بسم الله الرحمن الرحيم

تكملة اليوم الثالث
الاربعاء 10 نوفمبر 2016

اليوم كان يوم خفيف لان بس نبي نزور الاشياء اللي قالوا لنا انها تستحق الزيارة

رحنا حديقة الفواكة ، حديقة الطيور ، والاكواريوم عالم تحت الماء

بداية قعدنا من النوم 8 ونص اخذنا شاور وبعدها عال9 اتصلنا ع سواقة تاكسي خوش وحدة ب5 ساعات ب100 رينجت فرت فينا فر

الساعة 9 وثلث احنا عند حديقة الفواكة وكنا بروحنا احنا وعائلة سعودية وقالولنا تفتح بعد عشر دقايق

خذانا باص مفتوح للمكان اللي نتريق فيه فواكه .. واهني اول مره اشوف رقي اصفر ( بطيخ )


شوفو المكان من برا فاضي وبعدها المكان من داخل









رسوم الدخول اتوقع للشخص 30 رينجت او للشخصين 30 ( اقول اتوقع لان المالية عند صديق السفرة ) مايحضرني كم والحين هو نايم

ونزلونا عند شجرة تصور فيها ع اشكال على جسمك اعجبتني الصور [emoji23]



بعدها توجهنا الى حديقة الطيور

حديقة الطيور مالها داعي .. ماحبيتها مضيعة وقت عالفاضي بس اذا بتروحلها لمجرد الاستكشاف توكل على الله





دخلتها 78 للشخصين واشوف مالها داعي بنظري

الحديقة من داخل كأنها حديقة مدرسة عادية







ما طولنا 10 دقايق وتوجهنا للأكواريوم ( عالم تحت الماء ، اساسا انا بالكويت ما دخلت الاكواريوم بس جربتها بلنكاوي )

ومصور الاسعار فيها

مفرقين بين الماليزي وغير المااليزي بالسعر















سالفة سفينة الجد ان العايلة مشتهرة بهالسفينة فالربع كل ما شافوا سفينة كتبوها لي سفينة جد فهد
فصورتها وكتبت التعليق قبل لا انتظر ردهم [emoji1321]

الاكواريوم ككل عادي جدا ، لكن فيه مكان عجبني بالاخير عن انك تمشي داخل مرايات ( اللي يذكر المرايا بالمدينة الترفيهية بالكويت نفسها بس هاذي ظلام ) واتوقع التذكرة الوحدة ب15 رينجت لشخص ، فيه ثانية تسونامي بس ما اعجبتنا وما دخلناها



مو واضحة الصورة لان ظلمة داخل



وطبعا طلعت فاشل ربع ساعه يمكن وطلعنا

في ممر عجبني خدعة هي الممر واقف بس الليتات اتحرك ، دخلتا دخت والله




عقبها طلعنا وتغدينا ببيتزا هت قريب من الاكواريوم ( اذا قعدت فيه راح تحمد الله وتشكره على مطاعمنا بالكويت )



الاكل مو شي كلش

..

الجو كان مطر رهيب وقوي





وهذي من سناب



اللهم اغفر لنا جميعا احياء واموات

توجهنا لمطار لنكاوي وسألنا عن الحجوزات

وكان ارخص شي اسيا اير

الشخص ب144 رينجت

وحجزنا بإذن الله باجر طيارتنا 10 الصبح والله يعينا ع طياراتهم

الفرق بينهم وبين الفيري بسيط فنشتري راحتنا ابرك


ردينا الفندق ع ال3 العصر تقريبا

ومافي شي ملينا طلعات قلنا ندخل الحوض تحت ونتمشى على البحر













وداعية اخر ليلة تجمعنا يا لنكاوي ،

نلتقيكم غدا من مطار لنكاوي وبينانغ اللي قاعدين فيها 5 ايام 4 ليالي

تصبحون على خير > نايم من 7 المغرب وتوني اقعد 4 الفجر وهم بكمل النومة [emoji99]


أرسلت بواسطة iPhone بإستخدام Tapatalk