عطله عيد الاضحى 2016 (بوكيت-بانكوك) - الصفحة 3

opera_kw · 21-10-2016, 08:06 PM

اليوم الثالث: السبت 10\9\2016

اليوم اخر يوم لنا في هذا المنتجع

نزلنا الصبح مبجر تريقنا على حمام السباحه

وبعد الافطار رحنا البحر

حاطين هذا العلم

بس الناس مو هامهم

داشين البحر يسبحون

الجو جميل ماكان حار ولا رطب

ولا احد قاعد تحت المظلات

كلمن يدور الشمس

في انشطه متعدده عالبحر مثل ركوب الباراشوت والجت سكي

و في اللي يحطون تاتو واللي تسوي الشعر ظفاير الافريقيه

بس احنا بس نزلنا نتمشي

مع انه كان ودي اسوي شعري

والله بوكيت روووعه ومحد يحس بقيمتها اللي الي رايح لها

رجعنا الفندق

القندق له باب مقابل الشاطئ على طول عالباتونق

ولابد من عصير الليمون

مادري شنو العلاقه بين البحر والليموناده بس المهم شي منعش

وكنا متفقين مع شركه التاكسي اللي وصلنا من المطار عالموعد

وفعلا بالموعد وصل لنا الفندق

سوينا اجراءات الجيك اوت

وطلعنا
الى .....

بنيان تري

بنيان تري منتجع مكون من فلل مع مسبح خاص

واحنا بالطريق لاحظنا المنطقه هاديه واغلبها شاليهات وفلل راقيه

المهم

لمن وصلنا وقعدنا باللوبي

يات لنا وحده شكلها (صينيه) وبيدها كاميرا وقالت بصوركم

واحنا يلااا واكي صورنا

صورتنا وراحت

شوفوها بالصوره اللي قبل لابسه فستان ابيض

جان استوعب انها مو من الفندق

انا توقعت خدمه من الفندق بيصورونا

المهم قلت هذي ليش صورتنا

مادري مستغربه اشكال غير اسيويه

ولا يمكن بتحط صورنا وتعلق علينا عربوووو عربووو

المهم ما قلت لها شي البنت شكلها راقيه وكلااس

اكيد عاجبها شكلنا

قدمولنا ضيافه

ولبسونا الفل

و على مايجهزون الفيلا

انا رحت اتمشى بالمنتجع

هذا حمام سباحه للكل

وبحيره ومراكب

والقواري للتاجير

لانه اللوبي بعيد عن الفلل

اللي يحب يتمشى او اللي يحب يأجر قاري

او تتصلون على اللوبي يطرش لكم سياره القولف

المهم قالولنا الغرفه تجهز الساعه 3

وكانت تقريبا الساعه 12

قلنا مانبي نضيع وقت

وطلبنا سياره تودينا الاولت والابسيد داون هاوس و فيستيفال مول

اول شي وصلنا الاوتلت

برايي الشخصي ما يستحق العنوه

مافي شي والاسعار عاديه

اذكر بال 2009 شرينا منه ملابس رياضيه ماركه اديداس وكان اسعاره بسيطه

الحين شفناه نفس السعر العادي

ماشرينا شي

بس تغدينا هناك

فيش اند جيبس

وصورنا وطلعنا

الى upside down house

او البيت المقلوب

قريب من الاوتلت

و البيت هذا عباره عن بيت مقلوب وكل شي داخله المقلوب

اللعب انكم تصورون بعدين تعدلون الصوره فيكون الشكل كانه البيت عدل وانتو اللي متعلقين عالسقف

يتبع

.....[/COLOR]

fahad_q8, q8ya metnaqla, توبليرون و 10 آخرون معجبون بهذا.

فيصل · 21-10-2016, 08:06 PM

إن شاء الله يسمحون لنا ونجربها
أحب أمشي بالسليم

توبليرون و الايمان معجبون بهذا.

fahad_q8 · 21-10-2016, 08:17 PM

تايلند حقتنا هي ولندن .. ع كثر حب الناس لها الا اني ماحبها

بس شكلي تشوقت اروح لها .. لان جد اعشق الطبيعة ونصحوني ببوكيت

بإذن الله لنا زيارة لها بس مخي معلق على اوروبا

يعطيج العافيه اختي وبإنتظار المزيد

فيصل, توبليرون و الايمان معجبون بهذا.

