المميز كتكات ..

اشكرك على تقديم تجربتك في السكن فالبحرين بالصور والتفاصيل والملاحظات ، واللي بتفيد زوار مملكة البحرين .

فندق S موقعه مميز ويختصر عليك كثير من الاشياء . صحيح مافيه فخامه لكن واضح انه جديد واثاثه ما استهلك ومثل هالنوع من الفنادق عملي ومفيد اكثر من الفنادق اللي تذهلك بشكل اللوبي او فخامة الغرف . وتحصل السعر مرتفع والموقع بعيد عن قلب الحدث .

منتجع سوفيتيل اطلالته حلوة واعجبني فيه وجود نادي للاطفال .. لكن ستايله لك عليه يبدو انه تراثي ..
اما الموقع فدائمًا المنتجعات تكون بعيدة عن مركز المدينة والمرافق السياحية لانها تعتمد بالاساس على توفير جميع ما يحتاجه السائح في مكان واحد .


اكرر شكري الجزيل لك يالغالي وربي يجعل ايامك كل سعادة وسرور .