اقتباس:
المشاركة الأصلية كتبت بواسطة khalid
بسم الله الرحمن الرحيم
بخصوص
- بطاقة سالك من وين اخذها قبل دبي او في دبي وهل انا الزقها وكيف وهل لها مكان محدد على القزاز؟ او اللي اشتريها منه يركبها او مااخذها لاني حاط في القارمن تجنب بوابات الدفع (بالعادة استاجر سيارة من المطار وعليها الملصق)

تقدر تشتري بطاقة سالك من اي محطة بترول ،
اول محطة في دبي بتكون ايبكو على اليمين بعد صورة الشيخ زايد (رحمه الله) او اي محطة بترول
تطلب من الكاشير بطاقة سالك و بيطلب منك ملكية السيارة ، و بيعبي لك الاستمارة ، لزقها ع الزجاج الأمامي
اذا انت مالك شغل بشارع الشيخ زايد ،،، لا تركبها (مجرد رأي)و هذا موقع سابك لمزيد من المعلومات
http://www.salik.gov.ae
و بخصوص
-مكاتب الاتصالات اذا بغيت شريحة انترنت في المولات زحمه هل فيه مكان صاد وسريع
اول شي تجنب محلات الموبايل الغير مشهورة ،،، تقدر تشتري من المطار (24ساعة) و تقدر تشتري من محطات البترول او من اكسيوم او فونو و غيرها من المحلات المشهورة
اي استفسار أنا حاضر


** الله يعطيك العافيه وبيض الله وجهك .. دخلت موقع سالك الله يعافيك وحقيقة استفدت من الموقع اللي حطيته بس كني وقفت عند نقطة ( ان البطاقة تتفعل خلال 10 ايام عمل ) هذي مافهمتها وانا جلستي كلها اسبوع
اقتباس:
المشاركة الأصلية كتبت بواسطة بحرينيه
اولا هذا رابط جدول فعاليات دبي ممكن تستفيد منه
http://www.dubaicalendar.ae/ar

ثانيا بخصوص سالك
ممكن تاخذ الملصق بعد من محطات البترول في ابوظبي وتلصقه في وسط الزجاج الامامي تحت المنظره اللي بالنص وانت اللي تلصقه ،، العمليه ما يبي لها شي اهم شي تنتبهه الى القطعه المعدنيه اللي بالملصق عن تنكسر

ثالثا: انصحك تاخذ بطاقه سالك توفر عليك الوقت
مثال: لو كنت في ذا ووك the walk عندك طريقين تروح الى امارات مول
الاول: شارع الشيخ زايد ومركب فيه بوابه سالك ( شارع سريع خارج اوقات الذروه)
الثاني: عن طريق شارع جميرا او الوصل وهالشارعين تكثر فيهم الاشارات والوقفات وبعض الازدحام

مع العلم بان في اكثر من بوابه لسالك في دبي غير عن شارع الشيخ زايد
فركب لك الملصق عشان ما تعور راسك بعدين مع المخالفات ،، توصلك وانت ما تدري خصوصا بعد الربط الالكتروني

اخيرا: في فعاليات يديده يمكن ما جربتوها مثل سكاي دايف
Skydivedubai.ae
وفلاي بوردينغ
وطبعا فتحوا مول يديد في jbr
ولاتنسى تدفع للمواقف لانها بفلوس عن طريق مكائن الدفع ووضع الورقه المطبوعه في مكان واضح في السياره لتفادي المخالفات

رحله سعيده وموفقه

** شكرا لك وعلى التنبيه بخصوص تركيب الملصق وستم الاخذ بالنصيحه وتركيب الملصق..
- موقع الفعاليات استفدت منه وجدا مرتب وقدرت استفيد منه يوم حددت فترة سفرتنا ...بس لو يحطون فيه احداثيات مواقع الفعاليات كان يا سلام
- سكاي دايف كني تورطت مع ام عبدالله ودها تطب
وشكرا على التنبيه بخصوص المول الجديد ..
- بالنسبة للمواقف حاولت في سفرة سابقة استعملها بس كانه لازم اشتراك على الجوال او حاجة زي كذا !! احس العملية حوسه شوي او لا ؟
اقتباس:
المشاركة الأصلية كتبت بواسطة bdr742
بالنسبه لسالك


سافرت مرات عديده بسيارات سعوديه ولاعمرهم سألوني أو تخالفت فيها
وحسب مخالفاتهم لايوجد سيارات غير أماراتيه




أذا حبيت تشتري فالبطاقه ب 100 درهم وتلصقها على القزاز


وأذا ماحبيت ماراح تسأل عنها

http://www.albayan.ae/across-the-uae...1-27-1.1581052

هذه مواقع البوابات


http://www.salik.gov.ae/toll-gates

*** الله يعطيك العافيه وشكرا لك على رابط الخبر .. بس مدري ودي اعكس صورة حلوه
الف شكر لمشاركتك وجميل حضورك