اليوم التاسع 15/11

بداية اليوم ان ما ادري ليش اللي معاي زعلان علي

تخيلوا مقعدني من الظهر نروح الحي الصيني تشاينا تاون

ي ابن الحلال انطر شوي الشمس مو طبيعية

لا ماعليك الجو حلو

الوكاد رحنا عن طريق القطار

استعلامات الفندق ماقصروا وعلمونا عليه





سهل وحلو وتقريبا 2 رينجت للشخص

رحنا فيه ووصلنا للحي





شرينا جم شغلة من هناك وبصراحة كانو تو مبطلين يبي يبيعون بأي سعر ..

وبعدها ردينا الفندق عن طريق المترو بعد / الحي الصيني بينا وبينهم محطة مثل ماهو مبين بالصورة اللي فوق

ردينا الفندق ريحنا شوي لان صح الشمس كانت فوق راسنا وما اتغشمر

بعدها كان الجو مغيم ونزلنا شارع العرب





وتمشينا بالشارع والمطر نزل علينا وكان مطر قوووي



عجبني لون السيارة [emoji125]



رحنا التايم سكوير افترينا فيه وشرينا ملابس اطفال / العروض فيه ولا اروع وفيه قسم اوت لت بالدور الثاني معروضين برا

لمينا جم شغلة معانا

بعدها حاولت قد ما اقدر اروح اطالع مباراة السعودية واليابان

ولقيت مطعم ومقهى اسمه مروش

فيه المباراة منقولة

واستمتعت بالمباراة بس للأسف اخسروا السعودية

اليابانيين يترقصون جدامنا [emoji19]





هاردلك لاهلنا بالسعودية وتعوضونها بالجايات وحسافة على منتخبنا متوقف رغم التأهل > بقلبها رياضة الحين

وخلصنا ردينا الفندق كانت الساعة 8 ونص تقريبا بالليل

سؤال : يصير انزل فيديو من التابتوك ؟

* البوم تغدينا بمطعم عربي نسيت اسمه بس كان المطعم فيه سوريين يشتغلون .. صحيح الاكل طيب بس غالي جدا مقارنة بتشيليز وغيره
ولو احول السعر للكويتي بيكون اغلى علي بعد بدرجة كبيرة كان الحساب 145 رينجت
فحيل مبالغ فيه .. ابعدوا عن المطاعم العربية بالسفرات حتى لو اشتقتوا مثلنا للأكل هذا

والسموحة على القصور /

ماشاءالله عليك الغالي

ما يجي منك قصور

فيه مواضيع كثيره في المنتدى تتكلم عن الابتعاد من المطاعم العربيه

كل شي يتدخل فيه عنصر عربي راح يكون دبل السعر الحقيقي

ماشاءالله عليك متعتنا بكل شي

حسيت الشارع الصيني يونس وحلوو
احسن شي رحتوا واهما توهم فاتحين
وهاردلك للمنتخب السعودي
ولنا نقول الله كريم [emoji174]بس لا نقلبها رياضه[emoji23]
اي فهد مثل ما تنزل الصور اختار الفيديو ونزله
بالعافيه الغدا فعلا المطاعم العربية غالية بس الاكل لذيذ يكون والله - يعني ممكن الواحد بالسفره يأكل مره وحده من مطعم عربي
ما من قصور قواك الله


Sent from my iPhone using Tapatalk

ماشاء الله تبارك الله جزء رائع في بلاد النمور الاسيويه

اذا باقي معاك وقت في كوالا زور جنتغ هايلاند واستمتع بالاجواء البارده التي توصل الى 14 درجة وفي طريقك زور القرية الفرنسية واليابانيه
ومر على محل the bakery في جنتغ عندهم شيز كيك شي خُراااااااافي مره , البركه في مشرفتنا القديره قصة حب علمتنا عليه

مع تخبط جميع المنتخبات في المجموعه و عدم ثبات المستوى ..


نقول إن شاء الله يتأهل المنتخب السعودي و الإماراتي من المجموعه


لا شيء مستحيل






وين ها المطعم العربي .. انت بس دلنا على مكانه و راح نجيبلك الاسم ههههه


ما ادري ليش حاس بيكون الباشا او القمر


دايماً في سفراتي الى ماليزيا الميزانيه 100 رينقيت للشخص في اليوم للأكل


المطعم العربي الوحيد اللي اكرر زياراتي له قصر حضرموت




خذلك لفه عالبرجين و حديقتها ..

