عطله عيد الاضحى 2016 (بوكيت-بانكوك) - الصفحة 4

opera_kw · 22-10-2016, 11:44 AM

اقتباس : المشاركة الأصلية كتبت بواسطة توبليرون

انت من فريقنا انا والأيمان
ما نحب أسيا نحب بس اوربا والبراد

المشكله هني بآسيا الصور تشوق والخضار حلو بس خوفك من الحر والرطوبه والحشرات ((وحده تخاف من الحشرات ))

هااا كاني كملت وبانت البريعصيه بكل مكان
والزهيويه اللي بالاشجار والزرع واااي معروفه زهيويه عندهم اشكال وارنال

حتى لو اعيش عندهم بأحلى منتجع وكأميره ما راح استانس دام فيه حر ورطوبه
البحر والسباحه عندنا ههههه
وأسواقهم كلها تقليد واذا بشتري الاصلي ومن البوتيكات مالتهم والله اخاف انه من صناعتهم التقليد هههه

احب اقط فلوسي بمكان استمتع فيه واتشرى شي يسوى بدون ما اقط على التقليد وبالشي الفلاني
هذا رأيي بالنسبه لي ولعمري ما تناسبني تايلند والبلاد الأسيويه عموما
ويكفينا ان نشوفكم مستانسين بسفراتكم ونتابعكم بهالبوابات الأسيويه
عليكم بالعافيه ومتابعين للآخر

عفوا ام حسين منو قال ان اسواقهم كله تقليد!!!!!

عندهم السوق الصيني بس اللي يبيع بضايع تقليد او سوق الليل

ماشفتي مجمعاتهم اشحلاتها

وانا يمكن 5 مرات رايحه وبهالخمس مرات افووول جناطي و اشحن كراتيين ولا شي فيهم تقليد

بضاعتهم اتيننن اسواقهم من اكبر المجمعات

من بجايم و ملابس عمليه وتكرمين جواتي وجناط للاطفال

غير ملابسنا احنا ستايل وعالموضه وكلها صناعتهم

وعلشانج بس بسوي تقرير مفصل عن مشترياتي من تايلند.. عقبها حكمي عن البضايع..وللعلم ولا شي منها تقليد

تصدقين عاد

هالمره لمن سافرت صورت رحلتي بالتفصيل بالسناب و حتى السوق والبضايع صورتهم

اغلب اللي عندي انصدمو سألوني هذي تايلند؟؟؟ كلهم مو رايحين بس حاطين ببالهم انها للخرابيط واللي يروح تايلند بنظرهم رايح فيها وخربان

بس لمن شافو ماتوقعو انها جذي

عموما كلمن وجهه نظره بس انا قاعده انقل تفاصيل سفرتي لاني بفيد الناس اللي بتروح

مو حاطه التقرير علشان كلمن يدش علي يقولي حر ورطوبه وخيسه وخرابيط

ومو مسموح اللي ماراح انه يعلق اي تعليق دام انه ماشاف

اذا في شي مستشكلين عليه ملتعرفون عنه ممكن تسألون الناس اللي رايحه ويعطونكم الخبر الاكيد

مو تسمعين من ناس رايحين ويايبين بضايع تقليد
ولا وحده ريلها يروح يخربط هناك وتعلقين انه مكان مو زين

عن نفسي انا رحت الشرق والغرب والشمال والجنوب واحب اسافر كل مكان

ماعندي مشكله مع اي انسان
ولا عندي مشكله مع اي شعب ولا عندي مشكله بأي جو ولا بأي اكل ولا باي سكن

اتأقلم بسرعه واستغني عن حياتي اللي عايشتها بالديره واعيش بأجواء البلد نفسه

اختلط مع الناس واقعد معاهم واكل بمطاعهم الشعبيه عاااادي

يبقى السفر للاستفاده ةالاكتساب من الشعوب و التعرف على عاداتهم وهذي تعتبر ثقافه نكتسبها من السفر

و تبقى تايلند البلد االلي كلما حسيت اني محتاجه اسافر بروحي انا بو بدر تبقي اهي الاختيار الاول

