الحمدلله على سلامة يوسف
والشوبنق صراحة جزء اساسي من اي سفرة

حبيت الصور
متابعين

اليوم السابع
الاحد 17 / 8 / 2025






اليوم مافي صور وايد
ليش ؟
لان محدثتكم اقعدت الصبح مريضة
ونفس اعراض يوسف
فيروس قوي حاشنا انا وغنيمه اليوم
اخذت من يوسف حبة مضاد صارفها من الصيدليه
لفيروس المسافرين
اخذتها الحمدلله ريحتنا شوي بس الدوخة والسخونه والترجيع شغال




اتصلوا على الاسعاف ويت المسعفين واحد ومعاه بنتين يحليهم بشوشين ومريحين الوجه

واخذنا جوازاتنا معانا لازم
ودونا ونزلونا
دخلونا لحد الاستقبال ووقفوا معانا لحد ما استكملوا اجراءات الدخول
وراحوا

وقعدونا بالانتظار
وجدامنا وايد ينطروون دورهم
وقعدنا من الساعه 12 الظهر
الى الساعه 4 يالله دخلونا وبرد طلبنا منهم اكياس للترجيع وكنابل نتغطى استبردنا وننام شوي ونقعد


لما دخلنا قابلتنا الدكتوره وسألتنا اسئله وعن الأعراض

وسوو لنا تحليل دم ثلاث تحاليل لكل وحده










وننتظر بره حطوا لنا دريبن خلصوا وقلت له يالله شيلهم قال ننتظر بعد التحليل الأخير
وانتظرنا وحط لنا دريب ثالث
وبعدين رخصونا وشافوا التأمين وقالو مع السلامه
اثناء الانتظار ادش على سنابات ربعنا ونشوف وين راحوو

هذا بمبنى شقتنا تكون من 6 بنايات وهالممر بينهم
وفيه هالمطاعم والكافيهات





وهذا محل حلوو













هذا الكافيه اللي تحت شقتنا وراعيته وحده محترمه









وهذا بالدومو يمرون عليه









احنا طلعنا من المستشفى وندور تكسي مافيه
ونحاول نحجز من التطبيقات ماكو سيرفس واذا حصلنا مافي سيارة
سألنا الاستقبال مال المستشفى عن التكاسي قالو كلموا بالتطبيقات

قالت غنيمه خليج هني بروح اشوف المطعم الوحيد بالشارع
وراحت


والا واحد هومليس اييني من بعيد وخفت منه ورحت حق غنيمه والا يلحقني والا يروح جهة المطعم وغنيمه هناك قلت لها ديري بالج

الحمدلله في ناس بالمطعم وقاعدين بره

المهم بعد ما حصلنا تكسي ما يساعدون الايطاليين

ونرجع عند باب المستشفى ونحاول مع سواح بريطانيين والحمدلله لقط مع غنومه وايي لنا تكسي ونوصل لشقتنا على الساعه 7
خلال هذا
ربعنا قالو شنو تبون تتعشون قلت لهم اذا في الجمعيه عيش سوو لنا بس عيش ابيض وروب في بالثلاجة
عاد اهم شارين ومجهزينه لنا

وخلاص بس نبي ننام واكلنا العيش الابيض والروب ونمنا


وهني بالليل طلعوا يوسف وزوجته حق مباراة ميلان





ونشوفكم باليوم الثامن ان شاءالله

هالفيروس ما خلى احد .. الحمد لله صار بسرعة دشيتوا المستشفى

تعبانه وهالهوملس يايج

جعله آخر المنغصات

اليوم
الثامن
18/ 8 / 2025
الأثنين





حمدلله اليوم صحينا طيبين علاجهم ممتاز
قعدنا تريقنا خفيف توست وجبن
وطلعوا البنات قبلنا

والا نسمع صراخ عيوزه تحت
اثاريها تصارخ على البنات واشوه البنات ما عطوها وجه وطلعوا
المدام مو عاجبها ان احنا نستخدم الاصنصير تقول انتو بالطابق الاول وانتو خربتو الاصنصير







لما نزلنا انا ويوسف والا اهي مع واحد يقول اهو مسئول على البنايه يعني حارس

ونبي نكلمه ونفهمه والا يقعد يصارخ وينابح وما يخلينا نتكلم
عطيناه ظهرنا وطلعنا خليه ينابح كيفه





طلعنا الى الدومو وشفت بنات يبيعون سوفينرات وقعدت انا ويوسف ننقي ونتشرى منهم واخذت من اكواب حق اخواني
واحنا نطلب منهم طاحوا على الارض
منها اهي
وقلت لها غلفي اكوابي بالبلاستيك اخاف يتكسرون واثاريها حاطة المكسورين لي تقريبا نص الكميه حسبي الله عليها وما انتبهت عليهم الا بالكويت
المهم كملنا طريجنا ورحنا حق البنات في كيكو يطبعون اساميهم وهدايا على الحمر
















شفت الطابور ورجعنا دخلنا محل ميلان وشرينا فانيله وكرة حق حمادة








قعدنا يم اللي يرقص

فيديو


https://youtube.com/shorts/UorBcqdMX5Y?feature=shared









خلصوا البنات وبعدين رحنا نتغدى في مطعم
اخذنا تاكسيين
لمنطقة Brera


دخلنا دواعيس مطاعم ومحلات وصلنا مطعمنا


وهذا المطعم وزحمة وطابور







تقريبا ربع ساعه ودخلنا

في قعدات بره وداخل وفوق




مشهورين ان يسوون شغلهم جدام الناس




وهذه مؤسسة المطعم




طلباتنا




اكواب الماء




والتيراميسو اللذيذ






فيديو


https://youtube.com/shorts/gI8s_7Ni1gY?feature=shared



بعد الغدا تمشينا
بالمنطقة وبمحلاتها وتشروا البنات





يطبعون الاسم على المشط





وهذا محل عطور ترند بس ما عجبتنا روايحهم










يتبع

رجعنا وسيدا بريماك
اكمل شغلي



رجعنا الشقه بعد بريمارك ونريح شوي وهني تحت بالممر بين العمارات











من المطاعم الموجوده































ورحنا الدومو



ورحنا الدومو






























واشتهينا البرد ورحنا ناكل انا ويوسف وزوجته
ورحنا المطعم فوق ونطرنا عشر دقايق






على اليمين صعدنا بالاصنصير
وننتظر هني

























وهذا اسم المحل




وطلبي









نتفنن















وطلبات العيال








كل شي لذيذ



واحنا رادين لقينا الالكشاك الي يبيعون كبابيس كاب
قلنا ناخذ حق بوحسين واشرت ليوسف على واحد معلق فوق

توه يوسف عطاني الكاب اشوفه والا واحد ينط ويصارخ لا لا
شسالفه لا تاخذون انتو انا اعطيكم
قلنا له اخذ كبوسك مع السلامه
مافي احترام ابد

بس رجعنا الشقه وقلت لهم خلاص تبون عشا روحوا انا بس بسنع اغراضي
يابو لي معاهم عشا وعقبها نومة للصبح

ونشوفكم باليوم الأخير

وبس صجة ولجة وصراخ .. هههههه شالشعب المنفس