يفز قلبي كل ما حل طاريها * الكويت 2016 * - الصفحة 15

هاوية الاسفار · 13-02-2017, 05:42 PM

و الضيافه معبوج و خضره و خبز تنور

طلباتنا كباب دياي حقي مقي

شربت بيذان

و البحري حمسة ربيان و قباقب و اعتقد السمكه الكبيره شعم ما ادري شو سامحوني
مالي بهالسوالف

الحلويات و البقلاوة

و الحمدلله خلصنا و الاكل عجب الكل و محد ذمه

خلصنا من المباركيه و كان الوعد مكه مول و زايد مول

و زوج اختي تعب و قال بيرجع الفندق ويا ولده و احنا ما شاء الله ما نتعب

لازم لآخر لحظة نتسوق

خلصنا من السو ق و سرنا ندور سوق العربيد و درنا لين دار راسنا

و اخيرا حصلت وحده يزاها الله خير دلتنا و قالت ورا جمعية الفروانيه

و حصلنا المكان و نزلنا و تشرينا و فصلنا طبعا الدراريع اغلبها نفس اللي

في زايد مول بس هذاك ارخص و هني اغلى تقريبا ب 5 دنانير و اكثر

و عقب السوق رجعنا لعصاير المنعش و سندويشات كوردو

و رجعنا الفندق و ما شاء الله الضباب نازل تحت و البنايات ما تبين

و قعدت ويا اختي و ولدها نرتب الاغراض و نسكر الشنط و لولاهم و الله جان انكسر ظهري

محد راضي يساعدني لا العيال و لا زوجي لانه تعب من الحواطه و كلهم رقدوا

و الحمدلله خلص يومنا الاخير و باجر بنغادر الى الدمام

ان شاء الله استفدتوا من هالجزء و انتظروني في يوم الوداع

دمتم بود

نانا ابو عابد, توبليرون, Eng1Basem و 4 آخرون معجبون بهذا.

نانا ابو عابد · 13-02-2017, 08:57 PM

الحمدلله على سلامة اختك ..

اليوم كان يوم التسوق بامتياز .. تتهني بما اشتريتي ...

جولات تسوقية حلوة .. وجزء حلو .. عليكم بالعافية مطعم الشمم مبين مرتب...

متابعين اليوم الاخير ولو ودنا ما يخلص التقرير ... تسلم الايادي ام علي...

هاوية الاسفار, توبليرون, الايمان و 1 آخرون معجبون بهذا.

هاوية الاسفار · 13-02-2017, 10:14 PM

اقتباس : المشاركة الأصلية كتبت بواسطة نانا ابو عابد

الحمدلله على سلامة اختك ..

اليوم كان يوم التسوق بامتياز .. تتهني بما اشتريتي ...

جولات تسوقية حلوة .. وجزء حلو .. عليكم بالعافية مطعم الشمم مبين مرتب...

متابعين اليوم الاخير ولو ودنا ما يخلص التقرير ... تسلم الايادي ام علي...

الله يسلمج و يعافيج
بالفعل كان يوم التسوق
خليج بالقرب

توبليرون, نانا ابو عابد, الايمان و 1 آخرون معجبون بهذا.

توبليرون · 13-02-2017, 10:28 PM

اهم شي ان اختج وعايلتها استانسوا بالكويت

المباركيه كثر ما نروح ما نشبع منها

الشمم حلو ومرتب وهذا أكبر فرع عندهم وشغله حلوو

العربيد انشهر من الحريم ايام التجهيز لرمضان من كم سنه
بس احس الحين سوقه مو مثل قبل
او لأن انتشرت المحلات اللي تفصل بنفس الوقت
والحمدلله ان لقيتي احد يساعدك في ترتيب الجناط لان الصراحة اتعب شي
وبعد العيال صغار مساكين اشلون بيرتبون الا باشرافج يعني التعب عليج عليج

يام علي تقريرج يونس وما ودنا يخلص
ننطر اخر يوم وان شاءالله يكون جزء طويل
نبي نستمتع عدل

هاوية الاسفار, الايمان و آخـــرفـــرصـــة معجبون بهذا.

نانا ابو عابد · 13-02-2017, 10:51 PM

اقتباس : المشاركة الأصلية كتبت بواسطة توبليرون

المباني يا نانا 3 واحد مسرح الاوبرا
والثانين معارض وقاعات فنيه اعتقد

اما النافوره اللي حضرناها انا معاج وامون كانت في الكوت
وليس سوق شرق

يبيلك رجعه للكويت علشان نسيتي شويه

مكان جميل ورائع... ويبيله يوم لحاله حتى نغطي المكان كله.. ربنا كريم ...

