الحمدلله على السلامة فهد
نورت الكويت
رحلة حلوه الى ماليزيا
زرتها مرة وحده وماحبيتها انا من عشاق القارة العجوز أحب البراد والجو الحلو

لكن لكل مكان عشاقه

الحمدلله على السلامة ماشاء الله يومياتك مشوقة عاد انا اموت باللهجة الكويتية تينن
انا ماصارت لي فرصة اطل قبل واشوف التقرير بس حبيت اقولك انو الدبابات في مزارع الارز رهيبة وكنا في البداية متخوفين نفسكم بس قالو لزوجي جرب وشوف واعطوه فرصة يجرب الدباب قدام المحل ووايد عجبه وركبنا وانبسطنا
بالنسبة لي تجربة الدبابات والمانقروف افضل رحلات في لنكاوي
يلا المرة الجاية تروح انت والمدام ويكون احلى شهر عسل

اليوم الحادي عشر 17/11
اليوم الثاني عشر 18 /11 يوم المطار والرجوع للديرة

كان اليوم اللي يسبق يوم العودة

يوم خفيف كنا بس نبي نتطمن على رجعتنا للمطار والاغراض والوزن وما شابه

قعدنا متأخر تقريبا على ال2 واكلنا اكل خفيف

ونزلنا نتمشى للتايم سكوير ، صورت لكم كم محل اسعارهم جدا حلوة ورخيصة للي اطلبوا مني















عاد هذا الاوت لت بالمجمع ، ليتني انتبهت له من البداية ( توفير )




هذا اقوى محل .. مثل HM اللي بالكويت والخليج

ملابس وعروض بالهبل



وردينا الفندق وقعدنا باللوبي الجو كان قمة

تشبعت جولات وتمشي خلاص



وتمشينا بشارع العرب بعد .. لازم هالشي



واتجهنا للفندق اخذنا شور وتزهبنا ليوم السفر باجر

18/11 .. يوم الجمعة

قعدنا على الساعة 11 عشان الشيك اوت

خلصنا وكل شي رحنا للمطار والمطار يبعد ساعه تقريبا عن الفندق

وعلى بالنا الطياره 5 وعشر .. طلعت 7 وعشر بالليل

ماعليه تجي متقدم ولا انك تجي متأخر للظروف لا سمح الله





كاونترات الاماراتية كانت مو مفتوحة ، لان الوقت كان تقريبا 2 والطيارة 7 فلازم تنتظر ساعتين بعد وانتظرنا عادي

لين ما حطينا الجناط وتوجهنا للبوابة

مطارهم قمة بالاحترام والتعامل ، بس بطأ بالاجراءات كان

توجهنا للقاعة





وركبنا الطيارة متوجهين الى دبي



وكانوا اصدقاء الرحلة هالمرة طارق العلي وشاروخان الحب





ووصلنا دبي



الساعة 10 كان الوصول ودخلنا الطيارة الساعة 1 بالليل

طبعا 7 طرنا بتوقيت ماليزيا
يعني بالكويت كانت الساعة 2 الظهر






واضح من تصويري للساعة 1 ، ان التعب باين علي

ووصلنا كويتنا




للامانة انا كل ال7 ساعات بالرحلات الذهاب والاياب ما نمت ، اخر ربع ساعه قبل الكويت مادري شفيني نمت


المطار كان زحمة جداً من القادمون ، والله سهل علينا العودة للوطن بحمد الله واعذروني ما صورت اي شي من مطار الكويت لاني فعلا ما كنت اشوف قدامي

الرحلة ككل كانت حلوة وممتعة للأمانة تغيير جو

رغم اني عاشق للبراد لكن ايضا الدول الدول الحارة حلوة وتساعدك ع الطلعة بعد

رحلتي لماليزيا مثل ما اتعرفون كانت فجأة يعني من تركيا لماليزيا وانا ما اعرف عنها اي شي

ما قرأت تقريرات كافية وكان غلط مني بس حلو الاستكشاف من نفسك

ماليزيا حلوة وامان وتنفع لعوايل وشباب ومتزوجين جدد اكثر واكثر

اكتشفت خلال رحلتي هاذي ان المطاعم مالي حظ فييها هم والتكاسي وهذا يرجع لاني ما كثفت بقراءه التقارير قبل السفر

كل الفنادق اللي سكنتها كانت احلى من الثانية

وتوفقت فيها ولله الحمد

لنكاوي حلوة وهادية مافيها صخب ابدا ولا زحمة اعطيها 9 من 10

بينانغ 8 من 10 لان فيها صخب المدينة شوي بس ممتعة وماتمل

كوالالمبور 8 من 10 ، الزحمة والحر والاشغال اللي بشارع العرب كانوا مملين جدا

طيران الاماراتية رائع واعطيه 9 من 10

سامحوني على اي شي بالتقرير او خطأ بدر مني

ماني شاطر بالتقارير ولا محترف لكن صغت كل شي بأسلوبي وبتصوير هواة

دخولي بالمنتدى افادني اكثر مما افدت

شرف كبير لي اني اكون معاكم وتشرفت فيكم فرد فرد والله العظيم

وان شاء الله تقريري يكون مفيد ولو جزء بسيط للمنتدى ،

ويعطيكم العافية لكل من تابعني وشاركني برأي او نصيحة [emoji257]او حتى نقد بناء

اخوكم : فهد

سنابات من الرحلة

1- بلعبة المرايا ، دعمت المرايات [emoji1321]

https://vimeo.com/192442803



2- اجواء بينانغ

https://vimeo.com/192443045


3- طوفوا الصوت كنتي ابي احر الشباب والاهل بالمطر [emoji1321]

https://vimeo.com/192443180

4- مطر بينانغ ايضا برحلتنا لمجمع قورني

https://vimeo.com/192443371

5- مطر كوالالمبور شارع العرب

https://vimeo.com/192443473

6- هضبة بينانغ

https://vimeo.com/192443643

7- اجواء لنكاوي

https://vimeo.com/192443902

8- العودة

https://vimeo.com/192444049


وشكرا


أرسلت بواسطة iPhone بإستخدام Tapatalk

ابدعت يا فهد
شكرا على التقرير المميز

Sent from my SM-G925F using Tapatalk