmic

وهنا خلصنا منتزهات ديزني وودعناها< بعدها طلعنا وتوجهنا الى حبيب الشعب Walmart وتقضينا ورجعنا المنتجع لأن بكره يوم الراحة وهذي فواكه وآيسكريم شريناها وأحلى مكس

وبكذا نكون خلصنا ديزني بالكامل, بكره هو يوم الراحة وبعدها نتوجه الى
Universal Studios

Monaz, توبليرون و q8ya metnaqla معجبون بهذا.

توبليرون · 12-10-2023, 10:41 PM

ماشاءالله حلوو كملتو الالعاب دزني
لعبة هوليود هوتيل ممتعه دخلتها بباريس
الالعاب اللي دخلتوها كلها حلوه واهتمامهم بالترفيه مميز
عليكم بالعافيه شغلات ام لانا تسلم الايادي
وبانتظار القادم

q8ya metnaqla · 17-10-2023, 10:36 AM

عجيبه ديزني هوليوود
والعروض والالعاب
عليكم بالعافيه

توبليرونمعجبون بهذا.

آخر مواضيع q8ya metnaqla

- مركاز العرب المسافرون 11
- إندونيسيا استفسارات
- شبه الجـــزيـــرة الايبيـــريـــة ( اسبـــــانيــــا ) 2023
- هنــــا شبــــه الجــــزيــرة الايبيــــريـــة ( البــــرتغـــــال ) 2023
- ريوقنا في the orangery

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

توبليرون · 05-11-2023, 03:46 PM

وينك يابو لانا تاخرت علينا

ابو لانامعجبون بهذا.

ابو لانا · 27-11-2023, 08:23 AM

.

ابو لانا · 27-11-2023, 08:24 AM

اقتباس : المشاركة الأصلية كتبت بواسطة توبليرون

وينك يابو لانا تاخرت علينا

المعذرة أم حسين انشغلت بالدراسة والشغل, ان شاء الله اتفرغ وأكمل التقرير, دعواتكم...

q8ya metnaqla و توبليرون معجبون بهذا.

ابو لانا · 11-12-2023, 11:26 AM

صبحكم الله بالخير جميعاً وأعتذر عن الإطالة بسبب انشغالي بالدراسة واتمنى منكم تدعون لي بالتوفيق والنجاح.

أورلاندو

اليوم السابع

هذا اليوم هو يوم الراحة يعني يوم مفتوح فقررنا نخليه كالتالي:

- فطور منزلي
- زيارة اشهر سوبر ماركت COSTCO
- تسوق

صحينا الصباح وأم لانا الغالية جهزت لنا الفطور

بعد الفطور توجهنا الى سوبر ماركت COSTCO

الطريق يفتح النفس

وصلنا COSTCO

هي عبارة عن ماركت كبير يبيع لك كل ماتحتاج من اكل ولوازم منزلية وعندهم منتجات حصرية واغلبها اكل ومنتجاتهم جودتها عالية وممتازة لكن الكميات كبيرة ماتقدر تشتري بالقطعة كل شي بالكمية والجملة فحاولنا قد مانقدر نشتري اللي نقدر نستهلكه في الايام القادمة.

فكرة زيارة COSTCO هي فكرة أم لانا,

طبعاً المسافة كانت شوي بعيدة تقريباً 40 دقيقة من الفندق

وجينا ندخل وفي موظف عند البوابة قالنا عندكم عضوية؟ قلت له وش عضوية؟ قال COSTCO ضروري عضوية وماتقدر تدخله بدونها!!! قلت له انا سائح ومسافر قريب ومااحتاجها!! قال مافي مشكلة روح قسم العضويات سجل عضوية وتعال... قلت اوك ورحت لكاونتر العضويات وهذا هو

قلت للموظفة انا سائح ومسافر قريب واحتاج ادخل اليوم بس, قالت ضروري عضوية, وهذي انواع العضويات واسعارها

اخذت ارخص عضوية بـ 60$ دولار ومدتها سنة, طلبت مني معلومات الفندق وطبعت لي ورقة مؤقته فيها المعلومات عشان اعطيها الموظفة وادخل. دفعت وخلصت وقالت لي اي وقت حاب تدخل ضروري تجينا الكاونتر نطبع لك ورقة لأنك مو ساكن هنا فما نقدر نطبع لك كرت.

