عطله عيد الاضحى 2016 (بوكيت-بانكوك) - الصفحة 6

opera_kw · 23-10-2016, 12:07 PM

اقتباس : المشاركة الأصلية كتبت بواسطة Gunner10

يعطيج العافيه اختي اوبرا

ان شاء الله شهر 1 رايح تايلند وراح اسوي تقرير اغير فيه نظره الناس لتايلند

بس ما قلتي وين مكان الفيلا يعني باي شاطئ؟

شكرا

ان شالله بالسلامه ...

ناطرييين

الفيلا في بانغ تاو

قصة حب و آخـــرفـــرصـــة معجبون بهذا.

opera_kw · 23-10-2016, 12:08 PM

اقتباس : المشاركة الأصلية كتبت بواسطة hearty

قصدك اوروبا ولا شي اما م تايلند سياحه ومنتجعات وفنادق فخمه ومدن متطوره عصريه اما اورووبا قديمه ولا فيها ذك التطور العصري مثل اسيا وشكرا

صح خاني التعبير من كثر العصبيه

hearty, قصة حب و آخـــرفـــرصـــة معجبون بهذا.

opera_kw · 23-10-2016, 12:14 PM

اقتباس : المشاركة الأصلية كتبت بواسطة قصة حب

نجاح الرحلة باختيار المسافر نفسه
ينسق رحلته ويونس نفسه باختيار الأماكن اللي تناسبه
وخصوصا اذا معاه عايلة

برااافووو هذا اللي دايما اقوووله ماكو دوله مو حلوه او مكان سيء
احنا اللي نقرر نستانس او نروح نتذمر

hearty, قصة حب و آخـــرفـــرصـــة معجبون بهذا.

opera_kw · 23-10-2016, 12:17 PM

اقتباس : المشاركة الأصلية كتبت بواسطة ليمونه حزينه

هلا والله انا انا انا هنا وتوني انتبه ع التقرير الي اكثر من قيم ورائع بصراحه وشيق
اي رطوبه واي حر عاد تصدق هالسنه ماحسيت بالرطوبه وايد بس سالفة الزواحف هذي صارت عاديه وتأقلمنا واليفه ماتقرب لنا اهي بس تمشي بالطوف بعيد بعيد

أرسلت بواسطة iPhone بإستخدام Tapatalk

بالضبط انا تأقلمت مع الزواحف لاني مابي اخرب وناستي و ووناسه اليهال وغضيت النظر عنهم

اهما بحالهم واحنا بحالنا

ليمونه حزينه, hearty, قصة حب و 1 آخرون معجبون بهذا.

opera_kw · 23-10-2016, 12:19 PM

اقتباس : المشاركة الأصلية كتبت بواسطة ليمونه حزينه

اولا اشكرج اوبرا ع هالتقرير المفصل بيومياته واحداثه
اشكرج ع دقة التصوير والتفاصيل بالسرد
اشكرج عن نقل صورة تايلاند للشعوب الاخرى ولجميع محبين السفر
اشكرج من اعماق قلبي للردود وسعة الصدر
تايلاند بلد الابتسامه بلد لايعرف اليأس والضيق والحزن والعبوس
تايلاند شعب ودود متعاون لطيف مرح حبيب
بالنسبه لبعض الناس الي تقول تايلاند تايلاند يعني دعاره يعني سكر وعربده للأسف هالمفهوم مرتبط باسم تايلاند لانها دوله منفتحه لا قيود عليها لكن من يبحث عن هذا الشيء تراه ببلاده في وبكثره وع مستوى ويمكن ارقى وانظف وارخص
والي يبي الوناسه والفرفشه بعد يلقاها في ديرته وفي الخارج
المحترم اينما مان يحترم يبقى ع اخلاقه ومبدأه
سواء كان رجل ام امرأه
سمعنا وسمعنا بتايا خراب ودمار سمعنا بوكيت رقص وحشيش وسمعنا بانكوك رقص وجنسيات متعدده وووووو
لكن بالحقيقه والواقع كل هالكلام خاطيء
عموما بأختصر كلامي بكلمتين ثلاث
شكرا ومنوره البوابه وياهلا بصديقتي حبيبة تايلاند