عمار يالكويت ...

انا كنت شاكه وشكرا للتوضيح ام حسين .. شو نعمل زهايمر ههههه

شكرا للرد والاهتمام ياغالية...

الايمان, توبليرون و آخـــرفـــرصـــة معجبون بهذا.

هاوية الاسفار · 14-02-2017, 12:05 AM

اليوم العاشر

الاربعاء 28 / 12

يوم مغادرة دولة الكويت الحبيبة

طبعا اليوم ما قدرت ارقد عدل بعد صلاة الفجر قعدت اجهز الشنط

و احط شنطة صغيره للدمام بنقعد فيها يومين و جهزت الثياب و سكرت كل شيء

و كنت على اتم الاستعداد للمغادره قعدوا اليهال و تلبسنا و انطلقنا للمباركيه

و ريوقنا اليوم كان في دلق سهيل

طبقين خصوصي بيض و طماط مع صحنين حمسة فقع

كاسات شاي حليب

خلصنا و انطلقنا لحلويات الوطن

اشترينا رهش و درابيل و تمشينا شوي و رجعنا الفندق

حطينا الاغراض في السياره و ودعنا اختي و عايلتها و شكرنا السيد

ممدوح على تعاونه ويانا و عطاني رقمه الخاص و قال كلموني مره ثانيه

و بعطيكم سعر ارخص من بوكينج

انطلقنا لحلويات نقوه اللي خلف المارينا و مسكنا الخط

و من حسن حظنا انه لخبطنا في الطريق السريع و سرنا الطريق القديم

و طبعا الشارع وايد احسن و ما فيه حصى يكسر الجامات

الحمدلله استمتعنا بكل يوم و بكل لحظة في الكويت و كانت فيه منغصات لكن

الشكر لله انه تجاوزناها لانه الهدف من السفر الاستمتاع و تغيير النفسيه و الروتين

اليومي و اكتشفنا اماكن جديده و حصريه و ما زال هناك بعض الاماكن قيد الانشاء

و الدوله مستمره في التقدم و الازدهار

و تعرفت على عضوة جديده الايمان و النعم فيها و في كل العضوات و ما قصروا

بمساعدتي و تعريفي على اغلب الاماكن فكل الشكر و التقدير لهم

وصلنا الدمام المغرب و الشوارع مزدحمه

قعدنا يومين و ما صورت شيء طبعا سرت محل القناص و محل يديد اسمه عالم التوفير

حلو و عندهم بعد مواعين رخيصه بس خلاص ما عندي مكان

يوم الجمعه صلينا الظهر و انطلقنا لانه اختي بعد طالعين من الكويت الساعه 8 الصبح

و قلنا بنتلاقى في الدرب

قبل يومين لمحت كنفاني و انا في الكويت كان خاطري اجرب كنافتهم

بس ما حالفني الحظ و قلت بجرب اللي في الدمام يمكن يكون حلو

طلبنا كنافه بالقشطة

و كانت لذيذه فعلا

و مسكنا الخط و الجو كان مغبر و هوا شديد

بدت الشمس تغرب

قربنا من الحدود و قبلها مرينا اسواق راضي المنهالي و تشرينا شوي و عقبها

التقينا ويا عايلة اختي عند محطة سحاب

و يلسنا تغدينا و تعشينا مره وحده و صلينا المغرب و العشا

و اكملنا المسير و دخلنا البلاد و الامور كلها سهالات الحمدلله عدينا التفتيش

و كلهم طوفونا

بعد ما دخلنا البلاد بساعه شفنا الدنيا كلها ضباب

عدينا شوي و خف الضباب لكن بعد نص ساعه زاد مره ثانيه

و من عقبها ما قمنا نشوف الدرب يدوب نمشي شوي شوي

و دخلنا بوظبي و الضباب ذبحنا كنت قاعده على اعصابي طول الدرب

و اقتربنا من دبي و الحمدلله خف وايد بس بعده موجود و بسبب المباني الرؤيه

كانت اوضح شوي

الحمدلله وصلنا بيوتنا بالسلامه لكن الوقت كان متأخر تقريبا 12 و نص بتوقيتنا

و خلصنا التقرير و ان شاء اكون افدتكم و تكونون استمتعتوا بالاجزاء و السرد المفصل

للرحله و ان شاء الله تكون لنا زياره قريبه للكويت

دمتم بحفظ الرحمن و رعايته

q8ya metnaqla, الايمان, آخـــرفـــرصـــة و 3 آخرون معجبون بهذا.

