اعزائي اعضاء المنتدى الغاليين

اقدم لكم تقرير رحلتي لعيد الاضحى المبارك

بالبدايه ...

انا من عشاق تايلند .. وهذي مو اول مره اروح لها بس هالمره بتكون اول مره اروح فيها مع عيالي


قبل الحجز سألت اكثرر من شخص اللي كانو ماخذين عيالهم معاهم تايلند شلون الوضع و الصعوبه

الكل قالي عااادي جدا وعلى اساس راي الناس اخذت عيالي معاي


الهدف كان سباحه و الهدف الثاني السووووق




تم الحجز على الخطوط القطريه


3 ايام في بوكيت و 5 ايام في بانكوك


الرحله كانت


كويت- قطر -بانكوك- بوكيت- بانكوك -قطر - كويت






اليوم الاول: الاربعاء 7\9\2016

طيارتنا كانت الساعه 11 مساءا

ولانه في عطله بعد يوم

توقعنا المطار زحمه

فاتجهنا للمطار بعد صلاه المغرب مباشرة .. تقريبا عالساعه 7 لكن

الزحمه كانت مسكره الشارع عند المطار

نزلنا وسحبنا جناطنا مشيا لي بوابه المغادرون

الصدمه الثانيه ..

الكاونتر

كاونتر القطريه زحمه و غير جذي بس كاونترين شغالين والمصيبه الاكبر اللي يخلص يسحب جناطه معاه ويوقف دور علشان يدخلهم الشحن

الوضع كان ماساااااه





خلصنا عالساعه 10 تقريبا وركض لي البوابه

دخلنا الطياره


و تاخرنا بالطيران ساعه كامله


طبيعي التأخير لانه المطار كان فوضى و الناس كلها حايسه مع الجوازات والجناط

و اللي نايم واللي يتابع فلم قبل الاقلاع




الحمدلله طارت الطياره





ووصلنا الدوحه



و الترانزيت اقل من ساعه

على طول عالبوابه

وطارت لي بانكوك


ولاختلاف التوقيت .. كلما قربنا كلما شفنا الصبح اوضح








ووصلنا بانكوك


ومن بانكوك لي بوكيت على الطيرات التايلندي


الطيران التايلندي ممتاز جدا وانا كنت مسافره دايركت من الكويت لي بانكوك بسنه 2009

الحين الطيران التايلندي للاسف ما ينزل بمطار الكويت


ووصلنا بوكيت

تقريبا كانت الساعه 4 بتوقيت بوكيت


ومن المطار سالنا المكاتب السياحيه عن فانتاسيا

قلنا بما انه احنا واصلين العصر مانبي اليوم يضيع علينا


لكن قالولنا انه اليوم الخميس ومافي عرض






حجزنا من هذا المكتب سياره من المطار الى الفندق ومن الفندق الى المطار لرحله العوده









و طق علينا مطر قوووي





استانسو الاطفال من زمان مو شايفين مطر


كان الطريق شوي زحمه و ظلمت علينا الدنيا

زين انه ماحجزنا رحله

كلش ماكان في وقت


ووصلنا فندقنا

هوليداي ان ريسورت بشارع الباتونق بيتش





في المره السابقه سكنت بالفندق بس بالغرف اللي عند اللوبي

هالمره حجزنا بالغرف المطله على حوض السباحه

و كان اختار موفق
وااايد احلى الغرفه


مرافق الفندق









غرفتنا









لمن يهمه الامر: الحمام في هوز






ركن القهوه





حطينا اغراضنا و غسلنا وبدلنا وطلعنا على طول

نتمشى بالشارع ونحجز رحله للصبح

ونتعشى


مطعم الفندق




السبا






تعشينا في بيتزا كومباني

للاسف ماصورت الاكل من اليوع


بس العصير المنعش


الرقي









و عقب العشا

سألنا المكاتب السياحيه و مانصحونا نروح رحله بحريه لانه الجو باجر مو قائم والبحر مو راكد

ترا الرحله للجزر كانت الهدف الاساسي من زياره بوكيت

بس الحمدلله


فحجزنا حق فانتاسيا شووو


و كملنا جولتنا بالتمشي بالشارع


وركبنا التوك توك اللي ياخذنا بجوله









وردينا الفندق

والى النووووم





....