opera_kw · 21-10-2016, 08:25 PM

تابع

اليوم الثالث: السبت 10\9\2016

افضل طريقه للتصوير انكم تستعينون بالموظفين هناك ماراح يقصرون معاكم

يعلمونكم شلون تقفون بالضبط علشان تطلع الصوره مضبوطه

ويصورونكم

المتعه لمن تعدلون الصور

اليهالوااايد استانسووو لمن شافو الصور متعدله

كأنهم متعلقين مثل سبايدر مان

المكان صغير

بس يستاهل الزياره

صوره بعد التعديل

خلصنا من البيت

ورحنا فيستيفال سنتر

المجمع في محلات ومطاعم وسينما

بس احنا مخلين التسوق لي بانكوك

ولانه مانبي نضيع وقتنا نبي نرجع الفندق

ولانه ندري انه اذا دخلنا الفيلا ماراح نطلع

والمكان شبه مقطوع مافي يمه لا سوبر ماركت ولا مطاعم ولا شي

ف شرينا من السوبر ماركت مخبوزات و مشروبات ورجعنا الفندق

رجعنا مع نفس التاكسي اللي ودانا

كان ناطرنا

ووصلنا بنيان تري
ووالفيلا جاهزه

وصلنا حزه اللي بيشغلون الشموع

عاد عندهم مراسم لتشغيل الشموع

لابسين لبسهم التقليدي وموسيقا تقليديه

ونادونا نصور معاهم

مادري ليش

اشكالنا غريبه

فيلتنا

صوره من النت لشكل الغرفه

راااحه واستجمام

كل شي بالمنين بار فري
من ضمن حجز الغرفه

طبعا الاطفال على طول بالمسبح

ولهذا السبب كنت متأكده انه ماراح نطلع من الغرفه

وبدون مبالغه

تمينا لي ال 10 بالليل بالمسبح

عيب المكان الوحيد

كثره وجود البريعصي ... مادري شنو اسمه بالعربي يمكن سحليه

واااايد مترووووس المنتجع منهم

والفيلا من برا وعند المسبح وعلى الطوفه كله

وانا من النوع اللي عااادي استفرغ اذا شفته تلوع جبدي

بسس قاومت وغضيت النظر علشان الاطفال مايخافون

ويستمتعون

بس للامانه من داخل الفيلا نظيف ماشفت شي يمشي

وهذي القعده عند المسبح الخاص

طبعا انا حطيت عالطاوله الاكل اللي شريناه والمشروبات

والرامبوتان هديه من المنتجع

وبعد ماخلصنا سباحه

طقو علينا الباب

هديه بمناسبه ذكرى زواجنا

وبس تمينا لي وقت النوم بالفيلا ماطلعنا كلش

وتصبحون على خير

فيصل, fahad_q8, q8ya metnaqla و 11 آخرون معجبون بهذا.

opera_kw · 21-10-2016, 08:29 PM

اقتباس : المشاركة الأصلية كتبت بواسطة فيصل

إن شاء الله يسمحون لنا ونجربها
أحب أمشي بالسليم

اقتباس : المشاركة الأصلية كتبت بواسطة ميلاني اسطنبولي

تايلند حقتنا هي ولندن .. ع كثر حب الناس لها الا اني ماحبها

بس شكلي تشوقت اروح لها .. لان جد اعشق الطبيعة ونصحوني ببوكيت

بإذن الله لنا زيارة لها بس مخي معلق على اوروبا

يعطيج العافيه اختي وبإنتظار المزيد

ترااا زعلتوني منكم

ترا تايلند اللي تسمعون عنها شي واللي تروحون تشوفونها شي ثاااااااني

اصلا اوربا ولا شي يم تايلند

ما يقايشووون معاها عالسياحه والمنتجعات والترفيه والتسوووق

كل شي فيها حلو

fahad_q8, توبليرون, ليمونه حزينه و 2 آخرون معجبون بهذا.

فيصل · 21-10-2016, 08:52 PM

ليش الزعل
السعوديين ممنوعين رسميا بزيارتها
مره زرتها والجواز بالغصب جددته
تايلند وأسيا بشكل عام معروفه بالجزر والمنتجعات

توبليرون, A.Alsubhi, hearty و 1 آخرون معجبون بهذا.

fahad_q8 · 21-10-2016, 09:20 PM

بإذن الله نزورها ونستمتع فيها

المكان هذا اللي بالمقلوب فيه منه بألمانيا بعد .. عن نفسي انا دخت من صورج مخي انقلب

كنت خلاص بروح لها بس البريعصي غير رايي

بإنتظار اليوم الثاني

توبليرون, فيصل و الايمان معجبون بهذا.

q8ya metnaqla · 21-10-2016, 09:55 PM

عجيييب البيت المقلوب والاحلى لما تعدلوا [emoji23][emoji23][emoji23][emoji23]
ماشاءالله عجيبه الفيلا عليكم بالعافيه
فعلا تايلند ولا شي يم اوربا من ناحية السياحة والمنتجعات الراقية
هههههههه يبيلنا نباطه حق البريعصية [emoji23][emoji23][emoji23]
لازم شرق اسيا معروفه بالزواحف
الله يحفظكم ويتمم عليكم [emoji1374]
تسلم ايدج وناطرينج

Sent from my iPhone using Tapatalk

توبليرون, fahad_q8, فيصل و 2 آخرون معجبون بهذا.

