يفز قلبي كل ما حل طاريها * الكويت 2016 * - الصفحة 6

q8ya metnaqla · 24-01-2017, 08:40 AM

ام علي الفروسية في اذا كان في مسابقات ووقتكم للاسف ما كان فيه

اووووه هذا محل المواعين اسمه بيت الالمنيوم
وبداومي اذا بنزرق مكان نقول بينا وبين بعض ها بيت الالمنيوم الكلمه السريه بينا [emoji23]
محلهم حلو

مرووووج ياحلوه بس زحمة المطاعم اتملل لو قاده في ترباني لذيذ تابع لمنلنزاني الايطالي

عليكم بالعافيه العشا والقشطه
والله يعطيج العافيه

Sent from my iPhone using Tapatalk

أبو مهاب, هاوية الاسفار, الايمان و 1 آخرون معجبون بهذا.

آخر مواضيع q8ya metnaqla

- مركاز العرب المسافرون 11
- إندونيسيا استفسارات
- شبه الجـــزيـــرة الايبيـــريـــة ( اسبـــــانيــــا ) 2023
- هنــــا شبــــه الجــــزيــرة الايبيــــريـــة ( البــــرتغـــــال ) 2023
- ريوقنا في the orangery

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

ماستر كارد · 24-01-2017, 08:43 AM

جميــل جــدا ... مجهود راقي .. لكم كل الشكــر

توبليرون, الايمان و نانا ابو عابد معجبون بهذا.

توبليرون · 24-01-2017, 02:09 PM

الله يعينكم على التعب
صج تعب بس حلو انج لقيتي محل الجدور
هذا بشويخ صح

وحسافة كل شي مسكر
بس المهم عوضتوها بسوق السالمية
عليكم بالعافية كل ما أكلتوو وشربتواا
متابعين معاج الجولات الجميلة

هاوية الاسفار, الايمان و نانا ابو عابد معجبون بهذا.

هاوية الاسفار · 24-01-2017, 09:04 PM

[QUOTE=q8ya metnaqla;300649]ام علي الفروسية في اذا كان في مسابقات ووقتكم للاسف ما كان فيه

اووووه هذا محل المواعين اسمه بيت الالمنيوم
وبداومي اذا بنزرق مكان نقول بينا وبين بعض ها بيت الالمنيوم الكلمه السريه بينا [emoji23]
محلهم حلو

مرووووج ياحلوه بس زحمة المطاعم اتملل لو قاده في ترباني لذيذ تابع لمنلنزاني الايطالي

عليكم بالعافيه العشا والقشطه
والله يعطيج العافيه

Sent from my iPh

الله يعافيج
عاد هالمواعين عندنا في القريه كل سنه اييبونهم و سعرهم دبلات
مروج ما كنت ابغي ادخله بس زوجي اصر و قلتله يالله دام ما ورانا شيء خلنا نشوف
بس حبيت المكان وايد حلو

الايمان, توبليرون و نانا ابو عابد معجبون بهذا.

هاوية الاسفار · 24-01-2017, 09:08 PM

اقتباس : المشاركة الأصلية كتبت بواسطة ماستر كارد

جميــل جــدا ... مجهود راقي .. لكم كل الشكــر

الشكر لمتابعتكم
و حضوركم الدائم

الايمان, توبليرون و نانا ابو عابد معجبون بهذا.

هاوية الاسفار · 24-01-2017, 09:11 PM

اقتباس : المشاركة الأصلية كتبت بواسطة توبليرون

الله يعينكم على التعب
صج تعب بس حلو انج لقيتي محل الجدور
هذا بشويخ صح

وحسافة كل شي مسكر
بس المهم عوضتوها بسوق السالمية
عليكم بالعافية كل ما أكلتوو وشربتواا
متابعين معاج الجولات الجميلة

لا ما اعتقد بشويخ هو جريب من الري و اسواق ميركاتو
عاد شويخ شفت السوق عقب كم يوم بس ما كان في وقت ننزل
تصدقين هاي اول سنه ما ادور و لا اتشرى من سوق السالميه
الله يعافيج
شكرا عل المتابعه

الايمان, توبليرون و نانا ابو عابد معجبون بهذا.

هاوية الاسفار · 24-01-2017, 10:27 PM

السلام عليكم و رحمة الله و بركاته

اليوم الخامس

الخميس 22 / 12

اول ما نقوم الصبح اشوف الجو

اليوم ريوقنا في المباركيه بسم الله توكلنا على الله

المسجد الكبير

اخترنا مطعمنا المفضل دلق سهيل

طلبنا صحن فول و ماعون خصوصي بيض و طماط

الخضره و الخبز

و طبعا شاي حليب بس اكواب و نسيت اصور
الحمدلله تريقنا و قمنا نتمشى

بس اليوم قلت بكتشف المنطقه اللي حول السوق
و شفت مدرسة المباركيه

السوق وايد كبير و تمشينا لين ما عيزنا

خذنا قرص عقيلي و كيك و يلسنا في الساحه

طلبنا غوري شاي و شفناه يايب ماي حار في الاستكانات

سألناه ليش قال عشان التعقيم و هذا الشاي

و سرنا نستلم الحصران اللي فصلناهم

و طلعنا من المباركيه و توجهنا الى الفندق للراحه و تنزيل الحصران
لانهم ماخذين حيز في السياره

مشروع جديد القريه التراثيه

طائره تحلق في سماء الكويت

هدوء العالم, q8ya metnaqla, الايمان و 4 آخرون معجبون بهذا.