أرسلت بواسطة iPhone بإستخدام Tapatalk

شكرا عالاضافه المميزه للتقرير

وكلامج كله عدل

والعفو منكم نستفييد ومن خبراتكم

ليمونه حزينه, hearty, قصة حب و 1 آخرون معجبون بهذا.

ليمونه حزينه · 23-10-2016, 12:23 PM

انتظر باقي التقرير والتسوق

أرسلت بواسطة iPhone بإستخدام Tapatalk

hearty, قصة حب و آخـــرفـــرصـــة معجبون بهذا.

yamoone · 23-10-2016, 12:56 PM

ماشاء الله عليكي اختي في طريقة كتابتك للتقرير جرا ممتعه ومشوقه وتفاصيل دقيقة

متابعة لتقريرك بشوق واهتمام

انا ان شاء الله حجزت لتايلند بشهر 12 لمدة عشر ليالي خمسة بوكيت وخمسة بانكوك
وهاي اول تجربة اللي للسفر لدول شرق اسيا وبصراحه كثير كثير متخوفه من موضوع الزواحف والحشرات لاني عنري فوبيا من كل الحيوانات انا من القطط بضلني اصرخ لما تمر من جنبي الله يستر

وخصوصا معي ابني عمره سنه وشهرين

عم بستنى التكملة بشوووووووووووووووووووووووووووووووووووق

والله يعطيكي الف عافيه يارب

قصة حب, فيصل و آخـــرفـــرصـــة معجبون بهذا.

opera_kw · 23-10-2016, 07:27 PM

اليوم الرابع: الاحد 11\9\2016

صباح الخير

والجو العليل

اهم شي الصبح ماكو زواحف ولا حشرات كلهم نايمين

الاجواء تخليكم تقومون الصبح تمشووون

وايد هدوء

بعض مرافق المنتجع

السبا نفسه موجود عندنا بالكويت في مستشفى رويال حياه

وبعد المشى والانتعاش رحنا نتريق

البوفيه متنوع

واهم شي ماكو احد خذيت راحتي بالتصوير

العصاير المنعشه بانواعها ...نفس حركاتنا برمضان

خلصنا الحمدلله

ورجعنا الفيلا

وكلمن اخذ موقعه بحمام السباحه

وبعد ما خلصنا

سوينا الجيك اوت

والى المطار

مطار بوكيت صغير ومافي اي تعقيد خلال 10 دقايق تخلصون كل الاجراءات ..

ومافي زحمه

وبالموعد طارت الطياره التايلنديه

ما ادري اذا ذكرت لكم هالنقطه من قبل

بس انا وايد افضل الطيران التايلندي على الاسيوي

لانه يضل طيران مو تجاري و ممتاز

انا كنت اطير عالتايلنديه دايركت من الكويت بس للاسف الحين الطياره التايلنديه ماتنزل مطار الكويت