آخر مواضيع q8ya metnaqla

- مركاز العرب المسافرون 11
- إندونيسيا استفسارات
- شبه الجـــزيـــرة الايبيـــريـــة ( اسبـــــانيــــا ) 2023
- هنــــا شبــــه الجــــزيــرة الايبيــــريـــة ( البــــرتغـــــال ) 2023
- ريوقنا في the orangery

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

توبليرون · 22-10-2016, 12:17 AM

اقتباس : المشاركة الأصلية كتبت بواسطة ميلاني اسطنبولي

تايلند حقتنا هي ولندن .. ع كثر حب الناس لها الا اني ماحبها

بس شكلي تشوقت اروح لها .. لان جد اعشق الطبيعة ونصحوني ببوكيت

بإذن الله لنا زيارة لها بس مخي معلق على اوروبا

يعطيج العافيه اختي وبإنتظار المزيد

انت من فريقنا انا والأيمان
ما نحب أسيا نحب بس اوربا والبراد

المشكله هني بآسيا الصور تشوق والخضار حلو بس خوفك من الحر والرطوبه والحشرات ((وحده تخاف من الحشرات ))

هااا كاني كملت وبانت البريعصيه بكل مكان
والزهيويه اللي بالاشجار والزرع واااي معروفه زهيويه عندهم اشكال وارنال

حتى لو اعيش عندهم بأحلى منتجع وكأميره ما راح استانس دام فيه حر ورطوبه
البحر والسباحه عندنا ههههه
وأسواقهم كلها تقليد واذا بشتري الاصلي ومن البوتيكات مالتهم والله اخاف انه من صناعتهم التقليد هههه

احب اقط فلوسي بمكان استمتع فيه واتشرى شي يسوى بدون ما اقط على التقليد وبالشي الفلاني
هذا رأيي بالنسبه لي ولعمري ما تناسبني تايلند والبلاد الأسيويه عموما
ويكفينا ان نشوفكم مستانسين بسفراتكم ونتابعكم بهالبوابات الأسيويه
عليكم بالعافيه ومتابعين للآخر

fahad_q8, فيصل, ليمونه حزينه و 2 آخرون معجبون بهذا.

opera_kw · 22-10-2016, 11:30 AM

اقتباس : المشاركة الأصلية كتبت بواسطة فيصل

ليش الزعل
السعوديين ممنوعين رسميا بزيارتها
مره زرتها والجواز بالغصب جددته
تايلند وأسيا بشكل عام معروفه بالجزر والمنتجعات

زعلت لانه كلمن يدخل ويذم في تايلند انها بلد خرابيط و ماتسوى

المشكله اذا سألتهم رحتو يقولون لا سمعنا !!

واللي سامع ومو شايف ماله حق يذم او يمدح

وبس

اقتباس : المشاركة الأصلية كتبت بواسطة ميلاني اسطنبولي

بإذن الله نزورها ونستمتع فيها

المكان هذا اللي بالمقلوب فيه منه بألمانيا بعد .. عن نفسي انا دخت من صورج مخي انقلب

كنت خلاص بروح لها بس البريعصي غير رايي

بإنتظار اليوم الثاني

ان شالله واذا رحت بتغيير فكرتك عنها

اقتباس : المشاركة الأصلية كتبت بواسطة q8ya metnaqla

عجيييب البيت المقلوب والاحلى لما تعدلوا [emoji23][emoji23][emoji23][emoji23]
ماشاءالله عجيبه الفيلا عليكم بالعافيه
فعلا تايلند ولا شي يم اوربا من ناحية السياحة والمنتجعات الراقية
هههههههه يبيلنا نباطه حق البريعصية [emoji23][emoji23][emoji23]
لازم شرق اسيا معروفه بالزواحف
الله يحفظكم ويتمم عليكم [emoji1374]
تسلم ايدج وناطرينج

Sent from my iPhone using Tapatalk

لا عادي تتاقلمين مع الوضع ماراح يقربون يمج الحشرات

شكرااااا

فيصل, hearty و الايمان معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجربة الإقامة في فندق الميراث أو الميروز-بانكوك-2016	عاشقة مسقط	بوابة تايلند	24	23-08-2016 01:09 PM
مخططي الى الفلبين في اجازه عيد الاضحى ان شاء الله ارائكم ياخبراء اول مره اروح لها	رحـال	بوابة الفلبين	8	18-08-2016 01:58 PM
رحلتي القصيرة للعاصمة بانكوك - مايو 2016	سوسو الصغيرة	بوابة تايلند	22	17-07-2016 10:13 PM
التنقل بين مدن تايلند (من بوكيت إلى تشيانق ماي إلى بانكوك	بوفهد	بوابة تايلند	7	26-03-2015 02:16 PM