هاوية الاسفار · 14-02-2017, 12:16 AM

اقتباس : المشاركة الأصلية كتبت بواسطة توبليرون

اهم شي ان اختج وعايلتها استانسوا بالكويت

المباركيه كثر ما نروح ما نشبع منها

الشمم حلو ومرتب وهذا أكبر فرع عندهم وشغله حلوو

العربيد انشهر من الحريم ايام التجهيز لرمضان من كم سنه
بس احس الحين سوقه مو مثل قبل
او لأن انتشرت المحلات اللي تفصل بنفس الوقت
والحمدلله ان لقيتي احد يساعدك في ترتيب الجناط لان الصراحة اتعب شي
وبعد العيال صغار مساكين اشلون بيرتبون الا باشرافج يعني التعب عليج عليج

يام علي تقريرج يونس وما ودنا يخلص
ننطر اخر يوم وان شاءالله يكون جزء طويل
نبي نستمتع عدل

الحمدلله استانسوا و الحين يتشاورون عشان يزورونكم الاجازه اليايه
الشمم اشوفه في التقارير و اشوف المطعم بس و لا مره حبيت اني اجربه
لكن الحمدلله كانت تجربه لذيذه
اكيد بيفصلون بنفس الوقت لانه زباينهم من دول الخليج ايون زيارة يومين ثلاث
و يبغون كل شيء يكون جاهز
صدقج و الله كله تعب في تعب و يوم اوصل البيت بعد التعب يكون اكثر
ارجع اطلع و ارتب مره ثانيه
تسلمين لكن آخر يوم هو اقصر يوم بانتظار التعقيب

الايمان, آخـــرفـــرصـــة, توبليرون و 1 آخرون معجبون بهذا.

ماستر كارد · 14-02-2017, 08:00 AM

تقريــر مشــوق .. كل الشكــر

الايمان, هاوية الاسفار, آخـــرفـــرصـــة و 2 آخرون معجبون بهذا.

q8ya metnaqla · 14-02-2017, 08:22 AM

اليوم التاسع واايد حلووو
رحتوا العقيله والفروانيه وشويخ [emoji1362][emoji1362]ماشاءالله
عليكم بالعافيه اول مره اعرف عن مطعم الدكتور لازم نذوقه ان شاءالله عقب ما مدحتيه وجنان العصفور [emoji1360]
مركز الشيخ جابر الثقافي
http://www.jacc-kw.com/ar/venues/ هذي المعلومات عنه [emoji1362][emoji1362]

الشمم ودلق سهيل [emoji1360] جولاتكم حلوه
صج ما ودنا يخلص التقرير من أحلى التقارير ام علي تسلم ايدج بدعتي بكل شي من تصوير من سرد من ترتيب كل شي حلووو منج [emoji253][emoji253][emoji173]
تقرير حلو على راعيتيه [emoji173]

Sent from my iPhone using Tapatalk

الايمان, هاوية الاسفار, آخـــرفـــرصـــة و 2 آخرون معجبون بهذا.

آخر مواضيع q8ya metnaqla

- هُنا إمبــــراطـــوريــ اليــابــان ــــة
- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

q8ya metnaqla · 14-02-2017, 09:06 AM

اوفر جار كله زحمه اللي في المركز ماشاءالله
اللي بالسالميه اشوي اخف

الايمان, آخـــرفـــرصـــة, توبليرون و 1 آخرون معجبون بهذا.

آخر مواضيع q8ya metnaqla

- هُنا إمبــــراطـــوريــ اليــابــان ــــة
- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سحرني حلاها و قلبي هواها و ابتلى ( الكويت 2015 )	هاوية الاسفار	بوابة الكويت	117	27-10-2017 05:13 PM
~.. قلبي اختـآر وتوفق كورآآل الخبر ..~	تقـآسيم الصباح	بوابة السعودية	46	29-09-2015 02:34 AM
ما هقيت قلبى بحبك ملتاع .. و احترق جوفى كثر حنينه ... حكايتى البوسنية 2013م	أبوعبدالله (الاسفار )	بوابة البوسنة	20	15-06-2015 10:57 PM
استفسار يااهل الكويت الكريم وكل من سافر الكويت	جميله	بوابة الكويت	11	31-03-2015 12:54 AM