بدايه حلوه لمعشوقتنا تايلند صور وسرد كل شي جميل اختي أوبرا منتظرين وشكرا اختي


أرسلت بواسطة iPhone بإستخدام Tapatalk

تسلمين علي التقرير

المطر يمنعك من اغلب الأماكن

منتظرين التكمله

هلا والله بتقرير تايلند

يعطيج العافيه اختي بانتظارج لانه سفرتي شهر 1

تسلمين على التقرير
وتايلاند البلد الأكثر رغبة لكل المسافرين

أنا افضل احسن وقت للسفر لتايلند هو أواخر شهر 11 وشهر 12
الجو مستقر والرطوبه شبه مختفيه

مع كامل تحياتي لكم

تسلمين على التقرير
وتايلاند البلد الأكثر رغبة لكل المسافرين

أنا افضل احسن وقت للسفر لتايلند هو أواخر شهر 11 وشهر 12
الجو مستقر والرطوبه شبه مختفيه

مع كامل تحياتي لكم

اليوم الثاني: الجمعه 9\9\2016












بسبب فارق التوقيت واليوم اللي قبله كنا واصلين وطول الوقت مو نايميين لين صار الليل

بهذا اليوم قعدنا متأخر وايد ..

اخر لحظه قبل انتهاء الافطار


وبعد وجبه الافطار السريعه قررنا ننزل الى حمام السباحه




الجو جميل مشمس و الهوا مو حار وايد




والماي يشوووق







في الفندق موجود حوضين سباحه

هذا واحد مهم اما الثاني شكله اصغر

وهذا الاقرب لنا








وداخل الحوض تقدرون تاخذون لكم مشروب وسناك خفيف

قعدنا بهذي القعده الظريفه




واخذنا لنا مشروب منعش










وسناك عباره عن فول سوداني


وبعد السباحه


قررنا نروح نتمشى في مول جنق سيلون


المول قريب من الفندق مو بعيد وايد


بس اخذنا توك توك يوصلنا للمول


منها نتسوق ومنها نتغدى











تغدينا في برجر كينج

على ذمته يقول انه الدياي حلال عنده بس اللحم مو حلال


وبعدها تحليه

ايس كريم رول










وبعدها مشينا بالوصله اللي بين جنق سيلون والمول اللي يمه




حبيب الاطفال




المول مافي وايد اشياء وكنت حاطه ببالي ابي اتسوووق في بانكوك





من المحلات اللي احبها

بس ما شريت منه لاني بشتري مره وحده من بانكوك






طلعنا من المول نتمشى بين المحلات اللي بالشارع

وشفنا هذا



وقلنا يلا نلعب




ورجعنا الفندق بحدود الساعه 4 لانه حاجزين فنتاسيا والباص بيمرنا الساعه 6




وقهوه لتعديل المزاج





وبالوقت وصل الباص ونزلنا


وطبعا اكيد الباص بيمر اكثر من فندق واكثر من عايله



مرينااهم ووصلنا






و بس وصلنا طق مطر قووووي


وللحظات وخلص بسرعه المطر

وكملنا طريقنا للعرض


فنتاسيا شو .. يقع في كمالا .. وهو عباره عن عرض استعراضي يتكلم عن كمالا والحاكم
ويذكرون القصه اللي صارت بسببها صارو يقدسون الفيل
والعرض مو بس ناس تمثل

بعد في اداء للفيله واستعراض

وبعض الحيوانات مثل النمر والدجاج والماعز






احنا حاجزين التذاكر بدون وجبه عشا

و بسرعه طاف الوقت

مجرد انه ركبا على ظهر الفيل و صار وقت العرض











وهذا حمد تعلم التحيه التايلنديه





وهذا مكان العرض


























وهذا الفيل






والله استمتعو اليهال وايد بالمكان








وصارو ينادون على دخول المسرح


و الطابور طويل لتسليم الكاميرات


لانه ممنوع التصوير




وبعد ماخلص العرض


استلمنا صورنا


مع الفيل والنمر

و انطلقنا الى باتونق بيج



و شرينالنا عشا خفيف


و ختامها





و هذي اخر ليله لنا في هوليداي ان


باجر بننطلق لمنتجع ثاني


انتظروووني

ماشاءالله
تقرير لاوبرا وانا توني اشوفه
المهم اني لحقت على البدايات
الزحمة فظيعه وانتو بعد رايحين مبجر الله يعينكم

http://www.arabtrvl.com/vb/picture.p...ictureid=55226

ما تحسين ان خطورة من هالأسلاك ولا بعد مطر
انحششش

الأشعه لهالاسلاك قويه الله يعين اللي ساكنين عندها


الفندق وايد حلووو والسباحة وناسه بالجو الحار
عليكم بالعافيه السباحة والتسوق

العرض فانتاسيا عبارة عن شنو ؟؟

يعطيج العافيه اختي اوبرا

تنصحين بعرض الفنتازيا للشباب او مو مناسب لهم يعني للاطفال بس ؟