موضوع جميل ..

رهيب الشرطي اللي قال لأني ما كنت موجود ! واثق من نفسه

أصعب موقف مر علي بالسفر في لاتفيا .. بمجرد وصولي تعرضت لطارئ صحي وحاولت اروح الطوارئ وما ساعدوني، لحد ما جت سيارة الاسعاف نقلتني لمستشفى بعيد قضيت فيه ليلتين هم أصعب ما مر بحياتي كلها. يوم ما طلعت من المستشفى طلعت اتمشى المسا وانتشلت محفظتي - أول مرة بكل سفرياتي انسرق، وطبعا قضيت اليوم الي بعده في مخفر الشرطة احاول افهمهم اللي صار عشان بس اثبت السرقة واقدر اطلع أوراقي من بلدي ..

الصعوبة انه لأول ليلة ما حدا كان عارف وين أنا.. حتى الناس اللي مسافرين معي، لأني وصلت غرفتي وبعد خمس دقائق تعبت ونزلت للاستقبال، قالوا لي في مركز طوارئ مقابل الفندق تقريبا ومن هناك اخدتني الاسعاف. ما كنت لسه حاملة تلفون محلي، وبالمستشفى ما فيه انترنت. تاني يوم قدرت اتواصل مع زوجي بالمسجات وهو بالاردن، وهو عمل اتصالاته لحد ما عرفوا الجماعة مكاني عن طريق الاسم ..
المشكلة التانية انه اهل البلد غالبيتهم ما بتحكي انجليزي ولا اي لغة معروفة بالنسبة لي. الطبيبة فقط كانت تحكي انجليزي، وبعدها مكان العمل ارسلوا مسؤولة بتحكي انجليزي.. المخفر طبعا ما في امل يفهموا عليك .. كلهم 2 مليون نسمة بالبلد وعندهم لغة خاصة فيهم

الزيارة كلها كانت منحوسة وما صدّقت ارجع بلدي بالسلامة والله لا يعيدها