ابــريــل 2019 ميامي - اورلاندو - لاس فيغاس - سان دييغو - بورتلاند - سيياتل

ali pontiac · 06-01-2020, 09:32 PM

يوم المغادرة
اورلاندو - ميامي

صحينا و نزلنا حق الجيك اوت، الفندق الجيك ان و الجيك اوت جدا سلس و لا تعطيل و لا شي
ومن ضمن الحجز كان فيه فطور بسيط، المدام قالت نتريق في الفندق و ننطلق، عن نفسي احب اكتشف مطاعم الريوق واجرب اشياء يديده ماحب اتريق في الفندق بس كان انسب لكسب الوقت

تذكرون في الجزء الي قبل واحنه راجعين من دايتونا شنو صورت ؟؟

Daytona International Speedway

البرنامج في الحلبه ركوب سيارة سباقات الـ NASCAR الأمريكية مع سائق سباق محترف
الحلبة من اشهر حلبات السباق في امريكا مع العلم انهي مو اول حلبة سباقات Nascar ولكنها الحلبه الي يفتتح فيها الموسم للسباق، تم اففتاح الحلبه في عام 1959

اما بالنسبة لأول سباق Nascar كان في 1949 في حلبة شارلوت في ولاية كارولاينا الشمالية

حجزت التذكره من موقع Richard Petty
V
V
V
https://www.drivepetty.com/

التذكره الي اخذتها اهيه الـ Ride along سعر التذكرة 89 دينار مع صورة و تصوير فيديو من داخل السياره

من ضمن التذاكر في Driving experience الي بنفسك تسوق السياره ويارييتني اشتريتها

بالنسبة لحلبة دايتونا في لها Tour ياخذونكم جوله في الحلبه مع مرشد ويتكلم عن تاريخها

موقع الحلبه
V
v
v

https://www.daytonainternationalspeedway.com/

مايحتاي اقولكم شلون كنت متحمس و وانه رايح لأحلى برنامج في الرحله بالنسبه لي

وصلنا الحلبه

الأستقبال و مركز الزوار وفيه محل تذكارات

سجلنا الحضور وخذونا لي داخل الحلبه

فيديو قصير من تصوير التلفون.... رفعو الصوت

جاهز

وصل الشفر

و توكلنا على الله

وصلت السرعه تقريبا 170 ميل، احلى شي لما يكون بينك وبين السور سانتيمترات بسيطة على المنعطف والسياره تتسارع

خلصنا وانه ماشبعت

وداعية دايتونا و متجهين الى ميامي

الي يحب السيارات و يعشق السيارات نصيحه يجرب، والأحلى انك تسوق، وراح اسويها المره القادمه اذا رب العالمين كتب لنا سفره رابعه للعشق، السيارات هذي الموديلات القديمة وقير عادي Manual السيارات الي حاليا يستخدمونها في السباقات احدث وشكلها انسيابي اكثر

برامج Richard petty متوفره تقريبا في اشهر حلبات الـ Nascar في امريكا وليس فقط في حلبة دايتونا، تدخلون الموقع وتختارون الحلبه و التاريخ ونوع التذكره.

نلقاكم في ميامي

يتبع

توبليرون, قطرية كول, q8ya metnaqla و 4 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الى امريكا ” لوس انجلوس ، سان فرانسيسكو ، لاس فيغاس ، سان دييغو ،	بن قوت	بوابة امريكا	872	18-04-2023 04:26 PM
الولايات المتحده ٢٠١٩ (نيويورك- اورلاندو - ميامي - البهامز - لاس فيغاس - لوس انجلوس)	ek201	بوابة امريكا	66	16-04-2022 03:59 PM
اورلاندو ميامي 15 يوم في يناير هل هي مناسبة	ابو راشد 2010	بوابة امريكا	3	23-09-2019 05:20 AM
ديزني لاند اورلاندو + يونيفيرسال استديو اورلاندو	abo.battal	بوابة امريكا	4	23-09-2019 05:14 AM
الذهاب الى سان دييغو ولاس فيغاس !	اريج منصور	بوابة امريكا	3	31-07-2016 09:47 AM