هاوية الاسفار · 24-01-2017, 11:05 PM

صلينا الظهر و العصر و طلعنا باتجاه متحف السيارات القديمه

اول ما وصلنا أذن المغرب و قلنا بنصلي و الرياييل لهم مصلى برع

و الحريم يصلون في مجلس كبير داخل

و الحين نشوف السيارات و كل سياره لها تاريخ و مالك خاص فيها

كل سياره تشوفون صورة مالكها وراها

فيه سيارات لشيوخ الكويت و عمان و مصر و بريطانيا و غيرهم

طلعنا و شفنا بوابه ثانيه و دخلنا نكتشف داخلها

طلع هذا المكان مناسب للأطفال 100%

اول شيء يدخلون قاعه فيها شرح لقوانين السياقه مثل معاهد تعليم الكبار

و بعدها ندخل الساحه المغلقه و فيها مدرب للاولاد و مدربه للبنات

و تبدأ مغامرة السواقه

المكان وايد حلو و استانسوا اليهال فيه

طبعا في قوانين اللي يتجاوزها يحصل الليسن و هذا ولدي نجح في الاختبار

و هذا الثاني بعد نجح

و اغلبية البنات رسبوا لانهم ما اتبعوا التعليمات
هذا الليسن

دخلت اصور الشوارع

المكانين دخولهم مجاني يزاهم الله كل خير و اهم شيء العيال استانسوا

طلعنا و شفنا مثل الحلبه و كشافات قلنا ندخل يمكن هذا المكان اللي ندوره من كم يوم

و الحمدلله هذا المكان المطلوب

هذا كوفي بس مسكر

هدوء العالم, q8ya metnaqla, الايمان و 3 آخرون معجبون بهذا.

هاوية الاسفار · 24-01-2017, 11:35 PM

تجربة الشخص ب 5 دنانير و لازم طول و عمر معين

عندهم اشتراكات اعتقد سنويه و سباقات و منافسات

هذيل هم سيارات السباق

طبعا لازم لبس خاص و هلمت

و بدأ السباق ولدي الثاني اصغر واحد في الفريق

لوحة الاسماء و المراتب

طبعا ولدي كان آخر واحد و الغلط انه يدخلون كبار و صغار مع بعض و طبعا في تهور من البعض

ما اقوللكم انه اللعبه ما فيها خطوره فيها لكن الواحد يتحذر عدل

و هني بعد ما خلصوا و الفرحه غامرتنهم

طبعا اثناء السباق انا فاتحه قوقل ماب ادور مطاعم

قلت بشوف مطعم قريب و اخترت كم مطعم بس كله مكتوب فيهم شيشه

قلنا بنطلع و نشوف على دربنا

وصلنا المارينا و تذكرنا مقهى السالميه و قلنا بنجربه

المكان ما شاء الله عليه زحمه و المواقف كلها فل

على طول اتجهنا للمطاعم يواعه

انا مكاني معروف

خذت واحد زعتر واحد قشطة و عسل

بس ما عيبني الشميمري بصراحه احلى

غوري شاي حليب

زوجي و العيال خذوا عرايس و كباب

و الجو اكيد كان بااااارد

و لابد من اللعب شويه لا مب شويه الا واااايد

انا تعودت على مقهى الشميمري لكن زوجي و العيال حبوا مقهى السالميه أكثر

شافني المسؤول ماسكه الكيمره و اصور و طلعت برع اصور الواجهه الا شوي ياني

يسألني عفوا اختي انتي صحفيه و الا تابعه لجهه معينه قلتله لا سياحه

قال يا حياكم الله نورتوا و المكان مكانكم

طبعا الناس كلها قامت تصور بالتيلفون نادر ما تشوفون حد ماسك الكيمره في

وقتنا الحالي عشان جي اللي يمسك كيمره في ايده الناس كلها اطالعه باستغراب

المهم خلص اليوم على خير و اللي كان مخصص لليهال و الحمدلله استانسوا وايد

و ما خلوا حد ما خبروه من الاهل عن تجربتهم

و نشوفكم على خير في اليوم السادس

دمتم بود

هدوء العالم, q8ya metnaqla, الايمان و 4 آخرون معجبون بهذا.

هدوء العالم · 25-01-2017, 02:45 AM

وعليكم السلام ورحمة الله وبركاته
نورتوا الكويت مشرفتنا ام علي
حياكم الله بديرتكم الثانيه الكويت
وعساكم دوووم تزورونا
استمتعنا بالتفاصيل والصور
تسلم ايدج
بانتظار ابداعاتج

هاوية الاسفار, الايمان, توبليرون و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سحرني حلاها و قلبي هواها و ابتلى ( الكويت 2015 )	هاوية الاسفار	بوابة الكويت	117	27-10-2017 05:13 PM
~.. قلبي اختـآر وتوفق كورآآل الخبر ..~	تقـآسيم الصباح	بوابة السعودية	46	29-09-2015 02:34 AM
ما هقيت قلبى بحبك ملتاع .. و احترق جوفى كثر حنينه ... حكايتى البوسنية 2013م	أبوعبدالله (الاسفار )	بوابة البوسنة	20	15-06-2015 10:57 PM
استفسار يااهل الكويت الكريم وكل من سافر الكويت	جميله	بوابة الكويت	11	31-03-2015 12:54 AM