دخلنا COSTCO وام لانا قالت لي يالله روح من طريق وانا من طريق مااشوفك الا عند الكاشير تدفع

المكان كبير وفيه كل شي خصوصاً الأكل والشرب كل ماتشتهيه موجود تحتار وش تاخذ

بعدها حاسبنا وطلعنا نتمشى لقينا جنبها WallMart دخلنا وشرينا مشروبات وعصاير ورجعنا الفندق نريح عشان نطلع بالعصر, ام لانا قالت ضروري كوفي واخذنا لها والبنات

وصلنا الفندق وريحنا وكلينا حلويات من COSTCO

بعدها البنات كانو جوعانين وام لانا قالت الاكل اليوم بالبيت وكان الغداء شوي متأخر وسوت لنا كبسة الله يحفظها

بعدها دخلت موقع Universal Studios وحجزت التذاكر لمدة يومين, يوم في Universal Studios و يوم في Island of Adventure وحملت التطبيق وسجلت في وظهرت لي التذاكر.

بعدها ونمنا استعداداً لـ Universal Studios....

ابو لانا · 11-12-2023, 12:32 PM

أورلاندو

اليوم الثامن

الجدول:

- منتزه Universal Studios

صحينا الصباح نشيطين وجهزنا الفطور

الطريق كالعادة يفتح النفس

وقفنا السيارة وصورنا الموقف وتوجهنا للبوابة, وانت رايح للبوابة تشوف هذي المناظر

لازم تاخذ صورة هنا

طبعاً المنطقة قبل الدخول اسمها Universal Walk عبارة عن ممشى فيه مطاعم ومقاهي تقدر تتمشى فيه مجاناً بس تدفع قيمة مواقف السيارة, ام لانا من زمان خاطرها تجرب "الديك الرومي" هناك لقينا واحد يبيعها وجربناها وعجبتنا

لعبنا تقريبا معظم لالعاب وكان فيها طوابير تنتظر تقريباً من نص ساعة الى 40 دقيقة, الجو كان حار جداً لايطاق للأسف الشديد وكنا جايبين معانا ماء ثلج ساعدنا كثير, هذي بعض من الالعاب اللي تستاهل تجربونها

صورة من لعبة
MIB

ولا تنسو لعبة Harry Potter ضروري تجربوها

المكان شرح وفيه اشياء كثير وهذي صور متفرقة

ام لانا كالعادة تحسب تخسرني

البنات مبسوطين

بعد مالعبنا تقريباً اغلب الالعاب قررنا نطلع ونروح نتغدى في Wendy's بحسب طلب الشيخه نور

بعدها رجعنا الفندق للراحة وكانت الساعة تقريباً 6 المغرب, تركنا البنات في الفندق ورحنا انا وأم لانا للمدينة القديمة مشي قريبة جداً من الفندق وشرينا شوي هدايا ورجعنا للفندق وبكذا انتهى يومنا الثامن في اورلاندو...

توبليرونمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هل سبق وزرت الولايات المتحدة	non91	فيزا امريكا	2	16-02-2022 09:32 AM
شرح طريقة حجز شقق فندقية بالصور في الولايات المتحدة الأمريكية	العنان	بوابة امريكا	22	01-09-2019 11:16 PM
تنبيه لزائري الولايات المتحدة	Well Done	بوابة امريكا	25	01-09-2018 05:49 PM
رحلتي السريعة الى الولايات المتحدة الامريكية	ek201	بوابة امريكا	11	03-06-2018 11:09 PM
تنبية للمسافرين إلى الولايات المتحدة الأمريكية (سياحة أو دراسة)	ابو ناصر المسافر	بوابة امريكا	28	10-04-2017 11:15 PM