آخر مواضيع بو عبدالله

- ❖~ |[ منــتـجع ذا تاراس The Taaras - جزيرة ريدانج ]|~❖ - فنــدق ولـو Wolo Bukit Bintang ـ‗_¨°‗۩ - فنــدق سانت ريجـيـس .. St Regis KL ـ‗_¨°‗۩ - ✗ فنـدق جرانـد Ⓗ Ⓨ Ⓐ Ⓣ Ⓣ حيــاة ✗ - ↩ فندق الدانا ♛ - لؤلؤة مضيق ملقه ↪

توقيع : بو عبدالله

*** ** * * ** ***

اليوم العاشر 16/11/2016

تاريخ ذهبي

المهم يوم عن يوم الكسل يزيد ونقعد متأخر اكثر

اليوم قعدنا الساعة 1 الظهر

اخذنا شور وصلينا وقلنا خل نتغدا

اللي معاي قال خنجرب كنتاكي عندهم / بالكويت كنتاكي الناس تتشكى منه شلون برا ؟ يالله جرب انت حارق ام ام الدايت ماعليه

ليتنا ما جربنا .. نظافة مافي ومطعم مسكرب من داخل ولا اهتمام بالأكل وكل شي تطلبه بفلوس حتى الخبز

عموما مالي حظوظ انا لا مطاعم ولا تكاسي [emoji1321]

رحنا المترو نبي نروح للوجهة القادمة
والجو غيم



ومبينة سكة المترو بالصورة .. فوق

وصلنا المترو وكانت النية والوجهة الى بوكيت ناناس

المدينة اللي فيها برجين التوأم





وصلنا للبرجين .. وكان الجو مطر قووووي

بس ما منع ان في عالم كثير قاعدة تصور







دخلنا داخل واستفسرنا عن الصعود قالوا بعد 3 ساعات يعني على ال6

قلنا خير ان شالله

فيديو يوضح كيفية بناء البرج من ال95





وهذا البرج من داخل



فيه مجمع داخله اسمه سوريا

ماتوقعت ان مافيه امن مشدد وما توقعت اي احد يدخله



ماشالله ناس لابسة لبس خليجي / بديرة رطوبة تلبس جذي .. صج ماشالله شلون متحملين




رحنا نجرب مطعم ايس كريم / بعد كنتاكي اللي ذبحنا

مادري ليش كل ما اكل شي من مطاعمهم اقول ( الله يعزج ي مطاعم الكويت )

شفنا عليه زحمة كببرة قلنا خنجرب .. وليتنا ما جربنا



حتى اسمه صعب لاو لاو اتوقع



لا يغركم الشكل ما كملنا ربعه والله ..

المظاهر تنغش فيها >

طلعنا برا صوب الحديقة

وكان فيه زحمة بعد










وهذا المجمع سوريا



قعدنا تقريبا لل5 ونص وردينا

لان الزحمة زادت بعد ما توقف المطر

وشوفوا صيد الكاميرا

بيت التمويل ورانا ورانا / مكانه مقابل البرجين




ردينا بالقطار لفندقنا ريحنا شوي وعلى ال7 ونص جذي رحنا لشارع العرب نتمشى وقعدنا بقهوة مروش شوي



وتمشينا لمحل لبخور ودهن عود اسمه بيت الطيب / اللي يشتغل فيه يمني .. للأمانه شغله اكثر من روعه مو دعايه والله ماعرفه بس عرف ان من الكويت ضبطنا بسعر حلوو بس هم كاسرناه بعد





اخذنا بخورنا ولازم نمر جيرانا التايم سكوير

مادري ليش محتفلين بالكرسمس مبجر ؟ ( الكرسمس يعني ولادة السيد المسيح عندهم للمسيح اللي هناك فيحتفلون فيه تاريخ 24 او 25 / 12 )

ولازم اتذكر شغلات انا مو ع البال



تعرفون فلم home alone

انا كل ماشوف هالزرع والكور اللي عليه

اتذكر الفلم [emoji1321] طبيعي الوضع !؟

المهم ردينا للفندق خلاص باجر اخر يوم

الخميس وبعدها الجمعة طيارتنا بإذن الله

* بالأمس حذرتكم من مطعم عربي غالي

واليوم رحت مريت من عنده وصورته .. اسمه الباشا ( غالي وغلاته مالها داعي )



ويعطيكم العافية ع المتابعة

والسموحة على القصور [emoji257]


أرسلت بواسطة iPhone بإستخدام Tapatalk