الطياره ممتازه وعلى مستوى عالي

والله جان زين ترجع تنزل بالكويت

ووصلنا بانكوك

فندقنا نوفيتيل سيام سكوير

للمره الرابعه اسكن فيه

بس هالسنه عندهم تصليحات باللوبي كان مسكر و الباب الرئيسي للفندق مسكر

وهذي غرفتنا

الحمام تكرمون فيه شطاف

وبس حطينا جناطنا وعلى طووول عالسوووق

وقبل كل شي صعدنا اخر دور بالمجمع علشان نحجز فلم

حجزنا فلم اطفال

العرض الساعه 11:15 مساءا

وايد زين

نتسوووق على راحتنا

وفلم سالي حجزناه حق يوم ثاني

والغدا كان في بيتزا كومباني

وطلعنا من براقون مول

الى ام بي كي

للاسف ماصورت شي لانه كنت مشغوله بالتسوووق

بس هذا المحل شافوه اليهال وصحصحووو

كلمن يدور فريقه

لين سكر السوق

رجعنا الفندق حطينا اغراضنا

والى السينما

هذا كان الفلم

الفلم جنه فلم رعب بس للاطفال

ماحبيته

اسأل اليهال اقولهم خايفين يقولون لا

البوب كورن

غصنا فيه

وانتهى الفلم عالساعه 1

ومازالت بانكوك تنبض بالحياه

والى الفندق مشي

لانه المول قريب من الفندق

وهذا اللي يخيلي كل سنه احجز فيه لانه قريب من كل المولات اللي ابيها

والتحليه قبل النوم

الجزء هذا مافي انشطه ولا صور وايد لانه كان يوم للسوق فقط

q8ya metnaqla, hearty, Haksa77 و 9 آخرون معجبون بهذا.

opera_kw · 23-10-2016, 07:32 PM

اقتباس : المشاركة الأصلية كتبت بواسطة ليمونه حزينه

انتظر باقي التقرير والتسوق

أرسلت بواسطة iPhone بإستخدام Tapatalk

حاضرين ان شالله

اقتباس : المشاركة الأصلية كتبت بواسطة yamoone

ماشاء الله عليكي اختي في طريقة كتابتك للتقرير جرا ممتعه ومشوقه وتفاصيل دقيقة

متابعة لتقريرك بشوق واهتمام

انا ان شاء الله حجزت لتايلند بشهر 12 لمدة عشر ليالي خمسة بوكيت وخمسة بانكوك
وهاي اول تجربة اللي للسفر لدول شرق اسيا وبصراحه كثير كثير متخوفه من موضوع الزواحف والحشرات لاني عنري فوبيا من كل الحيوانات انا من القطط بضلني اصرخ لما تمر من جنبي الله يستر

وخصوصا معي ابني عمره سنه وشهرين

عم بستنى التكملة بشوووووووووووووووووووووووووووووووووووق

والله يعطيكي الف عافيه يارب

ثانكيوووو

لا تتخوفين من شي بالعكس حطي ببالج انا بروح استمتع واغير جووو

وعيشي اللحظه

ولا تخلين شي يطلعج من اللحظات الجميله

و انجوووووي

ولا تفكرين في الحشرات والزواحف علشان ما يطلعون لج

قصة حب و آخـــرفـــرصـــة معجبون بهذا.

q8ya metnaqla · 23-10-2016, 07:51 PM

أوبرا شنو اسمها هالفاكهه توني هابه فيها وحبيتها
عليكم بالعافيه السوق
ونفس الفندق اللي قعدت فيه [emoji3]
رحلتج ذكرتني في رحلتنا
متابعين ومستمتعين معاج [emoji253]

Sent from my iPhone using Tapatalk

قصة حب, فيصل, آخـــرفـــرصـــة و 1 آخرون معجبون بهذا.

آخر مواضيع q8ya metnaqla

- هُنا إمبــــراطـــوريــ اليــابــان ــــة
- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجربة الإقامة في فندق الميراث أو الميروز-بانكوك-2016	عاشقة مسقط	بوابة تايلند	24	23-08-2016 01:09 PM
مخططي الى الفلبين في اجازه عيد الاضحى ان شاء الله ارائكم ياخبراء اول مره اروح لها	رحـال	بوابة الفلبين	8	18-08-2016 01:58 PM
رحلتي القصيرة للعاصمة بانكوك - مايو 2016	سوسو الصغيرة	بوابة تايلند	22	17-07-2016 10:13 PM
التنقل بين مدن تايلند (من بوكيت إلى تشيانق ماي إلى بانكوك	بوفهد	بوابة تايلند	7	26-03-2015 02:16 PM