واللي يسألني شنو عيب تايلند بقول .... انها بعيده عنا وبس غير جذي مافي

وكل واحد يقدر يخربط مو تايلند سبب رئيسي للخراب

اللي يبي يخربط لو هو قاعد بغرفته يقدر يسوي اللي يبيه من خرابيط

كلن وتربيته

فيصل, q8ya metnaqla, قصة حب و 7 آخرون معجبون بهذا.

fahad_q8 · 22-10-2016, 12:22 PM

بالعكس اختي اوبرا شي حلو انج تغيرين نظرتنا للبلد

من ناحية اجواء او شعب او خصوصية البلد واتقولها للناس اللي مثلي عنها عشان اتشيل هالرسمة اللي فبالك

هاذا اكثر شي تتعلمه بالسفر .. مثال انا احب تركيا

كل الناس تقول الشعب نفسية وغيره ويوم رحت لقيت الوضع غير وان الناس تحكم ع 10 من ملايين

فالتقارير الجميلة اللي مثل تقاريرج وتقارير الاخوان اتثقفنا اكثر عن البلد

واصلي .. وبالإنتظار

قصة حب, الايمان, hearty و 1 آخرون معجبون بهذا.

فيصل · 22-10-2016, 03:10 PM

صدقيني لما تسمح لنا الجوازات السعوديه بالسفر راح تشوفين السعوديين بعشرات الألوف ان ما تخطى مائه ألف ....

قصة حب, hearty, الايمان و 1 آخرون معجبون بهذا.

قصة حب · 23-10-2016, 01:05 AM

اقتباس : المشاركة الأصلية كتبت بواسطة opera_kw

لالا مايصير عشق قديم لازم عشق للابد ولا خلاص صارت ماليزيا الحب الابدي

نطرررري انا ما كملت كنت بكتب لمن اوصل جزء بانكوك شنو سوو فيني

بصراحه بوكيت حدهم

بانكوك يننوني وتمللو من كبر المجمعات والتسوووق

وانا ما اقدر اروح بانكوك ما اترس الجناط واشحن

بس هالسفره رديت بدون ما اشتري شي لانهم بسرعه يملون من السوق

عليك بالعافية
لاااااا هي العشق القديم اقصد بشرق اسيا
وماليزيا انضمت لصندوق العشق
ابدي ابدي لاتحاتين

سفرتنا العام اتهبل اثنين وعشرين يوم في ربوع تايلند
ماخليت شي بخاطري انا وعيالي
استانسنا
انا ولدي كبر الحين بتاسع اسم الله عليه وعنده يقعد
بالفندق ابرك من السوق
للاسف ماعندي وقت اسوي تقرير
صورت للمنتدي يمكن فوق الالفين صوره

متابعينك لاتطولين علينا يمكن اغار منك واتحمس وانزل تقريري[emoji106][emoji324]

Sent from my iPhone using Tapatalk

heartyمعجبون بهذا.

Haksa77 · 23-10-2016, 09:20 AM

جزء مزيان وواعر بالزاف
ع لهجة أهل المغرب
بالنسبة للبريعصي معروف يكثر في آسيا
كنت في أحد رحلاتي لجزر المالديف
بين الشجر يطلع سحليه كبيرة وكانت
المدام معي شف النحشه اركض اركض
هههههههه
متااااابع ويااااج
شكراً لك بحجم السماء
وليس المجرة هههه

فيصل و قصة حب معجبون بهذا.

opera_kw · 23-10-2016, 09:23 AM

اقتباس : المشاركة الأصلية كتبت بواسطة ميلاني اسطنبولي

بالعكس اختي اوبرا شي حلو انج تغيرين نظرتنا للبلد

من ناحية اجواء او شعب او خصوصية البلد واتقولها للناس اللي مثلي عنها عشان اتشيل هالرسمة اللي فبالك

هاذا اكثر شي تتعلمه بالسفر .. مثال انا احب تركيا

كل الناس تقول الشعب نفسية وغيره ويوم رحت لقيت الوضع غير وان الناس تحكم ع 10 من ملايين

فالتقارير الجميلة اللي مثل تقاريرج وتقارير الاخوان اتثقفنا اكثر عن البلد

واصلي .. وبالإنتظار

فعلا صح كلامك .. انا ما اعتمد على راي احد بالدول ولا الاماكن

اروح واجرب واحكم بنفسي

ومثل ماقلت عن تركيا انا سمعت ولمن رحت لها ما شفت ولا شي من اللي قالوه الناس

شكرااا

اقتباس : المشاركة الأصلية كتبت بواسطة فيصل

صدقيني لما تسمح لنا الجوازات السعوديه بالسفر راح تشوفين السعوديين بعشرات الألوف ان ما تخطى مائه ألف ....

اكييد

شكرااا فيصل

فيصل, قصة حب, fahad_q8 و 1 آخرون معجبون بهذا.

opera_kw · 23-10-2016, 09:25 AM

اقتباس : المشاركة الأصلية كتبت بواسطة قصة حب

عليك بالعافية
لاااااا هي العشق القديم اقصد بشرق اسيا
وماليزيا انضمت لصندوق العشق
ابدي ابدي لاتحاتين

سفرتنا العام اتهبل اثنين وعشرين يوم في ربوع تايلند
ماخليت شي بخاطري انا وعيالي
استانسنا
انا ولدي كبر الحين بتاسع اسم الله عليه وعنده يقعد
بالفندق ابرك من السوق
للاسف ماعندي وقت اسوي تقرير
صورت للمنتدي يمكن فوق الالفين صوره

متابعينك لاتطولين علينا يمكن اغار منك واتحمس وانزل تقريري[emoji106][emoji324]

Sent from my iPhone using Tapatalk

تصدقين عاااد كنت ناطره تحطين صور السفره

لانه انا تقاريرج احبها واكثر الاماكن اعتمدها اللي تحطينها

احس نفس ستايلي بالسفر

بس هم بنطر تقريرج علشان السفره اليايه ان شاء الله

قصة حب, ليمونه حزينه و hearty معجبون بهذا.

opera_kw · 23-10-2016, 09:28 AM

اقتباس : المشاركة الأصلية كتبت بواسطة Haksa77

جزء مزيان وواعر بالزاف
ع لهجة أهل المغرب
بالنسبة للبريعصي معروف يكثر في آسيا
كنت في أحد رحلاتي لجزر المالديف
بين الشجر يطلع سحليه كبيرة وكانت
المدام معي شف النحشه اركض اركض
هههههههه
متااااابع ويااااج
شكراً لك بحجم السماء
وليس المجرة هههه

شكرااا والله كلامكم اينن

وانا شنو اللي رادني عن المالديف غير اني ادري انه فيها بريعصيه وايد

بس شكلي بتشجع واروووح

يقولون انهم ودودين ما يزعجون احد

فيصل و Haksa77 معجبون بهذا.

Gunner10 · 23-10-2016, 10:01 AM

يعطيج العافيه اختي اوبرا

ان شاء الله شهر 1 رايح تايلند وراح اسوي تقرير اغير فيه نظره الناس لتايلند

بس ما قلتي وين مكان الفيلا يعني باي شاطئ؟

شكرا

فيصل, قصة حب, ليمونه حزينه و 1 آخرون معجبون بهذا.

Gunner10 · 23-10-2016, 10:03 AM

والله اذا ليمونه تسمعكم تقولون شي عن تايلند يويلكم

فيصل, ليمونه حزينه, hearty و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجربة الإقامة في فندق الميراث أو الميروز-بانكوك-2016	عاشقة مسقط	بوابة تايلند	24	23-08-2016 01:09 PM
مخططي الى الفلبين في اجازه عيد الاضحى ان شاء الله ارائكم ياخبراء اول مره اروح لها	رحـال	بوابة الفلبين	8	18-08-2016 01:58 PM
رحلتي القصيرة للعاصمة بانكوك - مايو 2016	سوسو الصغيرة	بوابة تايلند	22	17-07-2016 10:13 PM
التنقل بين مدن تايلند (من بوكيت إلى تشيانق ماي إلى بانكوك	بوفهد	بوابة تايلند	7	26-03-2015 02:16 PM